Isai 24:15 - Bible azumeina

¹⁵ a dala: Agi suma abo ma yorogona, agi suburugi Ma didina; agi suma avun alum ma ngolîna, agi suburugi simiyê Ma didina Alona hi Israel-lîna.

Isai 24:15 Iomraidhean Croise

Ester 10:1

Amulâ Asuwerus mi tin tara yam suma kur ambasina, yam suma kur tilina mi.

Isai 12:4

Kur bur máma agi mba dagi ala: Agi gilegi Ma didina, agi dagi woi yam simiyêmu, agi tagam sun mam mba nglo d’a mam lata woi aduk andjaf suma. Ar agi wagi ala simiyêmî Ma kal papana.

Isai 25:3

Kayam ndata, suma ad’engâ a nga suburungû, suma kur azì ma nglona handjaf suma suma a nga te yam suma kad’engina a nga lang mandarang mi.

Isai 26:8

Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Isai 41:5

Suma a nga kaka yam tilina, a nga le mandarâ; suma sä kaka avun dabid’a handagad’ina a nga zlaga, a nga hud’ïya, a nga djïya.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Isai 42:12

Ar suma a nga kaka yam tilina a gile Ma didina, a de woi yam subur mamba mi.

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Isai 49:1

Agi suma nga kaka yam tilina, agi humundiya. Agi suma sä deina, agi tinigi humagi humugi mi. Ma didina mi yanï ni kur asun dei, mi de zlad’a ki simiyên ni kid’a an nde woi kur asunda dei mi.

Isai 51:5

D’ingêr manda ti mba go, sut manda nga d’i nde woyo. An mba ni ka sariyad’a kad’eng manda. Suma a nga kaka yam tilina a mba tin huruzi kanu, a mba deng tazi yam ad’eng manda mi.

Isai 60:9

Kayam suma a nga kaka yam tilina a tin huruzi ni kanu, batod’a hi suma Tarsis-sîd’a ti tchuk tat avok á yoï gro’â ata yima deina ki bege mazi d’a hapa ki lor mazid’a, yam simiyên an Ma didina Alo mak ma tin tan irat vat yam Israel-lâ ma ni hak ngolina.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Sunda hi suma a sunuzinid’a 16:25

Wani tcha andjege dangâla, Paul azi ki Silas a nga tchen Alona, a nga gilem ki sawala. Suma dangeina a nga humuziya.

2 Tasaloni’â 1:12

Yam sumad’a hAlo meinid’a ki d’a hi Saleina Jesus Christ-sa, agi mba suburugi simiyê Saleina Jesus, mam mba mi suburugi mi.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

1 Pierre 3:15

wani agi hugi Christ ngola kurugi ala mam mi Salagina. Agi minigi tagi teteu á hulongôgi zla d’a ded’a mi suma a nga djobogi yam vama agi tinigi hurugi kama,