Isai 24:1 - Bible azumeina

¹ Gola! Ma didina mba mi b’lak andagad’a woyo, mba d’i mbut djona, mba mi tchat tata, mba mi ndjoî suma a nga kaka katna woi vivreng.

Isai 24:1 Iomraidhean Croise

2 Amuleina 21:13

An mba ni b’lak Jerusalem mbei d’igi an b’lak Samari ki suma avo hi Ahap-ma woi na, an mba ni set Jerusalem mbei d’igi sana mi set hur tazana mi hulong mi kulubum kä na mi.

Nehemi 1:8

Ang djib’er yam zla d’a ang damizi avun azong mangâ Moise-sa, ang dami ala: Le agi lagi tchod’a avoronu ni, an mba ni ndjoyôgi woi aduk andjaf suma dingâ.

Sawal la giled’a 146:9

Ma didina nga mi ngom angoyogeina, nga mi ndjun ma hokuyod’a katcha d’a modonod’a, wani nga mi b’lak nga hurâ hi suma asa’atnina woyo.

Isai 13:13

Kayam ndata, an mba ni giget akulod’a, andagad’a ad’ut ta ged’a mba d’i giget abo ayîna hi an Ma didin ma ad’engên kal petnina, abo bur man ma ayî ma bibiliuna mi.

Isai 13:5

Azi tcholï ni yam ambas sa deid’a, a tcholï navun dabid’a handagad’id’a. Ma didina ki mam suma dur ayîna yam hur mam ma zalina a mba b’lak ambas ndata woi pet.

Isai 2:19

Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

Isai 24:19

Andagad’a ti waga, ti to woyo, andagad’a ti zlaga.

Isai 24:20

Andagad’a mba d’i hle titigir d’igi sama mi hle titigir abo sümina na, mba d’i mbut ni d’igi domina na, tcho mata mba d’i tchat aneka, ti puk kä, mba d’i tchol akulo d’uo d’a.

Isai 27:10

Kayam azì ma ngol ma ad’eng ma ngunguna, a mba aram mbei a mba noyôm mbei d’igi hur fulâ na, mba mi mbut ni yima te hatna hi gro amuzleinina, a mba bur kua, a mba dap azlup pa kuad’a ted’a mi.

Isai 29:16

Agi vid’igi ni vid’a me tchotchod’a na ge? Na ni a mba ndjak sama min deina ki lubuna tu zu? D’oze vama sana mi luma mi de yam salam ma luma ala mi lan nga d’uo zu? D’oze deina mi de yam salam ma minima ala mi ni ma bei wed’a d’a zu?

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 30:32

Ma didina mba mi tozi ki totogo d’a lara ge d’a mi ngazizi kazid’a. Ata yi máma suma a mba hum tchina hi daliyâd’ina kadingâ, mba mi dur ki sed’ezi kabom ma zid’a woi zina mi.

Isai 32:12

Agi tchagi abogi kurugiya, agi tchigi yam asine ma djivina ki guguzlu d’a vut heîd’a mi.

Isai 33:9

Ambasa ti nga kur yor tad’a ki hur ma wurana, Liban ti mbut zulona, ti tchuk susub’ok, Saron ti mbut ni d’igi hur fulâ na. Basan ki Karmel agu mazid’a humat yak keyo.

Isai 34:10

Andjege ki faleya ti nga d’i mit tei d’i, andozot mba mi d’uzî hina gak didin. Atchogoid’a katchogoid’a mba d’i mbut ni hur fulâ, sa mba mi kal kua d’uo mi.

Isai 34:2

Kayam Ma didina hurum mi zal yam andjaf suma pet, hur mam ma zal ma gugulu’â mi nga yam azigar mazina mi. Mi nga hurum á dabazi woyo, mba mi tchimizi woi ngingidjip mi.

Isai 42:15

An mba ni b’lak ahuniyô suma nglona ki yima ndingâ woyo, an mba ni so asu ma nguloma woyo, an mba ni mbut aluma andaga d’a sod’a, an mba ni so apod’a woyo.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 40:15

Johanan Kareya goroma mi de mi Gedaliya gumun avo Mispa ala: Ang aran lovota an i ni tchi Ismael Netaniya goroma bei sa mi we ba. Ni kayam me ba, mi tchang ngei hawa d’ar ba, suma Juda-na pet suma a tok gevengâ a ndjoî woi ba, suma Juda suma a arâ a dap pei ge?

