Isai 2:18 - Bible azumeina

¹⁸ Fileina ki zlam pet mba mi dap peyo.

Isai 2:18 Iomraidhean Croise

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 21:9

Gol wani, an we sana mi djak kur pus ma akulumeina nga mi djïya, mi er ad’um akulo ala: Babilon ndi puk wa! Babilon ndi puk wa! Filei mat ma tcheta pepet mi wizek wa kä woi andaga gegeleng!

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Isai 46:1

Alo ma a yum ala Bel-lâ mi mbut amangeîd’a, alo ma a yum ala Nebo-na mi hom kä. Gola! A nga zï filei mazi ma tcheta huyok d’uwar ma zï ahlena, a nga zï aneka. Nanek ka ngola seî d’uwarâ.

Jeremi 10:11

Ang dazi ala: Alo ma teteng ma mi le nga akulod’a kandagad’a d’uo na, a mba b’lagam mbei yam andagad’a, a mba fum ka hî yam andagad’a d’uo d’a.

Jeremi 51:18

Azi nahle suma hawa ya’â, ni sun nda lop ira. Fata mba mi ngobozid’a, a mba dap peyo.

Ezekiyel 30:13

Salad’a Ma didina mi dala: An mba ni dap fileina woyo, an mba ni yo alo ma ka zla ma kur Nof-fâ woyo, a mba fe sama te yam ambas sa Ezipte-d’ina d’uo d’a, an mba ni mbut suma kur ambas sa Ezipte-d’ina mandarâ.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Ezekiyel 37:23

Azi mba mbut tazi ndjendjed’a ki filei mazi ma tchet ma ndjendjed’a kandjaf tcho mazi d’a tetenga d’uo d’a. An mba ni prud’uzi woi kur yima lara ge ma azi kak kua ma azi le tchod’a kuana, an mba ni mbud’uzi yed’et. Azi mba ka’î sum mana, an mba ni ka’î Alo mazina mi.

Ezekiyel 6:6

Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Wana ni mbaktumba hi Oze-d’a 14:8

Suma Efraim-ma a mba dala: Vama ndolomi ki fileina ni me ge? An mba ni hulongôzi humba yam tchen mazid’a, an mba ni tin iran kaziya, an mba ni mbut ni d’igi agu sipre ma d’uf ma gugulîna na kaziya. Ni yam an ba, agi fagi ki te magina.

Mise 1:7

Filei mam ma tcheta mba mi kus seyo, he d’a hawa d’a mi fata, a mba tchugut aduk akud’a. An mba ni to alo mam ma tcheta woi kikizek, kayam mi gus ahle mam ndazina pet ni ki bege d’a gaulangâ, bege ndata a mba hulong wurak gaulang ma dingâ ki sed’et mi.

Mise 5:13

An mba ni kus agu ma agi pum malo d’a a yat ala Asera d’a na woyo, an mba ni b’lagagi azì magi ma nglona woyo.

Sofoni 1:3

An mba ni b’lak suma woi ki d’uwarâ kahle suma abageina kaluweina ki kulufâ woyo, an mba ni b’lak suma asa’atna ki sun mazi d’a b’lak suma woyo, an mba ni ar sa yam andaga tu d’i.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Zakari 13:2

Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi.