Isai 14:29 - Bible azumeina

²⁹ Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Isai 14:29 Iomraidhean Croise

2 Amuleina 18:8

Mi tchi suma Filistê-na gak mi i kur azì ma ngol ma Gaza-na, mi b’lak andaga mazid’a woi tinï ad’ud’a ata yima azigarâ a kak ndjola kuana dei gak mba kur azì ma nglo ma ad’eng ma ngunguna mi.

2 Sunda Hamuleinid’a 26:6

Mi nde abu á dur ayîna ki suma Filistê-na. Mi to gulumun ma Gat-na ki ma Japne-na ki ma Asdot-na kä woyo, mi min azì ma nglona kur ambas sa Asdot-ta, kur azì ma Filistê ma dingâ mi.

2 Sunda Hamuleinid’a 28:18

Suma Filistê-na a nde azì ma kä ata yima ligitim ma abo ma Juda-na durâ, a hlazì ma Bet-Semes-sâ, ma Ajalon-na, ma Gederot-na zlapa kazì ma Soko-na, ma Timna-na, ma Gimzo-na kazì ma gurei ma nguyuzina pet, a kak kua.

Zla d’a d’ogolâ 24:17

Ar ang le furîd’a yam puka hi mang ma djangûnid’a d’i, ar ang le hur ma hapma ata yima mi lá puka kä na

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Isai 11:8

Gogor ma tchapona mba mi bulul kä avun zul la mageid’a, gogor ma mi ar apona bei tched’ina mba mi nik abom ad’u gugui ma ayîna heîna mi.

Isai 14:31

Ang vun agre’â, ang tchi tchi ma hohoud’a, ang azì ma ngolâ, ang tchi wulula. Agi suma Filistê-na zla tagi pet, agi mbud’ugi heheb’ek, kayam andosâ nga mi djï abo ma norâ, aduk mazi djangûna, sama d’es sei ata yam ma tcholina nga d’i.

Isai 2:6

Ma didina, ang ar mang suma hi Jakob-ma woyo, kayam azi nga tuwal fileina ngola d’igi suma abo ma yorogona na, a nga djop fileina d’igi suma Filistê-na na, kayam azi zlap darigïd’a kandjaf suma dingâ mi.

Isai 30:6

Gola! D’uwarâ nga mi i kahlena huyogom sirad’a kur lovot ta i abo ma sutnid’a. A nga tit kur yima hohoud’a ki yima ndaka. Ni yima azlod’a kazlona ki mageid’a ki dragon ma pira nga kua na. A nga zi ahle suma ndjondjoîna ki korona ki djambala mi suma a ndak á le vama djivi mi suma d’uo na,

Jeremi 47:1

Wana ni zla d’a Ma didina mi dat mi ma djok vun Alona Jeremi yam suma Filistê-na avok ka Faron bei mi dur ayîna ki suma Gaza-na tua d’a:

Hor ma tchina 2:17

Ma didina mi ndak wa vun zla d’a mam ngat kurum adjeud’a, mi ndak wa vun zla d’a mam he vuna kat adjeu dedeid’a, mi b’lagak kei bei mi wak hohowok ba, mi mbud’uk vama furîd’a hi ma djangûnina, mi had’enga mi suma a lak murud’umbina mi.

Ezekiyel 25:15

Salad’a Ma didina mi dala: Suma Filistê-na a hlatchugula kuruzi krovo ki gol isa, a sä atchugula bei we hohowa sa adjeu dei gak ini, a dap suma woi mi. Ni kayam ndata ba, an Salad’a Ma didina ni dala:

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala:

Ezekiyel 35:15

Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.

Wana ni mbaktumba hi Oze-d’a 9:1

Agi Israel-lâ, agi lagi furîd’a d’oze hur ma hapma d’igi andjaf suma dingâ na d’i, kayam agi walagi woi kAlo magina á lagi gaulangâ, agi nga minigi wurak ka ata yat tuo d’a ata yima lara ma a nga to gemena kuana.

Joel 3:4

Agi suma Tir-râ ki suma Sidon-na pet, agi suma nga yam andaga d’a Filistê-d’ina, vama ndologi ki an ni me ge? Agi hal á hlagi atchugulugi ki sed’en ndju? Le agi hal á hlagi atchugulugi ki sed’enu ni, an mba ni hulong hlatchugul ndata ki sed’egi atogo zak!

Amos 1:6

Ma didina mi dala: Suma Gaza-na a nga i avogovok kur tchod’a wan pî, an mba ni djok vunan yam zla d’a an data d’i. kayam azi yo suma magomba, a hazi mi suma Edom-ma,

Amos 1:8

An mba ni tchi suma a nga kaka Asdot-na woi pet ki ma nga mi tamula Askalon-na woi mi. An mba ni hulong abon ni tum suma Ekron-na, suma Filistê suma a arâ a mba dap pei mi. An Salad’a Ma didina ni de na.

Abdiyas 1:12

Agi suma Edom-ma, nga djivid’a agi lagi furîd’a yam b’oziyogi suma Juda-na kur bur ma azi nga kur ndakina d’i, nga djivid’a agi lagi furîd’a ata yima b’laka mba kazina d’oze agi sanagi ad’uzi kur bur ma azi nga kur pupulukina d’uo mi.

Mise 7:8

Mami ma djangûna, ar ang le furîd’a kami d’i! Le ami pugumi kä pî, ami mba hulong tcholomi akulo; le ami nga kaka kur nduvunda pî, Ma didina ni b’o mamid’a.

Sofoni 2:4

A mba ar Gaza woyo, Askalon mba d’i mbut djona, a mba dik suma Asdot-na falei d’ad’ar, a mba tchi suma Ekron-na woi pepet mi.

Sofoni 2:5

Ni zla d’a hohoud’a yam agi andjaf ma Keret ma nga kaka avun alum ma ngolîna. Ndak Kanan ambas sa Filistê-d’a, Ma didina mi dala: an mba ni b’lagak keyo, a mba fe sama kak kuruk ki.

Sofoni 3:11

Kur bur máma zulona mba mi lagi yam sun nda pet ta agi lata ki sun nda tcho d’a agi lat avoronda d’uo d’a. Ata yi máma an mba ni walagi woi kahle suma a zud’ugi á subur tad’ina, agi mba suburugi tagi yam ahina man nda a tinit irat vata d’uo d’a.

Zakari 9:5

Suma Askalon-na a mba we, a mba le mandarâ, suma Gaza-na a mba zlaga, suma Ekron-na a mba zlak mi, kayam a mbut zulona yam hur mazi ma tinda. A mba famul kur Gaza d’uo d’a, a mba fe sama kak kur Askalon nduo mi.

Ndumba 21:8

Ma didina mi dum ala: Ang yor kawei ma hleuna hle tam d’igi gugui ma ayîna na, ang gabam akulo avun aguna. Sama lara ma guguina mi ed’ema, le mi golomu ni, mba mi sud’a.

Josue 13:3

tinï ad’ud’a Sihor ra nga avok Ezipte-d’a dei gak mba yo hagad’a ki Ekron. Ni yima suma Kanan-na a te kam adjeuna, ni yima amulei suma vahl suma Filistê-na a nga te kama, nala, azì ma Gaza-na, ma Asdot-na, ma Askalon-na, ma Gat-na ki ma Ekron-na ki suma Af-fâ.