Isai 19:19 - Bible azumeina

¹⁹ Kur bur máma a mba min yima ngal ahle suma ngat buzuna yam ambas sa Ezipte-d’a mi Ma didina, a mba tin vama ge humba avun dabid’a hi hagad’id’a mi Ma didina mi.

Isai 19:19 Iomraidhean Croise

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 28:18

Jakob mi tchol akulo yorogo tcholol, mi hlahina d’a mam d’igal yam kata, mi tinit akulo kad’ut á ge humba, mi vot mbulâ kad’u, mi tinit irat vat yam Alona.

Sawal la giled’a 68:31

Ang ngop ambur ma aduk tchereunina, nala, Ezipte, ang ngop ades amuzlei suma andjofâ ki grozina, nala, andjaf suma dingâ, ang hulongôzi yazi kä gak a mba á hang bege d’a hapa he d’a hawad’a, ang ndjoî andjaf suma a min dur ayînina woyo.

Buzuk ka Abud’a 24:4

Moise mi b’ir ahle suma Ma didina mi dumzina pet. Mi tchol ki yorogo tcholola, mi min yima ngal ahle suma ngat buzuna ad’u ahinad’a kä, mi ndjar ahinad’a dogo yam mbà akulo kad’ut ngad’a yam andjafâ hi Israel ma dogo yam mbàna.

Isai 56:7

an mba ni mbazi yam ahina man nda an tinit irat vata, a mba le furîd’a kur gong man nda tchenda mi. He mazi d’a hawa d’a ngala kahle mazi suma ngat buzuna a mba mbut nahle suma his suma afufuîna yam yi man ma ngal ahle suma ngat buzuna, kayam a mba yi gong manda ala Gong nga tchen nda yam suma peta.

Isai 60:7

D’uwar ma Kedar-râ a mba togomî avo hatagu, gamlâ ma Nebayot-na mba mi mbut ni vama lak sunda. A mba hazi he d’a hawa d’a ngala yam yi man ma ngal ahle suma ngat buzuna, a mba lan tan djivid’a, an mba ni subur gong man nda djifâ.

Isai 66:23

Ma didina mi dala: Kur deîd’a hi til ma lara ge pet, kur bur ma sabat ma lara ge pet, andjaf suma pet a mba kud’uronu.

Jeremi 46:2

Wana ni zla d’a Ma didina mi dat yam Ezipte-na, yam azigar suma hi Faron Neko amul ma Ezipte ma mi nga kaka avun alum ma Efrat-na avo Karkemis-sâ. Ni kua ba, Nebukanezar amul ma Babilon-na mi kus kamu, ni kur biza d’a fid’i d’a Jojakim Josiyas goroma nga mi tamula yam suma Juda-nid’a.

Ezekiyel 29:1

Kur biza d’a dogod’a bugol la a yomi magombid’a, kur bur ma dogo yam mbàna hi til ma dogonina, Salad’a Ma didina mi dan ala:

Ezekiyel 30:1

Ma didina mi dan kua ala:

Ezekiyel 31:1

Kur biza d’a dogo yam tud’a bugol la a yomi magombid’a, kur bur ma tuna hi til ma hindinina, Ma didina mi dan ala:

Ezekiyel 32:1

Kur biza d’a dogo yam mbàd’a bugol la a yomi magombid’a, kur bur ma avo’â hi til ma dogo yam mbànina, Ma didina mi dan ala:

Zakari 6:15

Suma a mba tcholï ata yima deina, a mba le sunda kur gong nga kud’ora hi Ma didinid’a. Kur bur máma agi mba wagi ala ni Ma didin ma ad’engêm kal petna ba, mi sununï gevegiya. Le agi gagi yagi kä ad’u Salad’a Alo magina gagazi ni, ahle ndazina pet a mba le na mi.

Hebre-na 13:10

Ei nga ki yima ngal ahle suma ngat buzuna ma suma ngat buzu suma a nga le sunda kur zlub’ud’ina a ndak á te kua d’uo na.

Josue 22:10

Kid’a suma hi Ruben-na, suma hi Gad-na kabo andjafâ hi Manase-na a mbaza avun alum ma Jurdê-na yam ambas sa Kanan-ndid’a, a min yima ngal ahle suma ngat buzu ma ngol mamba kal lei teglesâ avun alum ma Jurdê-na.

Josue 22:26

Ni kayam ndata ba, ami dami ala: Ei mini yima ngal ahle suma ngat buzuna nga ná he he d’a hawa d’a ngala d’oze ahle suma ngat buzuna kamu d’i.

Josue 22:27

Wani ni vama glangâsâ adigami ki agi aduk andjavei tala ami kud’uromi Ma didina zlapa ki he mami d’a hawa d’a ngala kahle mami suma zlup yam tchod’a kahle mami suma ngat buzu suma zlap darigïd’a kayambala grogina a de avin mi gromina ala: Vama ndologi ki Ma didina ni me ge d’a d’i.

Josue 22:28

Ami dami ala: Le a mba de zla d’a hina d’a avin mi ami d’oze mandjavamiya ni, ami mba hulongôzi ded’a ala: Agi gologi yima ngal ahle suma ngat buzuna hi Ma didina ma abuyomi a minima ba wana. Wani nga ná hahle suma ngat buzu suma ngala d’oze ahle suma ngat buzuna kam mbi. Wani ni vama glangâsâ adigami ki agiya.

Josue 22:34

Suma hi Ruben-na ki suma hi Gad-na a yi yima ngal ahle suma ngat buzu máma ala Et, nala, Yima ngal ahle suma ngat buzu máma ni vama glangâsâ adigei ala Ma didina nAlona.