Isai 15:5 - Bible azumeina

⁵ An nga ni tchi kurun krovo yam Mowap, kayam sum matna a ring gak a i Sowar, gak a mba Eglat-Selisiya. Azi nga tchi irazi glovot ata yima a nga djak akulo Luhit-na, a nga tchi wulula irazi kur glovot ta i Horonayim-mba abo b’lak ka d’i mba kazid’a.

Isai 15:5 Iomraidhean Croise

Ad’u Tinda 13:10

Lot mi hle iram akulo, mi gol yam andaga d’a Jurdê-d’a gak Sowar, mi wat mbina nga kua ngola. Ti ni d’igi asinena hi Ma didinina na, ni d’igi andaga d’a Ezipte-d’a na, kayam Ma didina nga bei b’lak Sodom ki Gomor rei tua.

Ad’u Tinda 14:2

a dur ayîna ki Bera amul ma Sodom-ma, Birsa amul ma Gomor-râ, Sinap amul ma Atma-na, Semeber amul ma Seboyim-ma kamul ma Bela-na, nala Sowar.

Ad’u Tinda 19:22

Ang ring kua atogo, kayam an nga ni le va biya d’i, gak ang kal kua tua. Ni kayam ndata ba, suma a nga yi azì máma ala Sowar.

2 Samuel 15:23

Suma kur azì ma ngol mámina pet a tchi ki delezi akulo yam kala hamulâ ki sum mama peta. Amulâ ki sum mama pet a djak toliyon nda Kedron-nda, a hle navun lovot ta i hur fulîd’a d’ar.

2 Samuel 15:30

David mi hle lovot ta yam ahina d’a Olif-fa, mi zlup barud’a kamu, nga mi tchiya, nga mi tit bei atuguruna asemu. Suma pet suma a nga ki sed’ema a zlup barud’a kaziya, a nga tchi mi.

Isai 16:14

Wani ki tchetchemba mi dala: Kur bur ma dabid’a hi biza d’a hindid’a, subur ra kal teglesa hi Mowap-pa, a mba golot is, mat suma ablau suma mimiyâ’â a mba arî akid’ei d’a hina yegre. Suma a mba ar kurutna a mba ndak ir va d’uo mi.

Isai 22:5

Kayam Salad’a Ma didina Alo ma ad’engêm kal petna mi suni ini tcha d’a tatad’a ki kusa ki zulona keya, wulul la ndindinga nga d’i b’ik kä b’ib’ik kur hor ra vana nde tam mbei ir sana kuad’a, tchi ma gandjauna nga mi i akulo yam ahuniyôna.

Isai 59:7

Asegi nga mi tin kä ta d’i á le tchod’a, agi nga b’ad’agi tagi á tchi sama bei zlad’a kama. Djib’er magid’a ni djib’er ra tchod’a, hurumba ki b’laka ni sun magi d’a led’a.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 17:16

Ma didina, Ni an ba ni noî á mbut mang ma pola d’i. An min nga ala ndaka ti mba yam suma d’uo mi. Ang we, kayam ang we zla d’a ndavunanda pet.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Jeremi 4:20

A nga de zlad’a yam b’laka kam kua kam kua, ambasa pet ti b’lak keyo. Zlub’u mamid’a ti pleî woi atogo hina zak, yami ma kaka mi b’lak kei atogo hina zak d’igi ir ra tchemba na mi.

Jeremi 48:3

Wulula nga d’i tchi kur Horonayim. A b’lagat wa, a b’lagat ni b’lak ka ngol la kal teglesa.

Jeremi 48:5

Suma a arâ a nga i ki tchina irazi kur lovot ta djak akulo aduk ahina d’a Luhit-tid’a, a nga hum tchi ma hohoud’a hi suma a b’lagazi ahligiyezina kur lovot ta sulugot kä aduk ahina d’a Horonayim-mbid’a.

Jeremi 50:46

Andagad’a ti giget abo siwel la a siwelet á hle Babilon-nda, wulula ti ndezi woi aduk andjaf suma mi.

Jeremi 9:10

Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Ndumba 21:29

Ni vama hohoud’a kang ang Mowap! Agi suma tuwalagi Kemos-sâ, agi bagi woyo! Mi mbut groma ni suma ring avok suma, mi he grom suma aropma mi Sihon amul ma Amor-râ magomba.