Isai 24:16 - Bible azumeina

¹⁶ Ami nga humumi sawala avun dabid’a handagad’id’a ala: Hei ngola mi Ma d’ingêrâ! Wani an nga ni dala: An ba wa woyo, an ba wa woyo! Ni zla d’a hohoud’a kanu! Suma mbut ira a nga mbut ir suma, suma mbut ira a nga mbut ir suma ngola!

Isai 24:16 Iomraidhean Croise

Sawal la giled’a 106:15

Mi hazi vama azi tchenem kama, bugola, mi tchuguzi tugud’ei d’a tchod’a kaziya.

Sawal la giled’a 119:158

An nga ni gol suma mbut ira is, kayam a ngom nga vun mang ma hled’a d’i.

Sawal la giled’a 2:8

Ang tchenenu, an mba ni hang andjaf suma djona, ang mba te yam suma yam andagad’ina pepet.

Sawal la giled’a 58:10

Avok ka azi bei wala ang mba gad’aziya d’a, ang fozi woi d’igi sana mi fo butna woi na.

Sawal la giled’a 65:8

Ang nga seng vun alum ma ngolâ kabil mama, ang nga seng siwela hi sumid’a mi.

Sawal la giled’a 67:7

Alo mamina, ang b’e wa vunang kamiya, andagad’a ti djivimi wa awuna mi.

Sawal la giled’a 98:3

Humam gum yam o mam mba didinda, yam d’engzeng mam mba yam azì ma Israel-lîd’a. Andagad’a vunat ma dabid’a pet, ti we suta hAlo meinid’a.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Isai 10:16

Kayam ndata, Salad’a Ma didin ma ad’engêm kal petna mba mi sun itna ata suma d’or suma gugundulîna, mba mi fo aku d’a ngal bibiliud’a akulo aduk mazi suma nglona.

Isai 11:12

Mba mi pe drapo d’a taka mandjaf suma ala mam mba mi tok Israel suma a b’rau woina gevemu, mba mi tok andjafâ hi Juda ma b’rau woi yam andagad’a abot ma fid’inina ata yima tuna mi.

Isai 17:4

Kur bur máma Israel-lâ a mba mang ngeyo, hliwizi ma d’orâ mba mi id’a.

Isai 21:2

Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Isai 26:15

Ma didina, ang zulumi andjavamiya, ang zulumi andjavamiya. Ang wet wa hagad’a hambas mamid’id’a woyo. Suma a suburung yam sun mang nga led’a.

Isai 28:5

Kur bur máma Ma didin ma ad’engêm kal petna mba mi mbut navaval la wiled’a ki djum mba subura yam mam suma a arâ.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Isai 48:8

Wani agi humugi nga d’i, agi min wagi ad’ud’a d’i, agi djib’eregi nga d’uo mi. An wagi agi ni suma mbut ira ki vut magid’a dei, a yagi ala suma tchila yam gata mi.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Jeremi 3:20

Wani an Ma didina ni dagi ala: Agi Israel-lâ, agi mbud’un iran d’igi atchad’a ti mbut ir ndjuvut na.

Jeremi 5:11

Ma didina mi de kua ala: Israel-lâ ki suma Juda-na a mbud’un iran ngola.

Hor ma tchina 1:2

Nga d’i tchi andjege, simina nga mi djang kä irad’u. Aduk suma a le katna pet, sama mi b’lengêt hurutna nga d’i. Buniyôtna pet a mbut ni suma a mbud’ut iratna, a mbut ni suma djangû matna mi.

Wana ni mbaktumba hi Oze-d’a 5:7

Azi mbud’un iranu, a vut ni gro suma nga ata yazi d’uo na. Ki tchetchemba, ar tilâ tu a mba b’lagazi ahle mazina woyo.

Wana ni mbaktumba hi Oze-d’a 6:7

Agi bud’ugi vun ma djinda kä woi d’igi Adam na. Ni kua ba, agi mbud’um iranu.

Sunda hi suma hi Levi-nid’a 26:39

Suma a mba ar adigagina, a mba mbut amangeîd’a yam tcho mazid’a kur ambasa hi mazi suma djangûnid’a, a mba mbut amangeîd’a yam tchod’a habuyozi ngolod’a mi.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Habakuk 1:13

Ang irangî bei tchod’a ba nga d’i min gol tchod’a d’i, ang ndak á gol sama djop vun suma d’uo mi. Ni kayam me ba, ang nga gol suma mbut ira hina tä ge? Ni kayam me ba, ang kak hina tchugot ata yima sama tchona nga mi le sama kalam ki d’ingêrina ndakina ge?

Habakuk 1:3

Ni kayam me ba, ang aran an nga ni gol tchod’a, ang nga gol djop vuna ki irang na ge? Hurumba ki huwaka a nga avoronu, ayîna ki yalâ a tchol akulo mi.

Marik 13:27

Ata yi máma, an mba ni sunï malaika mana á tok suma Alona mi manazina abo yima fid’ina gak ata avun dabid’a handagad’id’a pet mi.

Sunda hi suma a sunuzinid’a 13:47

Kayam Salad’a mi hami vuna ala: An tining d’igi b’od’a na yam andjaf suma dingâ, kayam ang i ki suta mi suma gak avun dabid’a handagad’id’a.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.