Isai 29:5 - Bible azumeina

⁵ Mang suma djangû suma mimiyâ’â a mba mbut ni d’igi gugum ma fefelâ na, suma mimiyâk suma a nga te yam sum ndazina kad’engina, a mba mbut ni d’igi bra d’a simetna mi felet teid’a na, ahle ndazina a mba le natogo hina zak bei sa mi we ba.

Isai 29:5 Iomraidhean Croise

Wana ni mbaktumba hi Job-pa 21:18

Tala azi mbut d’igi hububu ma simetna nga mi felema na, d’oze d’igi ahlapma mbirlimba nga d’i felema na d’a ge?

Sawal la giled’a 1:4

Wani suma asa’atna a nga hina d’i. Azi ni d’igi bra d’a simetna mi felet teid’a na.

Sawal la giled’a 35:5

Ar azi mbut ni d’igi bra d’a simetna mi felet teina na, ar malaika mangâ mi digizi woi mi.

Isai 13:11

Ma didina mi dala: An mba ni ngop suma yam andagad’ina yam asa’at mazid’a, an mba ni ngop suma asa’atna yam tchila mazid’a, an mba ni hulong suma yam mba ad’enga yazi kä, an mba ni hulong suma subur tazi suma te yam suma kad’engina yazi kä mi.

Isai 25:3

Kayam ndata, suma ad’engâ a nga suburungû, suma kur azì ma nglona handjaf suma suma a nga te yam suma kad’engina a nga lang mandarang mi.

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 25:5

D’igi ang te yam huwaka hafat ta ti nde ata yima sod’id’a na, ang nga te yam vun ma gandjauna handjaf suma dingîna na mi. D’igi d’ugula ti duk ir huwaka hafatid’a na, ang mba seng sawal la bangâna hi suma a nga te yam suma kad’engina mi.

Isai 29:20

Kur bur máma sama te yamba kad’engina nga d’uo d’a, sama las suma nga d’uo mi. Suma a le suma tchod’ina, suma a nga ka sariyad’a yam sana ki zla mazi d’a ded’ina, suma a nga gun dauna kä ata yima ka sariyad’a á kal sama d’ingêrâ kur ndakina, a mba tchazi woyo.

Isai 30:13

tcho ndata mba d’i ari kagi d’igi gong nga ti wak zizirik ti hal á dris kä woid’a hina, d’igi gulumun ma fiya’â mi wak mi zirik kä atogo zak na mi.

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Isai 31:8

Suma Asiri-na a mba puk kä abo mbigeu d’a nga ni mbigeud’a hi sa d’uo d’a. Mbigeu ndata mba d’i kaziya, a mba ring abod’u. Azungeî mazi suma dur ayîna a mba le sun nda magomba mi.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Isai 40:15

Gola! Andjaf suma a ni d’igi mbiyo ma tol kä hur sona ndeng tuna na, a ni d’igi andaga d’a gugud’up pa a hlat ki kilonid’a na. Gola! Til la tetenga ti ni d’igi andaga d’a gugud’up pa ti fel leid’a na.

Isai 41:11

Gola! Suma pet suma huruzi mi zal kagina, a mba mbut zulona, a mba mang ngeyo. Suma a nga tchi tuguyod’a ki sed’egina, a mba mbut ni vama hawana, a mba dap peyo.

Isai 41:15

Gola! An mba ni mbud’ugi kawei ma to awu ma sï ma awili ma vunam feta dedelema, agi mba wagagi ahuniyô suma nglona woyo, agi mba tozi woi kikizek, agi mba kizagagi yima ndingâ woi d’igi suma a kizak asuna woi na.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Isai 47:11

Ndaka mba d’i mba kak bei ndak we lovota á d’elet ba, djop vuna mba mi mba kak bei ndak fe lovota á kengêm bei ba, b’laka mba d’i surop kak atogo hina zak bei ndak we ba mi.

Isai 48:3

An dagi adjeu dei yam ahle suma kalâ, an hlagi vunanu, an dagi woi kazi mi. Atogo hina zak an laziya, azi le mi.

Amos 5:9

Mam nga mi mba ki b’laka yam suma ad’engâ atogo zak, nga mi mba ki b’laka yam azì ma ad’eng ma ngunguna mi.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.