Isai 23:18 - Bible azumeina

¹⁸ Fe mata ki wurak mat ta ndjendjed’a, a mba mbut nahle suma a tinizi irazi vazi mi Ma didinina, a mba togozi d’oze a ngomozi d’i, a mba mbut ni te ma hop suma ki baru ma djif ma suma a nga kaka avok Ma didinina a tchugum atazina.

Isai 23:18 Iomraidhean Croise

Sawal la giled’a 45:12

Ar amulâ tam mbi lum djivid’a yam djif ma’â. Kayam mam mi sala’â, ndak hum ngola.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Sawal la giled’a 72:11

Amuleina pet a mba grif kä avoromu, andjaf suma pet a mba mbut ni magumei mama mi.

Buzuk ka Abud’a 28:36

Agi yorogi lor ra kal tegles sa bebed’ed’a, agi b’irigi kua d’igi sana mi b’ir simiyêm kur tampong mama na ala: Ma didina ni Ma bei tchod’a ba na.

Zla d’a d’ogolâ 13:22

Sama djivina mba mi ar djona mi grom ngolona, wani ndjondjoîd’a hi suma tchonid’a mba d’i arî mi suma d’ingêrâ.

Zla d’a d’ogolâ 28:8

Sama nga mi i ndjondjoî mamba avok ki bege d’a mi hat mi suma ki mbiyo ma ngolîd’a, mi togot ni mi sama nga mi hahlena mi suma kid’akina.

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Ezekiyel 26:12

A mba yogi ndjondjoî magid’a, a mba hurumugi ahle magi suma agi mbud’ugi kabogina, a mba togi gulumun magina kä woyo, a mba togi aziyagi ma djivina kä woyo, a mba yogi ahuniyô magina, agu magina kandaga magi d’a gugud’upa, a mba tchuguzi woi aduk mbina.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Zakari 14:14

Suma Juda-na a mba dur yam Jerusalem, a mba tok ndjondjoîd’a handjaf suma a nguyutna pet, nala, lora ki kawei ma hapma ki baruna ablaud’a mi.

Malatchi 3:10

An min ala agi mbeyegi ki dima pet kur gong nga ngom ahlena, kayam tena mi kak kur gong man nda kud’ora. Agi kugun an Ma didin ma ad’engên kal petna hina gi, agi mba wagiya, le an malagi nga ir mbiyo ma akulona d’uo, le an hagi nga ahle suma djivina ngola kal kagi d’uo ni, agi mba wagi ko.

Matiye 25:16

Ata yi máma na wat, ma ve talanda vahlâ, mi i mbut abom ki sed’ed’u, mi fe mbina kat kua vahl.

Marik 3:8

Jerusalem, Idume, suma dang alum ma Jurdê-na ki suma kur azì ma ngui Tir ki Sidon-na pet. Azi mbeï gevem kayam azi hum ahle suma mi nga mi lazina.

Wana ni Zla d’a Djivi d’a Luc mi b’irita 12:33

Agi guzugi ahle magina woyo, agi hazi he d’a hawad’a mi suma houd’a. Agi dubugi bid’im mba bei b’laka ba d’a, agi togogi ahle magina sä akulo ata yima bei b’laka, ata yima bei suma kula a tcha kua ba na, ata yima bei fotna b’lagazina.

Wana ni Zla d’a Djivi d’a Luc mi b’irita 8:3

Jan atchad’a hi Kuza ma nga mi ngom ahlena hi Herot-nina ki Suzan karop suma dingâ ablaud’a. A nga ndjun Jesus azi ki mam suma hata kahle mazi suma djivina.

Sunda hi suma a sunuzinid’a 9:39

Pierre mi tchol atogo zak, mi i ki sed’eziya. Kid’a mi mbad’a, a i ki sed’em kur gong nga yam ndrata akulod’a. Arop suma modonod’a pet a hut gevem a nga tchiya, a nga tagam baru d’a gureid’a ki d’a nglod’a suma Dorkas ti lazi kid’a ndat nga ki sed’ezi tua d’ina.

Galat-na 6:6

Sama sana nga mi had’am zlad’a hAlonid’ina, djivid’a mi b’rau ahle mam suma djivina ki sama nga mi had’ama.