Isai 17:10 - Bible azumeina

¹⁰ Agi Israel-lâ, agi maragi yam Alo ma sud’ugina, agi djib’eregi nga yam ahina magi d’a ad’enga d’i. Kayam ndata, agi pagi nagu ma agi tinigi hurugi kama, agi pagi nandjaf guguzlud’a hi suma dingîd’a.

Isai 17:10 Iomraidhean Croise

1 Sunda Hamuleinid’a 16:35

Ar agi dagi ala: Alo ma sud’umina, ang sud’umiya! Ang togomiya, ang yomi woi aduk andjaf suma dingâ, kayam ami gileng simiyêng ma bei tchod’ina, ami kagami ki furîd’a á suburung mi.

Sawal la giled’a 106:13

Wani atogo hina zak azi mar rei yam sun mamba, azi djup nga á wäd’u d’al mam ma mi dazizina d’uo mi.

Sawal la giled’a 106:21

Azi mar Alo ma sud’uzi ma lahle suma ndandalâ avo Ezipte-na woyo,

Sawal la giled’a 18:2

Ma didina, an nga ni le kangû, angî ad’eng manda.

Sawal la giled’a 31:2

Ma didina, an ngei tan atangû, ang aran an mbut zulona yan tu d’i; ang sud’un ndei yam d’ingêr manga.

Sawal la giled’a 65:5

Sama ang manam á kak ki sed’engâ, mi le furîd’a, mba mi kak kur gulumun mangâ. Ami mba hobomi kahle suma djivi suma kur gong mangina, nala, kur gong mang nga a tinit irat vata.

Sawal la giled’a 79:9

Alo mami ma suta, yam subur manga, ang mbeï ndjunumiya; yam simiyêngû, ang prud’umi woyo, ang vat hurung ngei yam tcho mamid’a mi.

Sawal la giled’a 85:4

Kur hur mang ma zala pî, ang hurung b’lengâ; kur ayî mang ma bibiliuna pî, ang hurung vat tei mi.

Sawal la giled’a 9:17

Ma didina mi tak tam mbeyo, mi ka sariya d’a d’ingêra; sama asa’atna nga mi ve tam ki dau ma mam tam gunuma. Tchol ndjö

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 17:9

Kur bur máma azì ma nglo ma ad’eng ma ngunguna hi Israel-lîna a mba aram mbei d’igi azì ma nglona hi suma Het-na kazì ma nglona hi suma Amor-râ a aram mbei adjeu kur bur ma Israel-lâ a mbana na. Mba mi mbut ni hur ful la gangrasa.

Isai 18:5

Avok ka bei yima feta ndaka, ata yima b’od’a yak keina, ata yima b’od’a ti tchuk vuta ti nena, a tchau abo guguzlud’a abot ma gurei ma kukulurâ kä woyo, a ka abo guguzlud’a abot ma sed’a, a tchugum kä woi andaga.

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 26:4

Agi dengêgi tagi ata Ma didina teteu, kayam mam mi ahinad’a hatchogoi d’a lara ge pet.

Isai 30:29

Wani agi suma Jerusalem-ma, agi mba hlagi sawala kur andjeged’a d’igi suma a hle sawala ata yima vun tilîna na. Agi mba lagi furîd’a kurugi krovo d’igi suma a tit ad’u tchina hi taulâd’a á i yam ahinad’a hi Ma didinid’a gen Alona ahinad’a hi Israel-lîd’a na.

Isai 33:2

Ma didina, ang wami hohowomiya. Ami tinimi hurumi ni kang angû. Ang mbut ad’eng mamid’a ki yorogo d’a lara ge pet, ang mbut ni ma sud’umina kur bur ma ndaka mi.

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.

Isai 51:13

Ang mar kan an Ma didin ma ni lang ma ni b’eng akulod’a woi ni gäd’u andagad’ina. Burâ pet ang nga zlak ki mandarâ avok ma djop vun suma ata yima mam nga go á b’lagang ngeina. Wani mandar mama mi ar nga ni lara ge?

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 62:11

Gola! Ma didina nga mi de zla ndata woi yam andagad’a pet ala: Agi dagi mi suma Siyon-na ala: Gola! Magi ma suta nga mi djï ki wurak mamba abomu. Gola! Wurak ka yam sun mambid’a nga abom mi.

Jeremi 12:13

Agi zaragi gemena, wani agi dud’ugi naweid’a; agi hagi tagi ndaka, wani agi nga fagi va kua d’i. Zulona mba mi lagi yam dut magi ndata, abo ayî ma bibiliuna hi an Ma didinina.

