Isai 17:14 - Bible azumeina

¹⁴ Tcha fladege mandarâ mi nga, avok ka bei yina fod’a, sa nga d’i. Wana ni wuraka hi suma a nga b’ad’ami ahligiyemina, wana ni b’raud’a hi suma a nga hurumumi ahligiyemina mi.

Isai 17:14 Iomraidhean Croise

2 Amuleina 19:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ti ndak nga á vut gorotna woi d’uo d’a na.

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Wana ni mbaktumba hi Job-pa 20:29

Wana ni wurak ka Alona nga mi ngomot yam sama asa’atnid’a, ni djo ma Alona mi ngamzi kama mi.

Sawal la giled’a 37:36

Bugol an kal ata yi máma, gola, mi nga d’i! An halamu, an fum nga d’i!

Zla d’a d’ogolâ 22:23

Kayam Ma didina nga mi ndjun kaziya, mba mi b’lak suma a b’lagazina woi mi.

Isai 10:25

Kayam yina mi ar go hur man ma zal ma kagina mba mi vat teyo. Bugola, ayî mana mba mi hulong kazi dabazi woyo.

Isai 21:12

Ma ndjola mi hulong humba ala: Yorogod’a nga d’i mba, wani andjeged’a ti nga tua. Le agi min humba ni, agi mbeyegï bur ma dingâ.

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 29:5

Mang suma djangû suma mimiyâ’â a mba mbut ni d’igi gugum ma fefelâ na, suma mimiyâk suma a nga te yam sum ndazina kad’engina, a mba mbut ni d’igi bra d’a simetna mi felet teid’a na, ahle ndazina a mba le natogo hina zak bei sa mi we ba.

Isai 29:7

Andjaf suma mimiyâk suma a mba mba atang ang Ariyel á durâ suma a mba mba durung kazì mang ma ad’eng ma ngunguna suma a mba mba tezeng ata azì mang ma ad’eng ma ngunguna teteng mi na, azi mba dap pei d’igi adï d’a de sanid’a na, d’oze d’igi vama nde tam mbei ir sana andjegena na mi.

Isai 30:28

Fo d’a avunamba ti ni d’igi toliyon nda ti hop gak ti mba avunat akulo mbeî d’a na á yik andjaf suma yik ka tcho d’a b’laka, d’igi djama d’a a tchugut avun andjaf suma á bazi ki woid’a na.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Isai 33:18

Ang mba djib’er kurung yam mandar ma kal leina, ang mba djop ala: Ma b’ir mbaktumba mi nga ni lara ge? Ma ve tara mi nga ni lara ge? Ma gol gongîyo suma fuyogei suma ndjola mi nga ni lara mi ge?

Isai 34:17

Mi le togina kaziya, mi ngazi andagad’a ki ziyona kabomu; ti arî va mazid’a gak didin, a mba kak kat atchogoid’a katchogoid’a mi.

Isai 41:12

Suma a halagi huneîd’ina, agi mba halaziya, wani agi mba fazi d’i. Suma a nga durugi ayînina, a mba mbut ni vama hawa yak ma zlam nga d’uo na mi.

Jeremi 13:25

Ma didina mi dala: Ndak Jerusalem, wana ni vama an ngaksi ka’â, wana ni b’rau maka, kayam ndak maranu, kayam ndak tin huru’î yam zla d’a kad’a mi.

Jeremi 2:3

Ma didina mi dala: Agi Israel-lâ, agi mi sum mana, agi ni d’igi awu ma ne avo’â na. Suma pet suma a dogina, a halî zlad’a ki anu, ndaka mba d’i mba kazi atogo hina zak mi.

Jeremi 49:10

Wani agi andjafâ hi Esau-na, ni an ba, mba ni hurum ahle magina, an mba ni b’lagagi yi magi ma ngeid’a woyo. Agi mba fagi yima ngeid’a d’i, wani agi andjavamu, b’oziyoma ki ndroma, an mba ni hagi abo ma b’lak yina, a mba wagi bugol luo d’a.

Ezekiyel 39:10

Azi a mba yoï agu abagei d’i, azi mba kaï agu aduk agud’a d’uo mi, kayam nahle suma sï ndazina ba, azi mba ngalazi avo hataziya, azi mba yoï ahlena abo suma a yo ahle mazinina, a mba hurumï ahlena abo suma a hurumuzina. An Salad’a Ma didina ni de na.

Zakari 2:12

Ambas sa Juda-d’a mba d’i mbut ni vana hi Ma didinina yam ambas sa mam tinit irat vata. Jerusalem mba d’i mbut nazì ma ngol ma mam manama.

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.