Isai 26:15 - Bible azumeina

¹⁵ Ma didina, ang zulumi andjavamiya, ang zulumi andjavamiya. Ang wet wa hagad’a hambas mamid’id’a woyo. Suma a suburung yam sun mang nga led’a.

Isai 26:15 Iomraidhean Croise

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Ad’u Tinda 13:16

An mba ni zulung andjavang d’igi andaga d’a gugud’upa na; le sana mi ndak á ndum andaga d’a gugud’upa ni, mi mba mi ndumung andjavang mi.

1 Amuleina 8:46

Fata Israel-lâ a le wa tchod’a avorong kayambala sama bei le tchod’a mi nga d’uo d’a ni, le ang hurung zal kaziya, ang hazi abo mazi suma djangûna a yozi magomba kur andaga mazi d’a deid’a, d’oze kur andaga mazi d’a god’a,

2 Amuleina 17:23

Kayam ndata, Ma didina mi digizi woi dei avoromu, mi izi magomba yam andaga d’a Asiri-d’a gak ini d’igi Ma didina mi de woi avun azungeî mam suma djok vuna pet na.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 23:27

Ma didina mi dala: An mba ni dik suma Juda-na woi avoron d’igi an dik Israel-lâ woi avoron na mi. An mba ni ge Jerusalem azì ma an manama ki gong nga ngol la an djin vunan kat ala: Ni kua ba, an mba ni tak simiyên ndeyo d’a woyo.

Nehemi 9:23

Ang zuluzi grozina d’igi tchitchiud’a na, ang kalazi yam ambas sa ang de kat ala ang mba hat mabuyozi á te kad’u d’a.

Wana ni mbaktumba hi Job-pa 12:23

Nga mi zul andjaf suma, nga mi tchazi woi mi; nga mi izi avogovogo, nga mi izi magomba mi.

Isai 10:22

Ang Israel, le sum mangâ a mba zulî d’igi les ma avun alum ma ngolîna na pî, nad’uzi d’a arâ ba, mba d’i mba, kayam Ma didina mi nga wa hurum yam b’laka da’. D’ingêra mba d’i kal lei kad’u.

Isai 33:17

Irang mba d’i wamulâ kur subur mamba, ti mba d’i wambasa ki bubu mata pet mi.

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Isai 6:12

Gagazi, an Ma didina mba ni izi woi dei, ni ar ambasa ti mbut djona.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 9:3

Kayam djuk ma kelezina, ki totogo d’a a tozi pepelezi ki d’a, ki tatatagam ma a nga djobozi ki vunazina, ang kuzuzi woi d’igi ang b’lak suma Madiyan-na woi adjeu na.

Jeremi 30:19

Suma abuna a mba hum sawal la mersid’a ki del la furîd’a adigagiya. Agi andjafâ hi Jakob-ma, agi mba feyêgi d’i, kayam an mba ni zulugi ablaud’a; sa mba mi gologi is suo d’a, kayam an mba ni hagi ngola.

Jeremi 32:37

Gola! An mba ni togozï kur ambas sa lara ge pet ta an digizi woi kur kayî mana ki hur man ma zal ma gugulu’îd’a, an mba ni hulong mbazi ka hî kur yima wana, an mba ni kagazi kur bei va mi lazi ba.

Ezekiyel 36:24

An mba ni yogï woi aduk andjaf suma dingâ, an mba ni togogï yam ambas sa agi b’rawagi woi kuad’a pet. An mba ni hulongôgï yam andaga magid’a.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ndumba 23:10

Ni nge ba, mi ndak á ndum andjafâ hi Jakob-ma ge? Ni nge ba, mi ndak á ndum abo Israel-lâ sop ke? Ar an mit ni matna hi suma d’ingêr sum ndazinina. Ar dabi manda ti dap mi d’igi mazid’a na mi.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Jean 17:1

Kid’a Jesus mi dahle ndazina dad’a, mi hle iram akulo, mi dala: Abunu, yina ndaga wa, ang suburunu, kayam an suburung mi.

Gat ta a hat á mbàd’id’a 10:22

Abuyogi ngolo suma a i Ezipte-na ablawazi ni dok kid’iziya. Ki tchetchemba, Ma didina Alo magina mi zulugi andjavagi d’igi tchitchiud’a na.

Gat ta a hat á mbàd’id’a 28:25

Ma didina mba mi he magi suma djangûna ad’enga á kus kagiya, agi mba igi atazi á durâ ni kur lovot ta tud’a, wani agi mba ringîgi avorozi ni ki lovota teteng kid’iziya. Agi mba mbud’ugi ni suma mandarâ avok suma yam andagad’ina pet.

Gat ta a hat á mbàd’id’a 28:64

Ma didina mba mi b’rawagi woi yayak aduk suma dingâ tinï ad’ud’a avun dabid’a handagad’id’a abo hî dei gak nde woi abo hî. Agi mba kud’urogi alo ma ding ma agi d’oze abuyogi ngolo a wum nga yazi tu d’uo ma ahinad’a ki ma aguna.