Isai 28:1 - Bible azumeina

¹ Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Isai 28:1 Iomraidhean Croise

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

2 Sunda Hamuleinid’a 28:6

Kur bur ma tuna Peka Remaliya goroma amul ma Israel-lâ, mi tchi azigar suma gangrangâ aduk suma Juda-na 120.000, kayam azi ar Ma didina Alona habuyozi ngolona woyo.

Zla d’a d’ogolâ 23:29

Ni nge mi nga kur ndaka ge? Ni nge mi nga kur hohoud’a ge? Ni nge mi nga kur yalâ ge? Ni nge mi nga kur yor tad’a ge? Ni nge mi fe mbilâ hawa bei zlam ge? Ni nge ba, iram mbi tchor hleud’a kekeng ge?

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Isai 5:11

Ni zla d’a hohoud’a yam suma a buzuk yorogo tcholol á hal süm ma ayîna suma a hir ad’uzi kä avunam gak andjege dangâla a gurut tei ki sed’ema.

Isai 5:22

Ni zla d’a hohoud’a yam suma a nga kad’enga á tche süm guguzlud’ina, yam suma a nga kad’enga á hlum süm ma ayîna iram tetengâ!

Isai 8:4

Avok ka gor máma bei mi we á yabum ala Iba d’oze yasum ala Yogo d’a, a mba hurum ndjondjoî d’a Damas-sa kahle suma a yozi avun ayîna avo Samari-na, a mba i ki sed’ezi avok amul ma Asiri-na.

Isai 9:11

Suma Siri-na abo ma yorogona, ki suma Filistê-na abo ma fladegena, a mba ngo vunazi woi hagak ata Israel-lâ á ted’a. Hina pet pî, hurum mi b’leng nga d’i, abom mi ar nga zid’a akulo kamzi.

Isai 9:8

Suma pet a mba hum zla ndata, nala, suma Efraim-ma pet ki suma a nga kaka Samari suma a nga de zlad’a ki yam mba ad’enga ki subur tad’a ala:

Isai 9:9

Derengel ma mi to kä woina, ami mba hulong minim kahina d’a tcheta; diyaga d’a a kat teid’a, ami mba hulong pami agu sedrena blangâd’u!

Wana ni mbaktumba hi Oze-d’a 4:11

Gaulangâ ki süm guguzlu d’a adjeud’a ki d’a awilid’a a b’lak sum mana woyo.

Wana ni mbaktumba hi Oze-d’a 5:5

Yam mba ad’enga hi Israel-lîd’a nga d’i le glangâsâ kaziya. Kayam ndata, Israel-lâ ki suma Efraim-ma a mba puk kä yam tcho mazid’a zlapa ki suma Juda-na mi.

Wana ni mbaktumba hi Oze-d’a 5:9

Suma Efraim-ma a mba mbut vama b’laka kur bur ma an ngobozina. Zla d’a an nga ni dat mandjafâ hi Israel-lîd’a ni zla d’a gagazi d’a mba d’i led’a.

Wana ni mbaktumba hi Oze-d’a 6:10

An we vama tcho ma ndjendjed’a aduk Israel-lâ. Ni kua ba, suma Efraim-ma a nga le gaulangâ, Israel-lâ a mbut ndjendjed’a mi!

Wana ni mbaktumba hi Oze-d’a 7:5

Kur bur ma vun tilâ hamul mazinina, suma nglo suma avok suma a nga mbut tugud’eid’a abo süm guguzlud’a, amulâ nga mi ve suma las suma abozi akulo mi.

Sunda hi suma hi Levi-nid’a 26:19

Kur ad’eng magi d’a agi nga suburugi ki tagid’a, an mba ni hulongôgi yagi kä, an mba ni b’al alona akulo kagi kiki; andaga magid’a mba d’i sira ad’enga kiki mi.

Amos 2:12

Wani agi hagi süm guguzlud’a mi suma a tin tazi irat vatna agi nga d’elegi suma djok vuna ala a djogon vunan ndei d’i.

Amos 2:8

A nga bur kä gen yima ngal ahle suma ngat buzu ma lara ge yam baru d’a suma houd’a a nga dengêzizid’a, a nga tche süm guguzlud’a kur gonga halo mazinid’a ki bege d’a a kat yam suma ata lovod’ot tuo d’a.

Amos 4:1

Agi arop suma Samari suma nga dub’aragi d’igi amuzlei suma arop suma Basan-na na na, agi suma nga lagi suma kid’aka murud’umbina, agi suma nga mired’egi suma houd’a kä, agi suma nga dagi mandjuvuyogi ala: Agi yogiya, ei tcheya na, agi humugi zla d’a an nga ni data.

Amos 6:1

Ni zla d’a hohoud’a yam agi suma nga kaka halas kur Siyon-na, yam agi suma nga kaka tchugot yam ahina d’a Samari-d’ina mi. Agi ni suma avok andjaf suma ma Israel-lâ a nga i gevem á hal ndjundina!

Amos 6:4

Agi nga burugi kä yam azang ma a d’udjom ki sï ahlo’îna, agi mad’agi tagi kä woi yam tapi magina, agi nga mud’ugi gro tumiyô suma kur kangânina ki gro amuzlei suma d’orâ mi.

Amos 6:6

Agi nga tchagi süm guguzlud’a ki kop ma nglona, agi nga lagi mbul ma d’igil ma hirwilingâ atagiya, wani agi nga had’agi hurugi yam b’lak ka ti mba yam andjafâ hi Josef-fîd’a d’i!

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.