Isai 22:11 - Bible azumeina

¹¹ Agi wagagi yima ve mbina aduk gulumun ma mbàna yam mbiyo ma nga kä kur yima ve mbina ma adjeuna, wani agi tinigi nga djib’er magid’a yam Ma mi lahle ndazinina d’i, agi tinigi nga iragi yam Ma mi min ahle ndazina adjeu dedeina d’uo mi.

Isai 22:11 Iomraidhean Croise

2 Amuleina 20:20

Sunda hi Ezekiyas sa ara kad’eng mam mba dur ayîna ki min nda mam min yima ve mbina ki djugot ta mi djugot ir yima djang mbina ei avo Jerusalem-mba mi, a b’irizi nga kä kur Mbaktum mba de zlad’a yam Sunda hAmulei suma Juda-nid’a.

2 Amuleina 25:4

Azigar suma Babilon-na a tcho ir gulumuna hazì ma ngolîna. Suma Juda suma dur ayîna a ring pet, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

2 Sunda Hamuleinid’a 6:6

Wani an man Jerusalem kayambala simiyên mi yi kuad’a, an manang ang David á tamula yam man suma Israel-lâ mi.

Nehemi 3:16

Sama go ki sed’ema ni Nehemi Asbuk gorom ma te yam abo andaga d’a Bet-Sur-rina, mi min gulumun ma ngagad’a yam asud’a hi David-tina gak mi mbaza ata apo d’a a djugud’ota, gak a mbaza ata azina hi suma gangrangîna.

Isai 17:7

Kur bur máma sana mba mi mbut iramî yam Salam ma mi luma, mba mi tin iramî yam Ma tin tam irat vat yam Israel-lîna.

Isai 22:10

Agi ndumugi gongîyo suma Jerusalem-ma, agi togi gongîyo suma dingâ kä woi á fe lovota á min gulumun ma ad’eng ma ngunguna.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 7:3

Ata yi máma Ma didina mi de mi Isai ala: Ang ve gorongâ Seyar-Jasup, ang i ngaf Ahas avun yima b’irlim ma mbina nga tchola kuana, avun lovot ta i kur asine ma suma a mbus buruna kuana.

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

Jeremi 39:4

Ata yima Sedekiyas amul ma Juda-na ki suma dur ayîna a wazina, a yo ringâ, a buzuk kei kur azì ma ngolâ kandjege dangâla ki lovot ta kur asinena hamulâ d’a avun agrek ma aduk gulumun ma mbànina, a hle lovot ta i Araba-d’a.

Mise 7:7

An nga ni tin iran yam Ma didina, an nga ni tin hurun yam Alo ma sud’una, Alo mana mba mi humunu.