Isai 27:3 - Bible azumeina

³ Ni an Ma didina ba, ni ngomod’u, an nga ni vot mbina ad’ut burâ ki burâ, an nga ni ngomot andjege ki falei kayambala va mi lat tuo d’a.

Isai 27:3 Iomraidhean Croise

Ad’u Tinda 6:17

Mi dum kua ala: An nga ni kus mbina yam andagad’a á b’lak ahle suma ari suma yam andagad’ina woi pet; ahle suma yam andagad’ina pet a mba bo woyo,

Ad’u Tinda 9:9

Ki tchetchemba, an nga ni djin vunan ki sed’egi kandjavagi ma nga mi mba blogogina,

1 Amuleina 8:59

Ar Ma didina Alo meina mi djib’er yam tchen nda an tchenemba andjege ki faleya, ar mi le ki an azong mama ki agi sum mama ata lovot ta d’ingêra burâ ki burâ mi.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 46:5

Aluma nga, ni ma mbiyom nga mi le suma avo hurazina hAlonina tazi djivid’ina. Azì máma ni yima kal tegles ma aduk yi ma kak ma tetengâ hi ma sä akulo ma kal teglesîna.

Isai 31:5

D’igi aluweina a nga dal akulo yam grozina na, Ma didin ma ad’engêm kal petna mba mi ngom Jerusalem, mba mi prud’ut tei mi ngomot mi sud’ut tei mi.

Isai 42:6

An Ma didina ni yangî yam d’ingêra, an nga ni vang abong akulo, an nga ni ndjunungû, an nga ni tining á djin vunang ki suma pet á mbut b’od’a handjaf sumid’a,

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 46:4

Gak agi mbud’ugi momorogeid’a an nga ni na. An mba ni ndjunugi gak yagi d’i ndeî abusa, an mba ni zigiya, an mba ni hulong zigi kua, an mba ni ndjunugiya, an mba ni sud’ugi mi.

Isai 46:9

Agi djib’eregi yam ahle suma kalâ, kayam an nAlona, ma ding nga d’i. An nAlona, ma hle tam d’igi an na na nga d’uo mi.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Isai 58:11

Ma didina mba mi ndjunugi teteu, mam mba mi hobogi ata yima so ma gangrasâ, mam mba mi hulong mi hagi ad’enga atagiya. Agi mba mbud’ugi ni d’igi asine ma a rabam mbinina na, d’igi golong nga mbiyo matna nga mi so d’uo d’a na mi.

Isai 60:16

Andjaf suma kamulei mazina a mba wulugu. Ata yi máma ndak mba d’i wala an Ma didina ni ma sud’u’â, an ni ma sib’ika hi Jakob-ma, an ni ma wurak ka’â mi.

Ezekiyel 34:11

Ma didina mi dala: Gola! Ni an tanda ba, mba ni pol tumiyô mana, an mba ni tin iran kaziya.

Ezekiyel 34:24

An Ma didina mba ni arî Alo mazina, azong mana David mba mi arî ma ngol ma adigazina mi. An Ma didina ni de na.

Ezekiyel 37:14

An mba ni fo Muzuk mana kurugiya, agi mba kagagi karid’a. An mba ni siragi sideyegi kä yam andaga magid’a, agi mba wagi ala an Ma didina ni de zlad’a, ni le sunda kat mi! An Ma didina ni de na.

Ezekiyel 37:28

Fata gong man nda kud’ora ti kak aduk Israel-lâ gak didinda, andjaf suma dingâ a mba wala an ni Ma didin ma ni tin Israel-lâ irazi vazina.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.