Isai 28:7 - Bible azumeina

⁷ Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Isai 28:7 Iomraidhean Croise

Sawal la giled’a 107:27

Irazi nga d’i gazi nduvunda, a nga hle titigir d’igi sama gurut ki sümina na, djib’er mazi d’a djivid’a vit tei mi.

Zla d’a d’ogolâ 20:1

Süm guguzlud’a ni vama las suma, süm ma ayîna heîna nga mi mba ki batranga mi. Sama mi he tam yam süma á tched’ina nga mi wäd’u zla d’i.

Zla d’a d’ogolâ 23:30

Ni suma a nga hir kä avun süm guguzlud’a hihira, ni suma a i hal süm ma hlumbina.

Ma tchi wala 10:17

Ni zla d’a furîd’a yam ambas sa amul matna ni sama ngolâ goroma d’a mat suma sunda a nga te tena ata yima nda’â á fad’enga a nga gurut ki süma d’uo d’a.

Isai 19:14

Ma didina mi hazi muzuk ma tchazi tatana adigazi á vit Ezipte-na woi kur sun mazid’a pet d’igi sana mi gurut ki süma, mi tib’ak tam ki vin mama na.

Isai 22:13

Wani agi nga ayâgiya, agi nga lagi furîd’a, agi nga tchagi amuzleina, agi nga tchagi aho’â, agi nga mud’ugi hliuna, agi nga tchagi süm guguzlud’a, agi nga dagi ala: Ei teya, ei tcheya, avin ei boya!

Isai 24:2

Vama mi mba yam ma ngat buzunina, mba mi mba yam sama hawana ni na mi; vama mi mba yam magomina, mba mi mba yam salama ni na mi; vama mi mba yam magombina, mba mi mba yam salata ni na mi; vama mi mba yam ma mbut aboma, mba mi mba yam ma a gus ahlena aboma ni na mi; vama mi mba yam ma suma ndahlena aboma, mba mi mba yam ma mi nde vana aboma ni na mi; vama mi mba yam ma mi he beged’a mi suma ki mbinina, mba mi mba yam ma mi nde beged’a aboma ni na mi.

Isai 24:20

Andagad’a mba d’i hle titigir d’igi sama mi hle titigir abo sümina na, mba d’i mbut ni d’igi domina na, tcho mata mba d’i tchat aneka, ti puk kä, mba d’i tchol akulo d’uo d’a.

Isai 28:1

Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Isai 29:11

Ahle suma a nga nde tazi iragina pet, a mbut ni d’igi zla d’a kur mbaktum mba a reyêt vunat ki dubangîd’a na. A hat mi sama mi we ndumbina ala: Ang ndumud’u! Wani mi hulong dala: An ndak kuo, kayam vunat mi reîd’a ki dubangâ.

Isai 3:12

Ma didina mi dala: Sum mana, gugureina a nga djobogi vunagiya, aropma a nga te kagi mi. Agi sum mana, suma avorogina a nga vid’igi woyo, a tchi lovot ta agi tid’igi kura woi mi.

Isai 43:27

Abugi ngolo ma avo’â mi le tchod’a, magi suma djok vuna a son vunan ndeyo.

Isai 5:11

Ni zla d’a hohoud’a yam suma a buzuk yorogo tcholol á hal süm ma ayîna suma a hir ad’uzi kä avunam gak andjege dangâla a gurut tei ki sed’ema.

Isai 5:22

Ni zla d’a hohoud’a yam suma a nga kad’enga á tche süm guguzlud’ina, yam suma a nga kad’enga á hlum süm ma ayîna iram tetengâ!

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Jeremi 14:14

Ma didina mi hulong dan ala: Suma djok vun suma a nga djogogi vuna ki simiyên wana a ni suma ka zlad’a. An sunuzi nga d’i, an hazi nga vun ndi, an dazi nga zla d’uo ko. Azi djogogi ni zla d’a ka d’a nde tat irazi woid’a ki zla d’a djopa ki filei ma hawa ya’â ki mbut ir ra kuruzi krovod’a mi.

Jeremi 23:13

Ma didina mi dala: An we sun nda ndjendjed’a aduk suma djok vun suma Samari-na, kayam a nga djok vun Bäl leyo, a vit man suma Israel-lâ woyo.

Jeremi 23:16

Ma didin ma ad’engêm kal petna mi dala: Ar agi humugi zla d’a suma djok vun ndazina a nga djogogizid’a d’i. Azi dagi ni zla d’a hawa yaka, azi dagi ni vama nde tam mbei irazi kur djib’er mazid’ina, nga ni zla d’a ndeï avunan an-nda d’i.

Hor ma tchina 2:4

Mi ndir yeû mamba d’igi ma djangûna na, mi zi abom ma ndjufâ woi d’igi ma tchi suma na, mi b’lak ahle suma djivid’a á golina woi pet, mi do ayî mama d’igi akud’a na ata Jerusalem.

Ezekiyel 13:7

Ahle suma a nde tazi iragina nahle suma hawa ya’â. Zla d’a agi nga djogogi vuna kata ni zla d’a kad’a mi d’uo zu? Agi nga dagi ala: Wana ni zla d’a ded’a hi Ma didinid’a, wani an ni de nga d’uo ko!

Ezekiyel 44:21

Ma ngat buzu ma lara pî mi tche süm guguzlud’a ata yima nga mi kal hur atrang nga krovod’ina d’i.

Wana ni mbaktumba hi Oze-d’a 7:5

Kur bur ma vun tilâ hamul mazinina, suma nglo suma avok suma a nga mbut tugud’eid’a abo süm guguzlud’a, amulâ nga mi ve suma las suma abozi akulo mi.

Mise 2:11

Wani le sama ka zlad’a mi mba mi djok vuna ala: An nga ni dagi zlad’a yam süm guguzlud’a yam süm ma ayîna mi ni, sa máma mba mi arî ma djok vuna hi sum ndazinina.

Habakuk 2:15

Ni zla d’a hohoud’a yam sama mi he vama tche ma ayî ma tchona mi ndrama d’igi süma na na, tala mi gurut gurut ba mam mi wum gandila mamba na.

Habakuk 2:16

Wani ang tang zulona mba mi lang kal subura. Ang tang tchë, ar gandilad’a. Ma didina mba mi gad’ang kayî mama, subur manga mba d’i mbut zulona.

Matiye 24:29

Jesus mi dazi kua ala: Bugol ndaka hi bur mámid’a, atogo hina zak afata mba d’i mbut nduvunda, tilâ mba mi b’o d’i, tchitchiud’a mba d’i tchugï kä, ahle suma ad’eng suma akulona a mba yira.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Efes-sâ 5:28

Hina mi, mbeî andjuveina a le yam amiyôzina d’igi ni hliu tazi na. Sama nga mi le yam amambina, mi le ni yam mam tamba.