Isai 15:1 - Bible azumeina

¹ Wana ni zla d’a a dat yam suma Mowap-mid’a: Gagazi, kur andjege d’a tud’a a b’lak azì ma Ar ma Mowap-ma woyo, mi mbut vama hawana; gagazi, kur andjege d’a tud’a a b’lak azì ma ngol ma Kir ma Mowap-ma woyo, mi mbut vama hawana mi.

Isai 15:1 Iomraidhean Croise

2 Amuleina 3:25

Azi b’lak azì ma nglona kä woyo, a dur ahuniyôna kur asine ma azi nga zumuma gak ahinad’a oî woi hur asinena, a tos ir mbiyo ma laud’a woi pet, a ka agu ma vuta woi pet mi. Wani azì ma Kir-Hares-sâ mi arî mam hol, wani azigar suma dur ahinad’a a mba nguyum a durumu.

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Isai 13:1

Wana ni zla d’a sun nda Ma didina mi ndat tei ir Isai Amot goroma yam Babilon-nda:

Isai 14:28

Wana ni zla d’a a dat kur biza d’a amulâ Ahas mi mit kuad’a:

Isai 16:11

Kayam ndata, an nga ni hle sawala ki delen akulo ki hur ma hata yam suma Mowap-ma d’igi tchina hadingîna na, an nga ni tchi yam suma Kir-Hares-sâ mi.

Isai 16:6

Ami humumi zla yam mba ad’enga hi suma Mowap-mid’a, zla subur ta mazi d’a kal teglesa, hur mazi ma ngolâ, djib’er mazi d’a kal kazid’a ki subur ta mazi d’a hawa yaka mi.

Isai 16:7

Suma Mowap-ma a nga tchi yam taziya, nge nge pî nga mi tchi tchi ma hohoud’a, a nga tchi yam fangasuna hades guguzlu ma a lum avo Kir-Hares-sâ, a nga tchi ki hur ma hata ngola.

Isai 25:10

Kayam Ma didina abom nga tinda yam ahina ndata, a mba miret suma Mowap-ma kä ata yazi d’igi sana mi miret asuna kä kur zul la a kat á tchuk siligitna kuad’a na.

Isai 25:12

Mba mi togi gulumun magi ma fiyak ma ad’eng ma ngunguna woyo, mba mi tom kä woi andaga ndjandjap mi.

Jeremi 9:26

nala, suma Ezipte-na, suma Juda-na, suma Edom-ma, suma Amon-na, suma Mowap-ma, zlapa ki suma a nga kaka abagei hur fulâ suma a nga wel vun tumus sa dudumazid’a woina mi, kayam andjaf sum ndazina pet a ngad’azi nga bayâd’a d’i, andjaf Israel-lâ pet pî a ngad’azi ni bayâ d’a lop ir sumid’a.

Ndumba 21:28

Kayam akud’a ti ndeï Hesbon, sinat nga d’i trâ azì ma ngolâ hi Sihon-na, ti ngal azì ma Ar-Mowap-ma woi ki suliyom suma yam yima nding ma halum ma Arnon-na woi mi.

Gat ta a hat á mbàd’id’a 2:18

Ini agi mba ndagi sä woi ir haga d’a Mowap-pa avo Ar.

Gat ta a hat á mbàd’id’a 2:19

Agi mba mbagi yam ambasa hi suma Amon-na, wani agi ndazi ayîna d’i, agi duruzi d’uo mi, kayam an mba ni hagi djo nde pî yam ambasa hi suma Amon-nid’a d’i. An ni he yi máma ni mi Lot groma djona.

Gat ta a hat á mbàd’id’a 2:9

Ma didina mi dan ala: Ang nde suma Mowap-ma ayîna d’i, ang duruzi d’uo mi, kayam an mba ni hagi va yam ambas mazid’a d’i. Ni Lot groma ba, an hazi ambas sa Ar-ra djona.