Isai 14:2 - Bible azumeina

² Andjaf suma dingâ a mba yozi izi kur ambas mazid’a yam andagad’a hi Ma didinid’a. A mba tazi djona d’igi magumei suma andjofâ ki suma aropma na, a mba yo suma a yozi magomba adjeuna magomba, a mba te yam suma a te kazi adjeu kad’engina mi.

Isai 14:2 Iomraidhean Croise

Esdras 2:65

bei ndum azungeî mazina ki yugunei mazi suma 7337-na ba. Adigazi suma hle sawala, andjofâ karopma pet ni 200.

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Isai 18:7

Kur atchogoi ndata, suma a mba mba ki he d’a hawad’a mi Ma didin ma ad’engêm kal petna. Ni he d’a hawad’a hi suma fuyogei suma babagazi akulongôd’id’ina. Ni suma suma yam andagad’ina pet a nga lazi mandarazina. Nandjaf suma sib’ik suma a nga miret mazi suma djangûna kä kasezi suma aluma mi wal ir ambas mazid’a woi tetengâ. A mba i ki sed’et ata yima Ma didin ma ad’engêm kal petna mi tak simiyêm mbei kua yam ahina d’a Siyon-ndina.

Isai 31:8

Suma Asiri-na a mba puk kä abo mbigeu d’a nga ni mbigeud’a hi sa d’uo d’a. Mbigeu ndata mba d’i kaziya, a mba ring abod’u. Azungeî mazi suma dur ayîna a mba le sun nda magomba mi.

Isai 45:14

Ma didina mi dala: Agi Israel-lâ, fed’a hi suma Ezipte-nid’a ki beged’a hi suma Etiyopi-nid’a ki d’a hi suma Sabe suma fuyogeinid’a mba d’i kalï avo hatagiya, mba d’i arî magid’a mi. A mba tit blogogi ki kindjingâ aseziya, a mba dagi zlad’a ki hud’a ala: Alona navo hatagi tu, ma ding nga d’i.

Isai 49:22

Salad’a Ma didina mi dala: Gola! An nga ni hlabon akulo mandjaf suma, an mba mi pe drapod’a akulo mi suma. Azi mba yoï grok suma andjofâ akulo ahlabaziya, azi mba yoï grok suma aropma akulo kelezi mi.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 49:25

Ma didina mi dala: Gagazi, magumeina hi grang suma durâ, a mba yozizi woi aboziya; vama ma te yam suma kad’engina mi hluma, a mba bad’amzi woi abomu. An mba ni dur ayîna ki mak suma djangûna, an mba ni sud’uk gro’â woi mi.

Isai 54:3

Kayam ndak mba d’i i yam bigak ka ndjufa, yam bigak ka gulad’a, gro’â a mba hlandjaf suma, a mba kak kur azì ma ngol ma mi ar djonina mi.

Isai 60:14

Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Isai 60:4

Ndak mbut irak gol gevek ata yina pet. Azi pet a toga, a nga djï gevegu. Grok suma andjofâ a nga djï ata yima deina, a yoï nga grok suma aropma akulo ahlabazi mi.

Isai 61:5

Andjaf suma dingâ a mba mba á pol d’uwar magina, andjaf suma dingâ grozina a mba zumugi awuna ki guguzlud’a mi.

Isai 66:12

Ma didina mi dala: Gola! An mba ni djang b’leng nga halasa kur Jerusalem d’igi aluma na, an mba ni hat subura handjaf sumid’a d’igi alum ma mi kus seina na. Agi mba tchagi ambir mata, ti mba d’i hlagi akulo ahlabad’u, ti mba d’i sad’agi tagi sasat mi.

Jeremi 30:16

Kayam ndata, suma a nga tagi d’igi suma a te hliuna na na, a mba tazi mi; magi suma djangûna pepet, a mba izi magomba; suma a nga b’ad’agi ahligiyegina, a mba b’ad’azi mazina mi; suma a nga hurumugi ahligiyegina, a mba hurumuzi ahligiyezi na mi.

Jeremi 49:2

Ni kayam ndata ba, an mba ni mba ki siwela hayî ma durîd’a kur azì ma Raba ma hi suma Amon-nina. Mba mi arî djona, azì ma gurei ma nguyuma a mba ngalam mbei kakud’a mi. Ata yi máma Israel-lâ a mba hle va mazi ma azi tum djona adjeuna. An Ma didina ni de na.

Ezekiyel 39:10

Azi a mba yoï agu abagei d’i, azi mba kaï agu aduk agud’a d’uo mi, kayam nahle suma sï ndazina ba, azi mba ngalazi avo hataziya, azi mba yoï ahlena abo suma a yo ahle mazinina, a mba hurumï ahlena abo suma a hurumuzina. An Salad’a Ma didina ni de na.

Daniel 7:18

Wani suma ma sä akulo ma kal teglesâ mi tinizi irazi vazina a mba hle leud’a, a mba te leud’a kur atchogoi d’a lara ge pet gak didin.

Joel 3:8

An mba ni guzugi grogi suma andjofâ ki grogi suma aropma woi abo suma Juda-na. Azi mba hulong guzuzi woi abo suma Sabe suma sä deina mi. Wana ni zla d’a Ma didina mi data.

Sunda hi suma hi Levi-nid’a 25:44

Naduk andjaf ma mi nguyugina ba, ang mba fe magumei suma andjuveina ki suma aropma. Ni adigazi azi ba, ang mba gus magumeina.

Abdiyas 1:17

Wani suma a sut teina a mba kak yam ahina d’a Siyon-nda. Azi mba ka’î suma a tinizi irazi vazina. Suma hi Jakob-ma a mba hle yi mazi ma a hlum abozi adjeuna.

Zakari 2:13

Ar nge nge pî mi kak ki vunam ma du’â avok Ma didina, kayam nga mi nde woi ata yam ma kak ma a tinim iram vama.

Zakari 2:9

An mba ni hlabon akulo á ngop andjaf máma. Azi mba mbut vama hurumba handjaf suma a nga lazi sundina. Kur bur máma agi mba wagi ala ni Ma didin ma ad’engêm kal petna ba, mi sununïya.

Wana ni Zla d’a Djivi d’a Luc mi b’irita 12:45

Wani le azong máma mi de kurum ala: Salana mba mi mba atogo d’i, mi nde mi to azungeî suma dingâ ki yuguneina, mi te, mi tche gak mi gurut ki süma ni,

Romê-na 15:27

Azi tazid’a nga huruzi á le hina. Wani gagazi, azi ndak á le ki suma hohou ndazina hina. Le kretiyê suma Jerusalem-ma a b’rau ahle mazi suma djivina hi Muzu’îna kandjaf suma dingâ ni, djivid’a andjaf suma dingâ a ndak á ndjunuzi kahle mazi suma a nga abozina mi.

2 Korente-na 10:5

kahlena pet suma a nga le yam mba ad’enga á kak djangûna ki wed’a hAlonid’ina, ami nga mbud’umi djib’er ra lara ge pet kä á ge yat kä ad’u Christ.

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

Efes-sâ 4:8

D’igi mbaktumba hAlonid’a ti de na ala: Ata yima mi tup akulona, mi yo suma dangeina ad’umu, mi he he d’a hawad’a mi suma.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.