Isai 14:24 - Bible azumeina

²⁴ Ma didin ma ad’engêm kal petna mi gun tam ala: Gagazi, vama an djib’erem kuruna mba mi le hina, vama an nga hurun kama mba mi le hina mi.

Isai 14:24 Iomraidhean Croise

Ad’u Tinda 41:32

Le adïd’a dang yat hina mbà ni, nala, zla ndata ndagï nabo Alona, mam mba mi lat atogo zak mi.

Wana ni mbaktumba hi Job-pa 23:13

Vama mam dala: Le ni hina na, ni nge ba, mi ndak á d’elem ge? Vama mam hurum vum á luma, mi nga mi lumu.

Sawal la giled’a 110:4

Ma didina mi gun tamu, mba mi hulong bugol li. Mi dala: Angî ma ngat buzuna gak didin d’igi Melkisedek na.

Sawal la giled’a 33:10

Ma didina nga mi b’lak zla d’a andjaf suma a minita woyo, nga mi b’lak vama suma a ngam kuruzi á led’ina woi mi.

Sawal la giled’a 92:5

Ma didina, an nga ni le furîd’a yam sun mang nga ang lata! An nga ni de woi yam sun nda ang lat kabonga mi.

Buzuk ka Abud’a 17:16

Mi dala: Ma didina mi gun tam da’, mba mi dur ayîna ki Amale’â kur atchogoi d’a lara ge pet, kayam azi tchol huneîd’a ki sed’emu.

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Isai 10:5

Ma didina mi dala: Ni zla d’a hohoud’a yam suma Asiri sumala ni totogo man nda hurun le mi zala ba, an to ki suma d’a. Azi ni tatagam man ma an to ki sumina mi.

Isai 19:12

Faron, mang suma ne ndazina a nga ni lara ge? Ar azi had’ang ka tchetchem, ar a tagang vama Ma didina mi nga hurum kam á lum ki Ezipte-nina.

Isai 19:17

Andagad’a hi Juda-d’a mba d’i mbut ni vama Ezipte-na a lum mandarama. Ata yima lara ma a mba yat simiyêtna, a mba le mandarâ yam nga hur ma Ma didin ma ad’engêm kal petna mi ngam kurum á kak djangûna ki sed’ezina.

Isai 55:8

Kayam Ma didina mi dala: Djib’er manda nga ni djib’er magid’a d’i, sun magi d’a led’a nga ni sun man nda led’a d’uo mi.

Isai 55:9

D’igi akulod’a ti kal akulo yam andagad’a na, hina mi, sun man nda led’a ti kal akulo yam sun magi d’a led’a, djib’er manda ti kal akulo yam djib’er magid’a hina mi.

Jeremi 23:20

Ma didina mba mi i avogovok kayî mama gak mi ndak vun ahle suma mam ngazi kuruma pet. Kur bur ma dabid’a agi mba wazi ad’uzi tetet.

Jeremi 29:11

Ma didina mi dala: An we nga hur ma an ngam kagina. Ni nga hur ma halasâ, nga ni ndaka d’i, á hagi vama djivi ma nga mi mba ma agi mba tinigi hurugi kama.

Jeremi 44:26

Kayam ndata, agi suma Juda suma nga kaka yam ambas sa Ezipte-d’ina, agi humugi zlad’a hi Ma didinid’a. Ma didina mi dala: An nga ni gun tan ki simiyên ma ngolâ, sama Juda-na mba mi yan simiyên ki vunam kur ambas sa Ezipte-d’a ala: An gun tan ki simiyê Salad’a Ma didin ma bei matnina na d’uo d’a.

Jeremi 49:20

Kayam ndata, agi humugi zla d’a Ma didina mi ngat kurum yam suma Edom-mid’a, agi humugi nga hur ma mi ngam kurum yam suma a nga kaka Teman-na mi. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Jeremi 50:45

Kayam ndata, agi humugi zla d’a Ma didina mi ngat kurum yam suma Babilon-nid’a, agi humugi nga hur ma mi ngam kurum yam suma a nga kaka kur ambasa hi suma Babilon-nid’a. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Hor ma tchina 3:37

Ni nge ba, mi de ba ahle ndazina a le ge? Ni Salad’a ba, mi he vuna d’uo zu?

Ezekiyel 12:25

Kayam an ni Ma didina, an nga ni de. Zla d’a an data mba d’i ndak vun sun mata bei lilinga ba. Agi andjaf ma bei hum vuna ba na, kur atchogoi magid’a an mba ni de zlad’a, an mba ni ndagat vunat mi. Ni an Salad’a Ma didina ba, ni de zla ndata.

Ezekiyel 39:4

Ang ki azigar mangâ pet kandjaf suma pet suma a nga zlapa ki sed’engâ, agi mba pugugi kä yam ahuniyô suma Israel-lâ. An mba ni mbud’ugi ni tena handjaf aluweinina teteng ki ma hambureinina mi.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Amos 8:7

Ma didina mi gun tam yam subur tad’a hi suma hi Jakob-mid’a ala: An mba ni mar yam sun mazi tu d’i.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Sunda hi suma a sunuzinid’a 4:28

A lahlena pet suma ang gazi kur ad’eng manga ki min manga avok dei á led’ina.

Efes-sâ 1:9

Kayam ndata, mi tagei zla d’a mudurid’a hi min mam mba mi ngat kurum avok dei á ndagat memet yam Christ-sa.

Hebre-na 4:3

Ei suma hei gagazid’ina, ei nga kalei ata yima tuk ta ma Alona mi de kam ala: An hurun zal ngola, an gun tan ala: Azi mba kal ata yima azi tuk tazi kua ki sed’ena d’uo na. Mi de zla ndata nata yima mi dap sun mam mba avok ka mam le duniyad’ina.

Josue 11:20

Kayam ni Ma didina ba, mi b’alazi huruzi á dur ayîna ki Israel-lâ kayambala Israel-lâ a dabazi tchid’a woi bei wazi hohowozi d’igi Ma didina mi he vuna mi Moise na d’a.