Isai 21:17 - Bible azumeina

¹⁷ Suma gangrang suma yet yeûd’a hi suma Kedar-râ a mba arî akid’eid’a. Kayam an Ma didina Alona hi Israel-lîna ni de da’!

Isai 21:17 Iomraidhean Croise

Sawal la giled’a 107:39

Wani ata yima suma hAlonina a feî a dodong kä abo sun nda magomba ki djop vuna ki kid’eî irina,

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Isai 31:2

Wani Ma didina ni ma ned’a, mi ndak á mba ki ndaka, nga mi djok vunam yam zla d’a mam data d’i, nga mi tchol akulo á kak djangûna ki suma a nga tit bugol suma asa’atnina, nga mi kak djangûna ki suma a nga ndjun suma a le sun nda ata yat tuo d’ina mi.

Isai 34:16

Agi halagi kur mbaktumba hi Ma didinid’a, agi ndumud’u. Ma agi mba fum kua d’uo na nga d’i; azi pet a mba fazi ni kakap, ma kaleina nga d’i. Kayam ni Ma didina ba, mi he vuna, ni Muzuk mama ba, mba mi togoziya.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Jeremi 44:29

Ma didina mi de kua ala: Gola! An mba ni mba ka hî á ngobogiya, an mba ni tagagi vama simata, agi mba wagi ala gagazi, an mba ni ndak vun ndak ka an dat kagid’a. Vama tak máma ba wana:

Jeremi 49:28

Wana ni zla d’a Ma didina mi dat yam andjaf suma Arap suma Kedar-râ ki suma kur leud’a hi Hasor suma Nebukanezar amul ma Babilon-na mi te kazina. Mi dala: Agi tchologi akulo, agi i durugi suma Kedar-râ, agi tchagi suma abo ma yorogona woyo.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.