Isai 22:23 - Bible azumeina

²³ An mba ni b’alam kä d’igi suma a b’al pondena ata aguna na, mba mi kak yam zlam mba subura yam sum mama.

Isai 22:23 Iomraidhean Croise

Esdras 9:8

Wani ki tchetchemba, ang Ma didina Alo mamina, ang wami wa hohowomiya, ang arami mami suma a arâ tcha, ang gahlabang kami kur ambas mang nga ang tinit irat vata, ang b’o yina woi avoromiya, ang tchugumi tami simetna kur magom mamid’a nde.

Ester 10:3

Kayam Mardose ni ma ngol ma sunda hamulâ Asuwerus-sâ, ni ma ngolâ hi Juif-fîna mi. B’oziyoma ablaud’a huruzi vumu, nga mi hal lovota kayam sum mama a kak ki halasa, mi min ala andjavam mi i avogovok ki djivid’a mi.

Ester 4:14

Ndak le de va d’uo ni, ndjunda ki suta a mba tcholï ata yima dingâ yam Juif-fâ, wani ndak ki suma avo habu’â a mba tchagi woyo. Wani ni nge mi we ge, dam ni yam zla d’a hina d’a ba, ndak mba ini avo hamulâ kla ni ge!

Wana ni mbaktumba hi Job-pa 36:7

Nga mi hle iram mbei yam suma d’ingêrâ d’i, nga mi tinizi amula zlapa kamuleina, mi tinizi á kak didin tala a subur taziya d’a.

Ma tchi wala 12:11

Kayam an sama tchi wala ni sama ned’a, an hat suma wad’ud’a, an huma, an fek ad’ud’a, an tin zla d’a d’ogola ablaud’a ata lovod’od’u.

Isai 22:24

Ahle suma subur suma kur azina habuma pet suma djivina ki suma tchona, a mba deng tazi atam d’igi ahle suma gurei suma sun suma tetengâ tin ad’ud’a ata halâ dei gak mba ata duguyona, a gabazi ata pondena akulo na.

Isai 22:25

Ma didin ma ad’engêm kal petna mi dala: Kur bur máma ponde ma b’alam kä máma, mam mba mi pad’am mbeyo, mba mi gum kä woi andaga, anek ka kamba mam mba mi hlat teyo. Wana ni zla d’a Ma didina mi data.

Zakari 10:4

Ahina d’a djik gonga ki ponde ma b’al ahlena kagu yeû d’a dur ayîna, a mba tcholï nadigaziya, amuleina pet a mba buzugï nadigazi mi.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.

1 Samuel 2:8

Suma hou suma a nga kä aduk gugumina nga mi hlazi yazi akulo, suma kid’ak suma a arazi kä woi yam djimgilîna, nga mi tinizi ata yima hud’a zlapa ki suma kal teglesâ. Andagad’a pet ni d’a hi Ma didinid’a; ni mam ba, mi tinit akulo yam graka.