Isai 14:25 - Bible azumeina

²⁵ An mba ni b’lak suma Asiri-na woi yam ambas manda, an mba ni mired’ezi kä kasen yam ahuniyô mana, an mba ni hle djuk mazina woi kel sum mana, an mba ni hlanek mazid’a kä woi yam sum mana mi.

Isai 14:25 Iomraidhean Croise

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 14:5

Ma didina mi kus wa tatagama hi ma asa’atnina woyo, mi kus wa totogod’a hi ma te yamba kad’engina woi mi.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Isai 52:2

Ndak Jerusalem, ndak tchol akulo, ndak po gugum ma ata’â woyo. Ndak gor wei d’a Siyon nda avok kur magombid’a, ndak kak kä á but ziyo ma a djiniksi kele’â woyo.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Ezekiyel 32:22

Gola! Amul ma Asiri-na mi nga kua ki azigar mama. Asud’a hi azigar mam suma a tchazi avun ayînina pet ti nguyumu.

Ezekiyel 39:4

Ang ki azigar mangâ pet kandjaf suma pet suma a nga zlapa ki sed’engâ, agi mba pugugi kä yam ahuniyô suma Israel-lâ. An mba ni mbud’ugi ni tena handjaf aluweinina teteng ki ma hambureinina mi.

Mise 5:5

A mba te yam ambas sa Asiri d’a hi Nimrot-ta ni kahle mazi suma sïna. Ata yima suma Asiri-na a mba mba yam ambas meid’a a mba kal yam andaga meid’ina, mam mba mi pad’ei woi aboziya.

Mise 5:6

Andjafâ hi Jakob ma arâ mba mi kak aduk andjaf ma ablauna d’igi mbad’ï d’a ti tcholï ata Ma didinid’a na, d’igi alo ma mi se yam asunina na. A mba tin huruzi yam sa d’i, a mba ka’î yam sa d’uo mi.

Nahum 1:13

Ki tchetchemba, an nga ni kus djuk mazina woi kelegi á tchugugi akulo ad’u ad’enga hi magi suma djangûnid’a, an nga ni tchalagi erdje ma a djinigi ki na woi mi.

Zakari 10:11

A mba djak alum ma ndaka, a mba wat abilâ halum ma ngolîna, galilei ma yiyi’â halum ma Nil-lîna pet mba mi so woyo. Subur tad’a hi Asiri-nid’a mba d’i hulong kä, ad’enga hi suma Ezipte-nid’a mba d’i dap peyo.