Isai 29:2 - Bible azumeina

² Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 29:2 Iomraidhean Croise

Isai 1:14

Tan nga d’i lan djivid’a yam vun til ma agi lagizi kur bur ma deîd’a hi tilîna d’i, yam vun til ma agi lagizi kur bur ma vun til magi ma teteng ma a ngama d’uo mi. Kayam azi nga tchan aneka, an kau wa abo zi d’a ni zizid’a mi.

Isai 10:32

Ini, ini a tchol kä Nop, abozi mi nga zid’a kazi akulo á ngop ahina d’a Siyon-nda, nala, yima nding ma Jerusalem-ma.

Isai 17:14

Tcha fladege mandarâ mi nga, avok ka bei yina fod’a, sa nga d’i. Wana ni wuraka hi suma a nga b’ad’ami ahligiyemina, wana ni b’raud’a hi suma a nga hurumumi ahligiyemina mi.

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Isai 34:6

Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Isai 36:22

Ata yi máma Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulina ki Jowa Asaf gorom ma b’ir zla d’a led’a kä na a haû baru mazina woyo, a hulong gen Ezekiyas, a dum zla d’a ma avun ma ngol ma Asiri-na mi data.

Isai 37:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ad’engêt nga á vut gorotna woi d’uo d’a na.

Hor ma tchina 2:5

Salad’a mi mbut tam d’igi ma djangûna hi Israel-lîna na, mi b’lak Israel-lâ woyo, mi b’lak azì mazi ma nglo ma amula woyo, mi b’lak azì mazi ma ad’eng ma ngunguna woyo, mi zul tchina ki zam tad’a avo Juda.

Ezekiyel 22:31

Kayam ndata, an mba ni zal hurun kaziya, an mba ni dabazi woi kayî man ma aku ma bibiliuna, an mba ni hulongôzi sun mazid’a kaziya. Ni an Salad’a Ma didina ba, ni de na.

Ezekiyel 39:17

Salad’a Ma didina mi dan kua ala: Ang gor sana, ang yi andjaf aluweina teteng kambureina, ang dazi ala: Agi tchologï ata yina teteng, agi mbeyegïya, agi togogï ka hî á tagi va man ma ngat buzu ma an tanda ni ngad’am kagina. Ni vama ngat buzu ma ngol ma yam ahuniyô suma Israel-lîna! Agi mba mud’ugi hliuna, agi mba tchagi buzuna mi.