Isai 14:31 - Bible azumeina

³¹ Ang vun agre’â, ang tchi tchi ma hohoud’a, ang azì ma ngolâ, ang tchi wulula. Agi suma Filistê-na zla tagi pet, agi mbud’ugi heheb’ek, kayam andosâ nga mi djï abo ma norâ, aduk mazi djangûna, sama d’es sei ata yam ma tcholina nga d’i.

Isai 14:31 Iomraidhean Croise

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 14:29

Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Isai 16:7

Suma Mowap-ma a nga tchi yam taziya, nge nge pî nga mi tchi tchi ma hohoud’a, a nga tchi yam fangasuna hades guguzlu ma a lum avo Kir-Hares-sâ, a nga tchi ki hur ma hata ngola.

Isai 20:1

Kur biza d’a ma ngolâ hi azigar suma Asiri-na mi mba mi nde azì ma Asdot ma yam ambas sa Filistê-d’ina yam vun ma hed’a hi Sargon amul ma Asiri-nina, mi hlumu.

Isai 24:12

B’laka ti ar kur azì ma ngolâ ni ndad’u, vun azì ma a kuzum mbeina mi b’lak kei mi.

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Isai 34:16

Agi halagi kur mbaktumba hi Ma didinid’a, agi ndumud’u. Ma agi mba fum kua d’uo na nga d’i; azi pet a mba fazi ni kakap, ma kaleina nga d’i. Kayam ni Ma didina ba, mi he vuna, ni Muzuk mama ba, mba mi togoziya.

Isai 45:2

An mba ni tit avorongû, an mba ni blas yima djodjohlâ kä woi avorongû, an mba ni kus vun agrek ma a lum ki kawei ma hleunina woyo, an mba ni kus vun agrek ma a lum ki kawei ma wuranina woi ndjondjom mi.

Jeremi 1:14

Ma didina mi hulong dan ala: Nabo ma norâ ba, ndaka mba d’i tcholï ti wet tei yam suma a nga kaka kur ambasina pet.

Jeremi 47:2

Ma didina mi dala: Gola! Mbina mi tcholï abo ma norâ, mi mbut alum ma djang ma mi kus seina. Mi kus sei yam ambasa kahle suma kurutna, yam azì ma nglona ki suma a nga kaka kuruma. Suma a nga tchiya, suma a nga kaka kur ambasina pet a nga tchi horâ.

Jeremi 47:4

Kayam bur ma a b’lak suma Filistê-na woi petna mi mba wa. A mba fe sama ndjun Tir ki Sidon-na d’uo d’a, kayam an Ma didina nga ni b’lak suma Filistê suma a arâ woyo. Azi ni suma a tcholï kur til la Kaftor-ra a mba kak kuana.