Isai 27:10 - Bible azumeina

¹⁰ Kayam azì ma ngol ma ad’eng ma ngunguna, a mba aram mbei a mba noyôm mbei d’igi hur fulâ na, mba mi mbut ni yima te hatna hi gro amuzleinina, a mba bur kua, a mba dap azlup pa kuad’a ted’a mi.

Isai 27:10 Iomraidhean Croise

Isai 17:2

Azì ma nglo ma nguyutna a mba aram mbei ki irazi fafat, a mba aramî mi d’uwarâ, a mba mol kua, vama mba mi mbud’uzi mandarîna nga d’i.

Isai 17:9

Kur bur máma azì ma nglo ma ad’eng ma ngunguna hi Israel-lîna a mba aram mbei d’igi azì ma nglona hi suma Het-na kazì ma nglona hi suma Amor-râ a aram mbei adjeu kur bur ma Israel-lâ a mbana na. Mba mi mbut ni hur ful la gangrasa.

Isai 24:10

Azì ma ngol ma mi mbut djonina mi b’lak keyo, a dugum vunam akulo, kayam suma kal kuana a nga d’uo d’a.

Isai 25:2

Kayam ang mbut azì ma ngolâ d’igi mola hahinad’id’a na, azì ma ngol ma ad’engâ, ang b’lagam mbeyo, azì ma ad’eng ma ngunguna handjaf suma dingîna, ang b’lagam mbei mi. Sama mba mi hulong mi minim akulona nga d’uo d’a.

Isai 32:19

Wani mogoina mba mi kizak agud’a woi atogo zak, azì ma ngolâ mba mi feî mi.

Isai 35:1

Hur fulâ kambas sa so d’a gangrasa a mba ayâ, hur fulâ mba mi le hur ma hapma, mba mi b’o d’igi aguna mi b’o na.

Isai 49:21

Ndak mba d’i de kuruk ala: Ni nge ba, mi vud’uk gro ndazina ge? Kayam grona a dap peyo, an ni gendreged’a, a i ki sed’en magomba, a digin ndeyo. Ni nge wuluzi ge? An arî van tu. Sum ndazina a tcholï ni lara ge?

Isai 64:10

Gong mami d’a kud’or ra a tinit irat vat ta subur ra abuyomi ngolo a gileng kuad’a, ti mbut wa vama a ngalam kakud’ina, ahle suma ami lami kazi heîna a b’lak wa woi mi.

Isai 7:21

Kur bur máma nge nge pî mba mi wul amuhl hla weid’a tu ki b’ogeina mbàmbà mi.

Isai 7:25

Yam yima nding ma a zumum ki kaweid’id’a, sa mba mi ve tam ad’enga á kal kua d’i abo mandarâ hi kekerezeuna kaweid’ina, wani a mba ar amuzleina ki tumiyôna a te kua.

Jeremi 25:37

Kangâna mi b’leng djed’et abo ayî ma bibiliuna hi Ma didinina.

Jeremi 26:18

Mika ma Moreset-na mi djok vuna kur atchogoid’a hi Ezekiyas amul ma Juda-nid’a, mi de mi suma Juda-na pet ala: Ma didin ma ad’engêm kal petna mi dala: A mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Jeremi 26:6

an mba ni b’lak gong ndata woi d’igi an b’lak Silo na, an mba ni mbut azì ma ngol máma vama ge vuna mandjaf suma yam andagad’ina pet mi.

Jeremi 52:27

Amulâ mi tchazi woi ata yi máma yam ambas sa Hamat-ta. Ni hina ba, a i ki suma Juda-na magomba woi dei kambas mazid’a.

Hor ma tchina 1:4

Lovot ta i Siyon-nda nga d’i yor tat d’igi sana na, kayam suma a nga mba á le vun tilâ kua d’uo d’a. Vun agrek matna pet mi b’lak keyo, mat suma ngat buzuna a nga zam taziya, yugunei matna a mbut wa hohoud’a, ndat tata ti nga kur hat hur ma ngolâ mi.

Hor ma tchina 5:18

Ni kayamba ahina d’a Siyon-nda ti ar djonid’a, ni kayamba arauna nga mi tit kuruta mi.

Ezekiyel 36:4

Kayam ndata, agi ahuniyô suma Israel-lâ, agi humugi zla d’a an Salad’a Ma didina ni data. An Salad’a Ma didina ni de mahuniyôna, mi yima ndingâ, mi toliyonda, mi hora, mi yima b’lak kei mi mbut djonina, mazì ma nglo ma a aram mbei ma mi mbut vama hurumba ki vama sanda mandjaf suma ding suma a nguyumina ala:

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.