Isai 19:2 - Bible azumeina

² Ma didin ma ad’engêm kal petna mi dala: An nga ni zut Ezipte-na á kak djangûna ata taziya. Nge nge pî mba mi dur ki wiyema, nge nge pî mba mi kak djangûna ki banama, azì ma ngolâ mba mi kak djangûna ki ndram azì ma ngolâ, leud’a mba d’i kak djangûna ki ndrat leud’a mi.

Isai 19:2 Iomraidhean Croise

1 Amuleina 16:21

Bugol matna hi Zimri-na, Israel-lâ a wal kä ad’u mbà. Suma hiuna a min ala Tipni Ginat goroma mi tamula, suma hiuna a min ala Omri mi tamula.

2 Sunda Hamuleinid’a 15:6

Andjaf ma dingâ nga mi dur ayîna ki ndram andjaf ma dingâ, azì ma ngolâ nga mi dur ki ndram azì ma ngolâ mi, kayam Alona mi b’lagazi djib’er mazid’a woi ki ndak ka lara ge pet.

Isai 3:5

Suma a mba djop vun taziya, nge nge pî mba mi djop vun ndrama, gogorâ mba mi nde ma mamarâ huneîd’a, ma ndak va nduo na mba mi nde ma suma a nga hum ngolina huneîd’a mi.

Jeremi 46:12

Andjaf suma a hum yam zulo ma’â. Tchi ma’â mi b’rau wa woi yam andagad’a pet, kayam ma dur ayîna mi dap tam ki ndrama, azi djak a puk kä.

Jeremi 51:46

Ar vunadigagi d’i pat ti, ar agi lagi mandarâ abo gandjau d’a mba d’i le kur ambasid’a d’i. Kayam biza d’a wanda, gandjaud’a mba d’i le kur ambasa; biza d’a avok hid’a, gandjaud’a mba d’i le kua d’ei, murud’umba mba d’i te yam ambasa, ma te yamba mba mi tchol dur ki ma te yam ma dingâ mi.

Ezekiyel 38:21

An mba ni yi ahle suma dur ayîna kang teteng á mbud’ung mandarâ, sama lara pî mba mi mbut iram mi tchi ndrama. An Salad’a Ma didina ni de na.

Zakari 8:10

Kavok ndata, sa nga mi wurak sama sun ndi, sa nga mi ve beged’a yam sunda hi d’uwarîd’a d’uo mi. Sa nga mi ndabu mi hulongî avo d’uo abo suma djangûna, kayam an ar suma pet a dur taziya.

Matiye 10:21

Suma a mba he b’oziyozina woi á tchid’a, abuyod’a a mba he grozina woi á tchid’a mi, grod’a a mba kak djangûna ki simiyêziya, a mba hazi woi á tchid’a mi.

Matiye 10:36

Suma avo hi sanina a mba kak djangûna ki sed’emu.

Matiye 12:25

Wani Jesus mi we djib’er mazid’a, mi dazi ala: Leu d’a lara pî le d’i wal wa kä mbà á dur tad’u ni, leu ndata mba d’i kak ki. Suma kur azì ma nglo ma lara d’oze suma avo hi sama tunina, le a wal wa mbà á dur taziya ni, azì ma nglo máma mba mi kak kuo mi.

Matiye 24:7

Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, baktarad’a mba d’i nde, andagad’a mba d’i yir gigidji ata yina teteng mi.

Marik 3:24

Le ba leu d’a tud’a ti wal kä mbà á dur tad’u ni, leu ndata ti ndak á kak kuo d’a.

Suma ka sariyad’a 7:22

Suma kikis hindina a bu aduveina. Ma didina mi mbut suma kur kangîna irazi ir taziya; a nde tchi taziya. Suma kur kangîna a wet ringâ gak a mbaza Bet-Sita abo ma ir Serera-na gak a mbaza avun Abel-Mehola go ki Tabat.

Suma ka sariyad’a 9:23

Ata yi máma Alona mi sunï muzuk ma ka ira aduk Abimelek ki suma Sikem-ma. Suma Sikem-ma a nde mbut ir Abimelek.

1 Samuel 14:16

Suma ndjola hi Saul suma a nga avo Gibeya d’a Benjamin-ndina, a we ablaud’a hi Filistê-nid’a ti b’rau woi vivreng, nge nge pî mi i iram vamu.

1 Samuel 14:20

Saul mi tok azigar mama, a i dur ayîna. Azi fe suma Filistê-na a nga durï tazi tata, a tchi tazi ngola heî.