Isai 23:13 - Bible azumeina

¹³ Gol ambas sa suma Kitim-ma a mba a kak kua d’a ki tchetchemba suma a nga kurut tuo d’a. Suma Asiri-na a arat mazurei suma abageina, a min yima fiyak ma ndjola teteng nguyud’u, a to azì ma fiyak ma ndjola hi suma Tir-râ woyo, a b’lagam mbei kakazeî.

Isai 23:13 Iomraidhean Croise

Ad’u Tinda 11:28

Haran mi mit avok abum Tera kur ambas sa a vud’um kuad’a avo Ur ra Kalde-d’a.

Ad’u Tinda 11:31

Tera mi yo goroma Abram ki Lot gorâ hi goroma Haran-na kakunomba Sarai atchad’a hi goroma Abram-mba, mi tchol ki sed’ezi avo Ur ra Kalde-d’a á i yam ambas sa Kanan-nda. Azi mbaza yam ambas sa Haran-nda, a kak kua.

Ad’u Tinda 11:9

Ni kayam ndata ba, a yi yi máma ala Babel, kayam ni kua ba, Ma didina mi gizeî vuna hi suma yam andagad’ina woi pet; ni kua ba, Ma didina mi b’rau suma woi yam andagad’a pet mi.

Ad’u Tinda 2:14

Alum ma hindina a yum ala Tigre, nga mi djang iram abo ma yorogona hambas sa Asiri-d’a. Alum ma fid’ina a yum ala Efrat.

2 Amuleina 17:24

Amul ma Asiri-na mi yoï suma Babilon-na, suma Kuta-na, suma Ava-na, suma Hamat-na ki suma Sefarvayim-ma, mi tchuguzi kur ambas sa Samari-d’a balum Israel-lâ. Azi hlazì ma ngol ma Samari-na, a kak kur azì mat ma nglona pet.

2 Amuleina 20:12

Kur atchogoi ndata amul ma Babilon-na Berodak-Baladan Baladan goroma, mi hum ala Ezekiyas mi ve tugud’eid’a. Kayam ndata, mi sunumï mam suma sunda ki mbaktumba ki he d’a hawad’a abozi mi.

2 Sunda Hamuleinid’a 33:11

Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.

Wana ni mbaktumba hi Job-pa 1:17

Kid’a ma sun ma mbàna nga mi de zlad’a tua d’a, ma sun ma dingâ mi mba, mi de mi Job ala: Suma Kalde-na a wal tazi kä ad’u adesâ hindi, a nde yam djambala, a yod’u, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!

Sawal la giled’a 72:9

Andjaf suma abagei hur fulîna, a mba grif kä avoromu, mam suma djangûna a mba trâ andaga d’a gugud’upa kä avorom mi.

Isai 10:5

Ma didina mi dala: Ni zla d’a hohoud’a yam suma Asiri sumala ni totogo man nda hurun le mi zala ba, an to ki suma d’a. Azi ni tatagam man ma an to ki sumina mi.

Isai 10:7

Wani djib’era hi Asiri-nid’a ti ni hina d’i, djib’er ra kuruzid’a ni vad’u. Azi halî á b’lak suma, á dap ablaud’a handjaf sumid’a woi mi.

Isai 13:19

Babilon nda djif kal leu d’a dinga pet tala ni hed’eu ma djif ma sum matna, a nga subur ki taziya d’a. Ti mba d’i mbut ni d’igi Sodom ki Gomor suma Alona mi b’lagazi woi adjeuna na.

Isai 13:21

Ahle suma abageina a mba mol kua, tchohôd’a mba d’i mol kua, arigeta mba d’i kak kua, ahuwabeid’a mba d’i dub’ar kua mi.

Isai 18:6

Azi ki zla tazi pet a mba arazi woi maluwei suma yam ahuniyô suma a te hliunina, mamburei suma yam andagad’ina mi. Aluwei suma te hliuna a mba tchawalid’a ki hliwiziya, amburei suma yam andagad’ina pet a mba tchi vun simetna ki sed’ezi mi.

Isai 43:14

Ma didin ma tin tam irat vat yam Israel-lâ ma wurak kagina mi dala: Ni kayam agi ba, an sunï sana á dur ki Babilon. An mba ni tchuk suma pet suma a nga ringâ kä woi kur alumba, an mba ni tchuk suma Kalde suma a nga le furîd’a kur alum mazid’ina kä woi mi.

Ezekiyel 23:23

Suma Babilon-na, suma Kalde-na pet, suma Pekot-na, suma Sowa-na ki suma Kowa-na zlapa ki suma Asiri suma ki sed’ezina pet, azi nazungeî suma djifâ, suma te yamba, amuleina, suma simiyêzi mi nde yinina, azi pet ni suma djang akulumeina heîna.

Ezekiyel 29:18

Ang gor sana, Nebukanezar amul ma Babilon-na mi le sun nda ndaka mi azigar mama, a dur suma Tir-râ, yazi d’i dap tora woi pepet, hîhîngâzi mi dap foka woi pepet. Wani mam mboze azigar mama a fe nga wurak yam dur ma azi dur ki suma Tir-rîna d’i.

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Habakuk 1:6

Gola! An nga ni yï suma Babilon-na á te yam suma; ni suma asa’at suma lahlena bei djib’era ba na, ni suma a nga bine abozi yam ambasa á yo ambas sa nga ni mazid’a d’uo d’a.

Sunda hi suma a sunuzinid’a 7:4

Ata yi máma, mi ar ambas sa Kalde-d’a, mi i kak kur Haran. Bugol matna habuma, Alona mi djogom kur andaga d’a agi nga kaka kur ki tchetchem wandid’a.