Jeremi 17:13

Ma didina, angî ma Israel-lâ a tin huruzi kangâ, suma a arang ngeina, zulona mba mi laziya; suma a wal lei ki sed’engâ a mba dap pei d’igi simi ma a b’irim kä aduk andaga d’a gugud’upa na, kayam a arang ang Ma didina mbiyo ma lau ma arid’a woyo.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Jeremi 3:21

A nga hum dela yam ahuniyô suma fuyogeina. Ni tchina ki tchen nda hud’a hi Israel-lîd’a, kayam azi mbut lovot mazi d’a gunda kur tit mazid’a, a mar rei yam an Ma didina Alo mazina mi.

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Ezekiyel 23:35

Ni kayam ndata ba, an Salad’a Ma didina ni dala: Kayamba ndak aran ndei ndak han huyogoka, ndak mba d’i zi aneka hi sun mak ka batranga ki gaulang ma’îd’a mi.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Wana ni mbaktumba hi Oze-d’a 8:14

Israel-lâ a mar yam an ma lazina, a min azì ma amula. Suma Juda-na a min azì ma nglo ma ad’eng ma ngunguna ablaud’a. Wani an mba ni do azì mazi ma nglo máma akud’a. Akud’a mba d’i ngalazi azì mazi ma djifâ woi mi.

Joel 1:17

Andjaf awuna mi so wa woi bei deîd’a, avureina va nga kuruzi d’i, yima ngom ahlena mi b’lak keyo, kayam gemena mi dap peyo.

Sunda hi suma hi Levi-nid’a 26:16

wana nahle suma an mba ni mbagizï kagina: An mba ni mba á mbud’ugi mandarâ. An mba ni tumugi ki tugud’ei d’a homozed’a ki ta d’a kumura suma a mba kagi iragi mbuleina gak dabagi ari magid’a woina. Agi mba fagi ndaka, agi mba zaragi ahlena ni hawa na; magi suma djangûna a mba tazi naziya.

Sunda hi suma hi Levi-nid’a 26:20

Ad’eng magid’a mba d’i dap pei ni hawana, andaga magid’a mba d’i wul awuna d’uo d’a, agu magina mba mi vut awilid’a d’uo mi.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Habakuk 3:18

hina pet pî, an ni le furîd’a yam ang Ma didina, an ni le hur ma hapma yam ang Alo man ma suta.

Sofoni 1:13

A mba hurum ndjondjoî mazid’a, a mba b’lagazi aziyazi woyo, a mba min azina, wani azi mba kak kur ri, a mba pe guguzlud’a, wani azi mba tchat sümut tuo mi.

Gat ta a hat á mbàd’id’a 28:30

Le sa adigagi mi ka atchad’a ni, sama ding mba mi bur ki sed’et ni mamu. Le sama ding adigagi mi min azina ni, sama ding mba mi kak kurî mamu. Le sa adigagi mi pe guguzlud’a ni, mba mi dud’ut vud’ut ta avoka d’i.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

Gat ta a hat á mbàd’id’a 32:18

Gagazi, agi Israel-lâ, agi maragi woi yam ahina d’a ndjunugid’a, agi maragi woi yam ma tchugugina, agi gologi Alo ma hagi arid’ina is mi.

Gat ta a hat á mbàd’id’a 32:31

Kayam ahina mazi d’a ndjunda nga d’igi an Ahina d’a ndjunda hi Israel-lîd’a na d’i, mazi suma djangû tazid’a pî, a we na mi.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Gat ta a hat á mbàd’id’a 6:12

fata agi tagizi agi hobogi ki sed’ezid’a, agi gologi tagi djiviya! Ar agi maragi yam Ma didin ma pad’agi woi kur ambas sa Ezipte-d’a kur yima a lagi magomba kuana d’i.

Gat ta a hat á mbàd’id’a 8:11

Agi gologi tagi djiviya, agi maragi yam Ma didina Alo magina á ngomogi vun mam ma hed’a ki gat ta teteng nga an nga ni hagizi ini wanda d’i.

Gat ta a hat á mbàd’id’a 8:14

agi gologi tagi djiviya, ar agi maragi yam Ma didina Alo magi ma buzugugï woi kur ambas sa Ezipte-d’a kur yima a lagi magomba kuana d’i.

Gat ta a hat á mbàd’id’a 8:19

Wani le agi maragi yam Ma didina Alo magina, le agi igi bugol alo ma dingâ, le agi lum sunda agi grivigi kä avoromu ni, an nga ni dagi ini woi avunagiya, agi mba dabagi woyo.