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 51:34

Jerusalem ti dala: Nebukanezar amul Babilon-na mi kizagan ndeyo, mi b’lagan ndei mi. Mi mbud’un ni d’igi dei ma va nga kua d’uo na na, mi ni d’igi ambur ma a yum ala dragona na, mi ligin wa, mi hop wa hayam kahle man suma djivina, mi vinin wa woyo.

Jeremi 9:16

An mba ni ndjoyôzi woi aduk andjaf suma abuyozi ngolo a wazi d’oze azi tazi a wazi nga d’uo na, an mba ni sun ayî ma durâ blogozi gak ni dabazi woyo.

Ezekiyel 12:20

Azì ma nglo ma suma a nga kaka kurâ mba mi b’lak keyo, ambasa mba d’i ar djona. Hina wani, azi mba wala an ni Ma didina.

Ezekiyel 24:11

Bugola, ang tin deina aku hurum hawa yam gordjona, ar mi gakud’a, ar zozot ta kurumba ti ngal lei tala tchor ra kurumba ti yak keyo d’a.

Ezekiyel 35:14

Salad’a Ma didina mi dala: Fata an mba ni mbud’uk djonid’a, suma yam andagad’ina pet a mba le furîd’a.

Ezekiyel 5:14

Ndak Jerusalem, an mba ni mbud’uk djona ki vama ngula aduk andjaf suma a nguyu’â, ir suma a nga kalâ pet mi.

Ezekiyel 5:2

Le bur ma a ngui azina kä na mi ndak wa ni, ang hle wal la ding tu, ang ngalat tei kur azì ma ngolâ kaku boloma, ang hle wal la mbàd’a, ang kat aduk kei ki mbigeu mang nga fiyaka, ang ngui azì ma ngolâ woi d’uhl. Ang hle wal la dabid’a, ang yagat akulo aduk simetna. An mba ni digit ad’ut ki mbigeu man nda fiyaka.

Ezekiyel 6:14

An mba ni hlabon kan akulo á ngoboziya, an mba ni mbut ambas mazid’a djona, an mba ni mbud’ut fula tinï ad’ud’a hur ful ma abo ma sutna dei gak mba ata azì ma ngol na Ribla-na. A mba wala an ni Ma didina.

Ezekiyel 6:6

Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Ezekiyel 7:12

Yina nga mi djïya, bur ma ka sariyad’a mi mba go! Ar sama mi gus ahlena mi le furîd’a d’i, ar sama mi gus ahlena woina tam mbi tchuk susub’ok kuo mi, kayam ayî mana mba mi wet tei yam ablaud’a hi sumid’a pet.

Ezekiyel 7:14

A nga bu adifa. Suma pet a min taziya, wani sama mi i á durîna nga d’i, kayam ayî mana mi wet tei yam ablaud’a hi sumid’a pet.

Nahum 1:5

Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

Nahum 2:10

Agi hurumugi bege d’a hapa, agi hurumugi lora, kayam ndjondjoî d’a bei dabid’a ti nga, ndjondjoîd’a hahle suma guzuzi kal tegles suma tetengâ a nga mi.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Sunda hi suma a sunuzinid’a 17:6

Kid’a azi fazi d’uo d’a, azi ve Jason, a tanam ki b’oziyoi suma hiuna avok suma b’ak zlad’a. Azi de ki delezi akulo ala: Sum ndazina ni suma b’lak andagad’a ki zlat petna. Ki tchetchemba, a mba wa ka hî,

Gat ta a hat á mbàd’id’a 28:64

Ma didina mba mi b’rawagi woi yayak aduk suma dingâ tinï ad’ud’a avun dabid’a handagad’id’a abo hî dei gak nde woi abo hî. Agi mba kud’urogi alo ma ding ma agi d’oze abuyogi ngolo a wum nga yazi tu d’uo ma ahinad’a ki ma aguna.

Gat ta a hat á mbàd’id’a 32:26

An djib’er kurun ala an mba ni dabazi woi pet, an mba ni mbud’uzi suma sa mba mi djib’er kazi yam andagad’a d’uo na.

Gat ta a hat á mbàd’id’a 4:27

Ma didina mba mi b’rawagi woi aduk andjaf suma, agi mba mbud’ugi nandjaf ma akid’eina aduk suma Ma didina nga mi igi kua wana.

Jacques 1:1

Ni an Jacques, azongâ hAlonina, ma hi Salad’a Jesus Christ-sâ mi. An nga ni gagi agi andjaf suma hAlona suma dogo yam mbà suma a b’rau woi kur duniyad’a petna depa.