Isai 28:16 - Bible azumeina

¹⁶ Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Isai 28:16 Iomraidhean Croise

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Ad’u Tinda 49:24

Wani agu yeû mamba nga ndira woi ad’enga, abom nga ved’a ad’enga, kayam ad’enga hAlo ma sib’ika hi an Jakob-ma, kayam mam mi ma pola, ahina d’a deng tad’a hi an Israel-lîd’a.

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

Sawal la giled’a 118:22

Ahina d’a suma djak gonga a gat teid’a, ti mbut ta djik gonga akulod’a.

Sawal la giled’a 87:1

Ni sawal la gile d’a Kore groma a hlata. Ma didina mi tin azì ma Jerusalem-ma ni yam ahina d’a a tinit irat vata.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 54:11

Ndak Jerusalem mba hohou d’a babarâ mi gigid’ek bei sa mi b’lengêt huruk ba d’a, gola, an nga ni minik kahina d’a ad’enga, an mba ni gak aduk kä kahina safira.

Daniel 2:45

Ang we ahina d’a wal tat tei kahina d’a fiyak ka ked’iwureng nga bei sa mi tin abom atat ba d’a ti to kawei ma wurana, kawei ma hleuna, lubu ma ab’lorina, kawei ma hapma ki lora woi kikizeka. Alo ma ngol ma kal teglesâ mi tagangî ahle suma a mba le blogongâ. Adï d’a danga ni vama ndum mbei ma gagazina, ad’ut ta an vangzid’a ni zla d’a ang tin hurung kata mi.

Zakari 10:4

Ahina d’a djik gonga ki ponde ma b’al ahlena kagu yeû d’a dur ayîna, a mba tcholï nadigaziya, amuleina pet a mba buzugï nadigazi mi.

Zakari 3:9

Ma didin ma ad’engêm kal petna mi de kua ala: Ahina d’a tu d’a an tinit avok Josue wanda, ira nga kua kid’iziya. An mba ni b’ir b’ir ra ndak á b’irid’a kua, an mba ni hle tchod’a hambas ndatid’a woi kur bur ma tuna mi.

Matiye 21:42

Jesus mi dazi ala: Agi ndumugi nga zla d’a a b’irit kur mbaktumba hAlonid’a yagi tu ala: Ahina d’a suma djak gonga a gat teid’a ni d’a mbut ta djik gong nga akulod’a. Wana ni sun nda led’a hi Ma didinid’a. Ni vama ndandalâ ireya d’a d’uo zu?

Marik 12:10

Agi ndumugi nga zla d’a a b’irit kur mbaktumba hAlonid’a ala: Ahina d’a suma djak gonga a gat teid’a, ti mbut ta djik gonga akulod’a.

Romê-na 10:11

Kayam mbaktumba hAlonid’a ti dala: Sama lara pî ma hum gagazid’ina, zulona mba mi lum mbi.

Romê-na 9:33

d’igi a b’ir kur mbaktumba hAlonid’a na ala: Gola! An nga ni tin ahina d’a dap asema kur Siyon, nahina d’a ti puguzi kä d’a mi. Wani sama he gagazid’a katna, zulona mba mi lum mbi.

1 Korente-na 3:11

Kayam sana mi ndak á gäd’u gong nga ding ngi. Ad’u ge d’a gagazid’a ti nga da’, nala, ni Jesus Christ tamba.

Efes-sâ 2:20

Agiya, a minigi wa akulo yam ad’u ged’a hi suma a sunuzina ki d’a hi suma djok vun Alonid’a. Jesus Christ tamba nahina d’a ngol la djik gong nga akulod’a.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.