Isai 29:20 - Bible azumeina

^20-21 Kur bur máma sama te yamba kad’engina nga d’uo d’a, sama las suma nga d’uo mi. Suma a le suma tchod’ina, suma a nga ka sariyad’a yam sana ki zla mazi d’a ded’ina, suma a nga gun dauna kä ata yima ka sariyad’a á kal sama d’ingêrâ kur ndakina, a mba tchazi woyo.

Isai 29:20 Iomraidhean Croise

Sawal la giled’a 10:18

á hum zlad’a hi suma hokuyod’a ki d’a hi suma a nga kid’eyêzi irazinid’a, á kazi sariya d’a d’ingêra. Ar sama yam andagad’a ka hina, mi mbut suma mandarâ d’uo d’a.

Zla d’a d’ogolâ 21:24

Sama yam mba ad’eng ma subur tad’a simiyêm ala Ma las suma, mi le sun mamba ni kayîna ki yam mba ad’enga.

Isai 13:11

Ma didina mi dala: An mba ni ngop suma yam andagad’ina yam asa’at mazid’a, an mba ni ngop suma asa’atna yam tchila mazid’a, an mba ni hulong suma yam mba ad’enga yazi kä, an mba ni hulong suma subur tazi suma te yam suma kad’engina yazi kä mi.

Isai 13:3

An he vuna mi suma a he tazi mi an na, an yi azigar man suma gangrang suma a nga han ngola yam kus mandina á tak ayî mana woi abua.

Isai 29:5

Mang suma djangû suma mimiyâ’â a mba mbut ni d’igi gugum ma fefelâ na, suma mimiyâk suma a nga te yam sum ndazina kad’engina, a mba mbut ni d’igi bra d’a simetna mi felet teid’a na, ahle ndazina a mba le natogo hina zak bei sa mi we ba.

Isai 49:25

Ma didina mi dala: Gagazi, magumeina hi grang suma durâ, a mba yozizi woi aboziya; vama ma te yam suma kad’engina mi hluma, a mba bad’amzi woi abomu. An mba ni dur ayîna ki mak suma djangûna, an mba ni sud’uk gro’â woi mi.

Isai 51:13

Ang mar kan an Ma didin ma ni lang ma ni b’eng akulod’a woi ni gäd’u andagad’ina. Burâ pet ang nga zlak ki mandarâ avok ma djop vun suma ata yima mam nga go á b’lagang ngeina. Wani mandar mama mi ar nga ni lara ge?

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Daniel 7:7

Bugola, an nga ni gol kur vama nde tam mbei iran kur andjeged’a tua na, an gol wani, ambur ma fid’ina, mi kal tchod’a ngola, ni vama mandarâ, ma ad’enga ngola heî mi. Siyamî nglod’a d’igi kaweina na. Mi mut ahlena, mi kizagazi woyo, mi miret ad’uzi d’a ara kä kasemu. Mi nga d’igi amburei suma avok ndazina na d’i, mi nga kaduveina dogo kam mi.

Mise 2:1

Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

Mise 2:3

Kayam ndata, Ma didina mi dala: Gola! An nga ni nga hurun á mba ki ndaka yam agi andjaf ma hina na. Agi mba fud’ugi yagi woi d’i, agi mba tid’igi yagi akulo herengêleng nguo mi, kayam yi máma ni yima ndaka.

Wana ni Zla d’a Djivi d’a Luc mi b’irita 16:14

Fariziyêna a hum zla ndata pet, a ngulumu, kayam azi ni suma a le yam beged’ina.

Wana ni Zla d’a Djivi d’a Luc mi b’irita 23:11

Herot azi ki azigar mama a golom d’igi vama hawana na, a lazamu. A tchugum baru d’a ngal wiwilika atamu, a hulongôm mi Pilat.

Wana ni Zla d’a Djivi d’a Luc mi b’irita 23:35

Suma a nga tchola á golomu, wani suma te yamba a nga lazamu, a nga dala: Mi sut suma dingâ; le mi ni Mesi ma Alona mi manama ni, ar mi sut tamu!

Wana ni Zla d’a Djivi d’a Luc mi b’irita 6:7

Suma hat gata azi ki Fariziyêna a so irazi yam Jesus ngolol á we na ni mi sut ini sama tugud’eid’a kur bur ma sabatna zu? Kayam azi nga hal lovota á vum ki zlad’a.

Vama ndum mbeina 12:10

Bugola, an hum del la ad’eng nga ti tcholï akulod’a, ti dan ala: Ki tchetchemba, suta kad’enga ki leud’a hAlo meinid’a kad’enga hi Christ mamid’a a mba wa, kayam ma tchuk zlad’a yam b’oziyoina avok Alo meina andjege ki faleina, a gumïya wa kä woi yam andagad’a da’.