Isai 22:4 - Bible azumeina

⁴ Kayam ndata, an dagi ala: Agi hlagi iragi woi kanu, agi golon ndi, aran an tchi tchi ma hat hurâ, agi kawagi tagi á b’lengên hurun yam b’laka hi sum manid’a d’i.

Isai 22:4 Iomraidhean Croise

Ester 4:1

Ata yima Mardose mi hum zla ndatina, mi haû baru ma atama woyo, mi tchuk baru d’a dodora atamu, mi ko butna kamu, mi i hur azì ma ngolâ, nga mi tchi tchi ma hat hurâ ki delem akulo.

Sawal la giled’a 77:2

An nga ni tchi yam Alona ki delen akulo, an nga ni yAlona akulo, kayam mi tin humam mi humunu.

Isai 15:3

A nga tit ir palumba ki baru d’a dodora ataziya, a nga yor tazi akulo yam azuweina, yam yima suma a tok tazi kuana mi. Nge nge pî nga mi tchiya, simina nga mi djang kä iramu.

Isai 33:7

Gola! Grang suma dur ayîna a nga er ad’uzi abua, suma sun suma a hal halasina a nga tchi tchi ma hat hurâ mi.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 31:15

Ma didina mi dala: A hum dela avo Rama. Ni hor ma tchina, ni tchi ma hat hurâ mi. Rachel nga d’i tchi yam grotna, ti noî b’leng hur ma suma a b’lengêt tchina yam grotna, kayam a bo da’.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Jeremi 6:26

Ma didina mi dala: Ndak gor weid’a hi sum manid’a, ndak tchuk baru d’a dodora atagu, ndak bulul kä aduk butna, ndak tchi horâ d’igi atchad’a ti tchi hora gorot ma abot tuna na, ndak tchi tchi ma hat hurâ, kayam ma b’lak yina nga mi mba kak dumuzi.

Jeremi 8:18

Jeremi mi dala: Hurun b’lak kurun kakazeî, wani kuma ma b’lengên huruna nga d’i.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Jeremi 9:18

Ar a b’at tazi á tchi horâ ki delezi akulo keya, ar simina mi djang ireya, ar bizei ma ireina mi lap ki simina.

Hor ma tchina 2:11

Iran ndi zal abo simina, aruwad’an nga mi mbuzuk kurun dudu, mayâwan nga mi vo kä woi yam andagad’a yam b’laka hi sum manid’a, yam gugureina ki kem mba tchapona suma a nga seî kä ir palumba hazinid’ina.

Ezekiyel 21:11

Ang gor sana, ang mbut tang hohoud’a yam hurung ma b’la’â, ang zam tang avok suma pet.

Ezekiyel 27:31

A mba wel yazi woi kangû, a mba tchuk dodora ataziya, a mba tchi tchi ma hohoud’a kuruzi krovo zlapa ki yor ta d’a kal teglesa kang mi.

Mise 1:8

Kayam ndata, an Mise mba ni tchiya, an mba ni ge horâ, an mba ni tit asen hawa bei atuguruna, an mba ni er ad’un akulo d’igi hâna na, an mba ni oî d’igi arigeta na mi.

Matiye 2:18

A hum dela avo Rama. Suma a nga tchi tchi ma hohoud’a ngola. Rachel nga d’i tchi yam grotna, ti min b’leng hur ma suma a b’lengêt tchina d’i, kayam grotna a mid’a d’a.

Matiye 26:75

Pierre mi djib’er yam zla d’a Jesus dumzi ala: Avok bei ahle’â mi hela, ang mba tin vunang kan yang hindi ala ang wan nga d’uo d’a. Mi ndabua, mi tchi ngola.

Wana ni Zla d’a Djivi d’a Luc mi b’irita 1:2

Azi b’ir wa ahle suma azi wazi ki irazi kad’u tinda dei na, azi ni suma a mbut suma a tchi wal zlad’a hAlonid’ina. Azi vami ad’u ahle ndazina mi.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.