Isai 27:9 - Bible azumeina

⁹ Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Isai 27:9 Iomraidhean Croise

2 Amuleina 10:26

A yoï ahina d’a tchet ta kur gonga hi Bäl-lid’a woi abua, a ngalat tei kakud’a.

2 Amuleina 23:14

Mi to ahina d’a tcheta woyo, mi kus agu ma murguli ma a pum mi Asera-na kä woyo, mi oî asok suma yam yi máma mi.

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

2 Sunda Hamuleinid’a 14:5

Mi min azì ma nglo ma ad’eng ma ngungu ma Juda-na, kayam ambasa ti kak ki halasa, sama durum ayîna kur biza ndatina nga d’uo mi, kayam Ma didina mi hum lovota á tuk tamu.

2 Sunda Hamuleinid’a 34:4

A to yima ngal ahle suma ngat buzuna hi Bäl-lâ ma tetengâ kä woi avoromu, mi to filei ma afat ma nga kam akulo ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a kä woi ki filei ma teteng ma a tched’ema ki filei ma kawei ma teteng ma a yoroma kä woi mi, mi tozi woi kikizek, mi mbud’uzi d’igi andaga d’a gugud’upa na, mi tchuguzi sä woi yam asud’a hi suliyozi suma a ngad’azi buzunina.

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

Sawal la giled’a 119:67

Avok ka an bei ge yan kä tua d’a, an vit teyo; ki tchetchemba, an nga ni ngom zla manga.

Sawal la giled’a 119:71

Ata yima an nga kur ndakina ni vama djivina kanu, kayam an tin ad’ud’a á hat gat manga.

Buzuk ka Abud’a 34:13

Wani agi pleyêgi yi mazi ma teteng ma ngal ahle suma ngat buzuna woyo, agi togi filei mazi ma teteng ma tcheta woyo, agi kuzugi filei mazi ma a lum tetengâ woi mi.

Zla d’a d’ogolâ 20:30

Tod’a kang tang mbuleina ndondota ni kuma ma yam tchod’ina, to d’a tong ba ba kal atang piprata ni hina mi.

Isai 1:29

Gagazi, agi mba mbud’ugi zulona kagu ma terben agi tinigi hurugi kama, agi mba mbud’ugi zulona kasine ma agi manam ma agi nga tuwalagizina mi.

Isai 17:8

Mba mi mbut iram á gol yima ngal ahle suma ngat buzu ma mam minim kaboma tetengâ d’i, mba mi tin iram yam vama mam lum ki tchitchid’ama, d’oze yam alo d’a a yat ala Asera-d’a ki filei afata tetenga d’uo mi.

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Isai 4:4

Ma didina mba mi mbus ndjendjed’a harop suma Jerusalem-ma woyo, mba mi mbus buzu ma djang ngei kur Siyon-na woi ki simet ma mbud’uzi d’ingêr ma mbud’uzi yed’et mi na.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 48:10

An yorogiya, wani nga ni d’igi suma a yor kawei ma hapma na d’i. An yorogi ni pad’agi woi ni kur ndaka.

Ezekiyel 11:18

Fata agi hulongôgi kuruta, agi mba yogi sun nda tchod’a ki sun nda ndjendje d’a lara ge pet tei kurud’u.

Ezekiyel 20:38

An mba ni wal suma a tchol huneîd’a ki suma bei hum vuna woi avoron ki sed’egiya, an mba ni buzuguzï woi kur ambas sa azi nga kaka kuad’a, wani azi mba kal kur ambas sa Israel-la d’i. Hina wani agi mba wagi ala an ni Ma didina.

Ezekiyel 6:4

Yi mazi ma ngal ahle suma ngat buzu ma tetengâ mba mi mbut djona. An mba ni tozi filei mazi mafat ma tetengâ kä woyo, an mba ni tchuguzi mad’azi kä avok filei mazi ma teteng máma mi.

Daniel 11:35

Suma hiuna aduk suma ned’a a mba tchaziya, wani mat mazina mba mi ndjun suma dingâ á mbud’uzi yed’et hapa titil gak yima dabid’a, kayam ahle ndazina a mba mba nata yima a ngama.

Wana ni mbaktumba hi Oze-d’a 14:8

Suma Efraim-ma a mba dala: Vama ndolomi ki fileina ni me ge? An mba ni hulongôzi humba yam tchen mazid’a, an mba ni tin iran kaziya, an mba ni mbut ni d’igi agu sipre ma d’uf ma gugulîna na kaziya. Ni yam an ba, agi fagi ki te magina.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Mise 5:11

An mba ni dap magi suma kumana woyo, a mba fe sama mi djop ki tchitchiud’ina avo hatagi d’uo mi.

Zakari 13:2

Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi.

Romê-na 11:27

Fata an mba ni hlazi tcho mazid’a woid’a, an mba ni djin vunan ki sed’eziya.

1 Korente-na 11:32

Wani ata yima Salad’a mi kei sariyad’a keina, mi gad’ei ni gad’a, kayam sariyad’a hAlonid’a ti vei ki suma bei he gagazi suma yam andagad’ina tu d’i.

Gat ta a hat á mbàd’id’a 12:3

Agi pleyêgi yi mazi ma teteng ma ngal ahle suma ngat buzuna woyo, agi togi ahuniyô suma a tched’ezi a tinizi á kud’urozina woyo, agi ngalagi filei mazina woi kakud’a, agi tozi angus ahle mazi suma azi tched’ezi d’igi alo mazina na na woyo, agi blazazi simiyêzi woi yam ambas ndata.

Hebre-na 12:6

Kayam Ma didina nga mi gat sama mam le kama, nga mi to sama lara ge ma mam hurum vum d’igi goroma na na kazlingâta.