Isai 25:2 - Bible azumeina

² Kayam ang mbut azì ma ngolâ d’igi mola hahinad’id’a na, azì ma ngol ma ad’engâ, ang b’lagam mbeyo, azì ma ad’eng ma ngunguna handjaf suma dingîna, ang b’lagam mbei mi. Sama mba mi hulong mi minim akulona nga d’uo d’a.

Isai 25:2 Iomraidhean Croise

Wana ni mbaktumba hi Job-pa 12:14

Le mi b’lak va woyo ni, sama hulong mi minim akulona nga d’i. Le mi ge sana dangeina ni, sama gum akulona nga d’uo mi.

Isai 13:20

Sa mba mi kak kurut ti, a mba fe sa kaka kurut ti gak didin. Ma Arap mba mi ve zlub’u mam kua d’i, suma pola a mba kak kua ndjö d’uo mi.

Isai 13:21

Ahle suma abageina a mba mol kua, tchohôd’a mba d’i mol kua, arigeta mba d’i kak kua, ahuwabeid’a mba d’i dub’ar kua mi.

Isai 13:22

God’eid’a mba d’i tchi kuru, hâna mba mi kak kur aziyat ma amula. Burut ar go á mbad’a, burut mba mi i avok kuo d’a.

Isai 14:23

Ma didin ma ad’engêm kal petna mi de kua ala: An mba ni mbud’ut ni yima domina hi tchetchembina ki yima ve mbina mi, an mba ni torot tei kasumat ma b’lak yina.

Isai 17:1

Wana ni zla d’a Ma didina mi dat yam Damas-sa, mi dala: Gola! Damas a mba ndumut aduk azina d’i, wani mba d’i arî djimngil ma b’laka.

Isai 17:3

Ma didin ma ad’engêm kal petna mi dala: Azì ma ad’eng ma ngunguna hi suma Efraim-mina mba mi b’lak keyo, leud’a hi suma Damas-sid’a mba d’i b’lak kei mi. Suma Siri suma a mba arâ a mba ndumuzi ni va d’uo d’igi Israel-lâ na mi.

Isai 21:9

Gol wani, an we sana mi djak kur pus ma akulumeina nga mi djïya, mi er ad’um akulo ala: Babilon ndi puk wa! Babilon ndi puk wa! Filei mat ma tcheta pepet mi wizek wa kä woi andaga gegeleng!

Isai 23:11

Ma didina mi hlabom akulo yam alum ma ngolâ, mi giget leud’a teng teng, mi he vuna á b’lak azì ma ad’eng ma ngungu ma Kanan-na woyo.

Isai 23:13

Gol ambas sa suma Kitim-ma a mba a kak kua d’a ki tchetchemba suma a nga kurut tuo d’a. Suma Asiri-na a arat mazurei suma abageina, a min yima fiyak ma ndjola teteng nguyud’u, a to azì ma fiyak ma ndjola hi suma Tir-râ woyo, a b’lagam mbei kakazeî.

Isai 24:10

Azì ma ngol ma mi mbut djonina mi b’lak keyo, a dugum vunam akulo, kayam suma kal kuana a nga d’uo d’a.

Isai 25:12

Mba mi togi gulumun magi ma fiyak ma ad’eng ma ngunguna woyo, mba mi tom kä woi andaga ndjandjap mi.

Isai 26:5

Mi zut suma a nga kaka akulo ata yima ndingîna kä, mi zut azì ma ngol ma akulo ata yima ndingîna kä andaga, mi tom kä woi andaga ndjandjam mi.

Isai 27:10

Kayam azì ma ngol ma ad’eng ma ngunguna, a mba aram mbei a mba noyôm mbei d’igi hur fulâ na, mba mi mbut ni yima te hatna hi gro amuzleinina, a mba bur kua, a mba dap azlup pa kuad’a ted’a mi.

Isai 32:14

Kayam a ar azì ma amula kazì ma ngol ma suma a nga le vuna kua gandjauna woyo. Yima ndingâ ki gong nga fiyak ka ndjola, a mba mbut ni domi ma ngeid’a yam koro ma abageina ki iram fafat, a mba mbut ni yima pol d’uwarâ mi.

Isai 32:19

Wani mogoina mba mi kizak agud’a woi atogo zak, azì ma ngolâ mba mi feî mi.

Isai 34:13

Azlupa mba d’i wul kur azì mat ma ngolâ. Kekerezeuna kaweid’a a mba deî kur azì mat ma ad’eng ma ngunguna, mba d’i mbut ni yima kaka hi hânina, mba d’i mbut ni yima kaka harigetina mi.

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Jeremi 51:26

Ma didina mi dala: A mba fahina d’a djik gong kuruk kuo mi na, a mba fahina d’a gäd’u gong kuruk kuo mi. Ndak mba d’i arî djona ki irak fafat.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Gat ta a hat á mbàd’id’a 13:16

Agi togogi ahle suma agi yogizina hurazina d’ad’ar, agi ngalagi azì máma kahle suma agi yozina pepet woi kakud’a avok Ma didina Alo magina. Azì máma mba mi arî azì ma b’laka ki iram fafat; ar sa mi minim akulo d’uo d’a.

Vama ndum mbeina 18:19

Azi nga tchuk butna kaziya, a nga tchiya, a nga yor taziya, a er ad’uzi akulo ala: Ni zla d’a hohoud’a, ni zla d’a hohoud’a kang ang azì ma ngolâ. Ni ki ndjondjoî manga ba, suma djang batod’a kur alum ma ngolîna pet a mbut suma ndjondjoîna. Ni kur ler ra tud’a go ba, a b’lagam mbei pet.