Isai 2:19 - Bible azumeina

¹⁹ Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

Isai 2:19 Iomraidhean Croise

2 Samuel 22:46

Andjaf suma dingâ a tchuk susub’ok, azi mba buzuk kei ki mandarâ kur gulumun mazi ma ad’eng ma ngunguna.

Wana ni mbaktumba hi Job-pa 9:6

Andagad’a nga d’i yir abomu, ad’ut ta ged’a nga d’i giget mi.

Sawal la giled’a 7:6

ar man ma djangûna mi digin mi vanu, mi mired’en kä andaga, mi b’lagan subur manda woyo. Tchol ndjö

Isai 13:13

Kayam ndata, an mba ni giget akulod’a, andagad’a ad’ut ta ged’a mba d’i giget abo ayîna hi an Ma didin ma ad’engên kal petnina, abo bur man ma ayî ma bibiliuna mi.

Isai 2:10

Ang kal kur zul ahuniyôna, ang tos tang aduk andaga d’a gugud’upa woi dei abo mandarâ hi Ma didinina, abo wiled’a hi ngol mambid’a mi.

Isai 2:21

A mba tchuk angra ahuniyôna, a mba tchuk kur zul ahuniyôna á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’a mandarîd’a!

Isai 24:1

Gola! Ma didina mba mi b’lak andagad’a woyo, mba d’i mbut djona, mba mi tchat tata, mba mi ndjoî suma a nga kaka katna woi vivreng.

Isai 24:18

Sama mi ring ngei abo mandar ma ngol mamina, mba mi nde kä kur zula; sama mi djak kei akulo kur zul ndatina mba mi ve kabeid’a. Kayam ir mbiyo ma akulona mba mi mal leyo, andagad’a ad’ut ta ged’a mba ti giget mi.

Isai 24:19

Andagad’a ti waga, ti to woyo, andagad’a ti zlaga.

Isai 30:32

Ma didina mba mi tozi ki totogo d’a lara ge d’a mi ngazizi kazid’a. Ata yi máma suma a mba hum tchina hi daliyâd’ina kadingâ, mba mi dur ki sed’ezi kabom ma zid’a woi zina mi.

Isai 33:10

Ma didina mi dala: Ki tchetchemba, an nga ni tchol akulo. Ki tchetchemba, an nga ni de zlad’a. Ki tchetchemba, an nga ni tak ngol manda woi mi.

Isai 7:19

A mba kak ir b’irlima avun gongôd’id’a, kur zul ahinad’a, aduk azlupa, abagei hur fula mi.

Jeremi 16:16

Ma didina mi dala: Gola! An nga ni sun suma tchiuna ablaud’a, a mba tchiwiziya. Bugola, an mba ni sun suma nduwanda ablaud’a, a mba nduwanazi akulo yam ahuniyô suma fuyogeina, yam yima ndingâ kangra ahuniyôna ata yima lara ge pet mi.

Jeremi 4:29

Suma kur azì ma nglona a wet ringâ abo siwela hi suma djang akulumeina ki d’a hi suma yet yeûd’id’a, a tchuk aduk azlupa, a nga djak akulo yam ahuniyôna, a ar azì ma nglona pet teyo, a nga fe sa á kak kurum mbuo d’a.

Jeremi 48:28

Agi suma nga kaka Mowap-ma, agi aragi azì ma nglona woyo, agi i kagagi aduk ahuniyôna, agi kagagi d’igi gugud’a ti min aziyat apei zul la ahinad’a na.

Ezekiyel 33:27

Wana ni zla d’a ang dazizid’a: Ang dazi ala: An Salad’a Ma didin ma bei matna ba na ni dala: Suma a ar kaka kur azì ma ngol ma b’lak keina, a mba tchaziya. Suma a nga kaka abagei kelâ, ambureina a mba vigiziya. Suma a nga kaka aduk agud’a kangra ahuniyônina, tugud’ei d’a tcho d’a tchi matna mba d’i tchazi mi.

Wana ni mbaktumba hi Oze-d’a 10:8

Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Mise 7:17

Azi mba trâ andaga d’a gugud’upa d’igi guguina na, d’igi ahle suma a dram kä yam andagad’ina na. A mba buzuk kei kur aziyazi ma ad’eng ma ngunguna ki zlaka á i gen ang Ma didina Alo mamina, a mba lang mandarang mi.

Nahum 3:11

Ang azì ma ngol ma Ninif-fâ, ang mba gurut d’igi suma a gurut ki sümina na, ang mba ngeya, ang mba ngei tang abo mang suma djangûna mi.

Wana ni mbaktumba hi Aze-d’a 2:6

Yina ar ndjö an mba ni giget akulod’a kandagad’a, alum ma ngolâ ki yima sod’a.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Wana ni Zla d’a Djivi d’a Luc mi b’irita 23:30

Kur bur máma suma a mba de mahuniyôna ala: Agi tchugugï kä kamiya. A mba de mi yima ndingâ ala: Ang ngeyemiya!

2 Tasaloni’â 1:9

Alona mba mi ka sariya d’a didinda kaziya. Sum ndazina a mba tchol lei dei avok Ma didina abo subura had’eng mambid’a.

Hebre-na 11:38

Duniyad’a ndak nga yam sum ndazi suma a nga tcha tata hur fulâ, yam ahuniyôna, angra ahuniyôna, kä kur zula mi na d’i.

Hebre-na 12:26

Ni ma delem mbi giget andagad’a kur bur mámina, wani ki tchetchemba, mi hle vunam ala: Ar kua yan tu, an mba ni giget nandagad’a hol li, wani akulod’a mi.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

Vama ndum mbeina 16:18

Ata yi máma, alona mi wile, mi breyâ, dela ti de zlad’a, andagad’a ti yir gigidji mi. Kid’a Alona mi ge sana yam andagad’a deid’a, andagad’a ti yir nga yir ra ngola hina d’a yat tu d’i.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Vama ndum mbeina 9:6

Kur til ma vahl máma, suma a mba hal matna, wani azi mba fum mbi, azi mba min ala matna mi tchaziya, wani mam mba mi ring ngei avoroziya.

1 Samuel 13:6

Israel-lâ a wala azi navun bad’a, kayam suma Filistê-na a hebezi ped’et. Kayam ndata, nge nge pî mi hal yi mam ma ngei tama, suma dingâ aduk ahuniyôna, suma dingâ aduk azlupa, suma dingâ kur golongeî suma adjeuna, suma dingâ kur yima ngeid’a teteng mi.

1 Samuel 14:11

Azi djak a i tak tazi mi Filistê-na. Sum ndazina a de tazi ala: Gola! Hebre suma a ngei kä kur zulina a buzugï woi wana!