Isai 14:32 - Bible azumeina

³² A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Isai 14:32 Iomraidhean Croise

2 Samuel 8:10

Mi sun goroma Joram gen amulâ David á gum depa, á suburum mi, kayam dur ma mam dur ki Hadadezer mi kus kama, kayam Toi mi dur ayîna ki Hadadezer mi. Joram mi im kahle suma a lazi ki kawei ma hapma ki lora ki kawei ma hleunina mi.

Sawal la giled’a 102:16

Andjaf suma yam andagad’ina pet a mba ring mandara simiyêng ang Ma didina; amulei suma yam andagad’ina pet a mba ring mandarâ abo subur manga mi.

Sawal la giled’a 102:28

Wani angû, ang nga mbut ti, bizang mba d’i dap puo mi.

Sawal la giled’a 48:4

Alona mi nga kaka kur azì máma, mam mi ad’enga hazì mámid’a.

Sawal la giled’a 87:1

Ni sawal la gile d’a Kore groma a hlata. Ma didina mi tin azì ma Jerusalem-ma ni yam ahina d’a a tinit irat vata.

Sawal la giled’a 87:5

Wani yam azì ma Siyon-na, djivid’a a de kam ala: Alo ma sä akulo ma kal teglesâ, mi tinimî mam tamba, wana nambas sa gagazid’a hi nge nge pî d’a adigazid’a.

Zla d’a d’ogolâ 18:10

Simiyê Ma didina ni gong nga ndjol la fiyak ka ad’eng nga ngungud’a, sama d’ingêrâ nga mi ring kua, mi kak ki halasa.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Isai 29:19

Suma lulumana a mba le furîd’a ngola yam Ma didina, suma hou suma aduk sumina a mba le hur ma hapma yam Ma tin tam irat vat yam Israel-lîna mi.

Isai 37:32

Kayam suma a ara a mba buzugï woi Jerusalem, suma a sut teina a mba buzugï woi yam ahina d’a Siyon-nda. Wana ni vama an Ma didin ma ad’engên kal petna tan ndi lan zlezleû kama.

Isai 37:9

Ata yi máma amul ma Asiri-na mi hum ala Tirhaka amul ma Etiyopi-na mi mba atam á durâ. Ata yima mi hum zla ndatina, mi tchuk sunda ata Ezekiyas

Isai 39:1

Kur atchogoi ndata amul ma Babilon-na Merodak-Baladan Baladan goroma, mi hum ala Ezekiyas mi ve tugud’eid’a, mi tchol akulo. Kayam ndata, mi sunumï mam suma sunda ki mbaktumba ki he d’a hawad’a abozi mi.

Isai 4:6

Mba d’i mbut ni zlub’u d’a anguzuna yam huwak ka faleid’a, mba d’i mbut ni yima ngei tad’a abo babarâ kalo ma sed’a mi.

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

Isai 54:11

Ndak Jerusalem mba hohou d’a babarâ mi gigid’ek bei sa mi b’lengêt huruk ba d’a, gola, an nga ni minik kahina d’a ad’enga, an mba ni gak aduk kä kahina safira.

Isai 57:13

Fata agi tchigid’a, ar filei magi ma ablauna mi prud’ugi woyo, ar simetna mi yozi woi pet, ar fod’a ti felezi woi mi. Wani sama ngei tam atana, mba mi tambasa djona, mba mi kak yam ahina man nda an tinit irat vata mi.

Ezekiyel 48:35

Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Sofoni 3:12

An mba ni ngom suma lulumana ki suma hou suma kuruk suma a nga hal yima ngeid’a atana.

Zakari 11:11

Kur bur ma an bud’um mbei máma, tumiyô suma hohou suma a tin huruzi kana a wala ni zlad’a hi Ma didinid’a.

Zakari 11:7

An nga ni pol tumiyô suma a tchuguzi á ngatina. Gagazi, azi ni tumiyô suma hohoud’a. An yo tutuguyona mbà, an yi d’a hî d’a ala Sumad’a, an yi d’a hî d’a ala Zlap pa tud’a, an pol tumiyô ndazina.

Matiye 16:18

An nga ni dangû, angî Pierre, an mba ni min Tok manda yam ahina ndata. Vun agre’â hi yima azuleinina mba mi lat va d’i.

Hebre-na 11:10

Kayam Abraham mi djup mi azì ma gum ad’um kä ad’enga ngingina. Alona ni ma ngam ad’uma, ni ma minima mi.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.