Isai 13:20 - Bible azumeina

²⁰ Sa mba mi kak kurut ti, a mba fe sa kaka kurut ti gak didin. Ma Arap mba mi ve zlub’u mam kua d’i, suma pola a mba kak kua ndjö d’uo mi.

Isai 13:20 Iomraidhean Croise

2 Sunda Hamuleinid’a 17:11

Suma Filistê-na a mba ki he d’a hawad’a mi Josafat, a hum bege d’a hapa tara mi. Arap-ma a mbam ki gamlâna 7700 ki mbekmberena 7700 mi.

Wana ni mbaktumba hi Job-pa 3:7

Â! Ar andjege ndata sa mi vut gor kur ri! Ar sa mi le furî kurut tuo mi!

Sawal la kal teglesa 1:7

Ang ma an hurun vang heîna, ang danu, ang i pol tumiyô mangâ ni lara ge? ang i tuguzi tazi falei ni lara ge? Ni kayam me ba, an mbut d’igi atcha d’a nga d’i halang aduk tumiyôna hi ndrongîna na ge?

Isai 14:23

Ma didin ma ad’engêm kal petna mi de kua ala: An mba ni mbud’ut ni yima domina hi tchetchembina ki yima ve mbina mi, an mba ni torot tei kasumat ma b’lak yina.

Isai 21:1

Wana ni zla d’a a dat yam hur ful ma avun alum ma ngolîd’a: D’igi mbirlimba ti kal abo ma sutna na, ma djangûna mi tcholï yam ambas sa ti mbut suma mandarîd’a, nga mi djï hur fulâ.

Isai 25:2

Kayam ang mbut azì ma ngolâ d’igi mola hahinad’id’a na, azì ma ngol ma ad’engâ, ang b’lagam mbeyo, azì ma ad’eng ma ngunguna handjaf suma dingîna, ang b’lagam mbei mi. Sama mba mi hulong mi minim akulona nga d’uo d’a.

Isai 34:17

Mi le togina kaziya, mi ngazi andagad’a ki ziyona kabomu; ti arî va mazid’a gak didin, a mba kak kat atchogoid’a katchogoid’a mi.

Jeremi 49:33

Azì ma Hasor-râ mba mi mbut ni domina hi hânina, mi arî djona ki iram fafat. A mba fe sama kak kur ri, sa tu pî mba mi kak kua d’uo mi.

Jeremi 50:13

Yam hur ma zala hi Ma didinina, a mba fe sama kak kurut tuo d’a. Ti mba d’i arî djona. Sama lara ma mba mi kal gevetna, mba mi le atchap, a mba tchi kukurup yam b’lak mata.

Jeremi 50:21

Ma didina mi dala: Agi tchologiya, agi i durugi ambas sa Meratayim-mba, agi durugi suma a nga kaka Pekot-na, agi dabazi woyo, agi b’lagazi ahle mazi suma blogozina woi kakazeî. Agi lagi ahlena pet suma an hagi vuna kazina.

Jeremi 50:3

Kayam andjaf ma dingâ mba mi tchol abo ma norâ á dur ayîna ki sed’emu. A mba mbud’um ambas mamba djona, a mba fe sama kak kur ri. Suma ki d’uwarâ a mba ringâ, a mba tcha tata.

Jeremi 50:39

Ni kayam ndata ba, amburei suma abageina ki hâna a mba kak kua, arigeta mba d’i min aziyat kua mi. A mba fe sama kak kur ruo atchogoid’a katchogoid’a, sa mba mi kak kur ruo gak didin mi.

Jeremi 50:45

Kayam ndata, agi humugi zla d’a Ma didina mi ngat kurum yam suma Babilon-nid’a, agi humugi nga hur ma mi ngam kurum yam suma a nga kaka kur ambasa hi suma Babilon-nid’a. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Jeremi 51:25

Ma didina mi dala: Ndak ahina d’a b’lak yina, an nga ni iza atak á durâ. Ndak ka b’lak suma yam andagad’a peta, an mba ni mat abon ni durugu, an mba ni zud’ugï kä yam ahuniyôna, an mba ni mbud’u’î ahina d’a ngalat teid’a.

Jeremi 51:29

Andagad’a ti giged’a, ti zlak mi, kayam nga hurâ hi Ma didina ma mi ngam yam Babilon-na, mi ndak wa. Mi mbut wa ambas sa Babilon-nda djo ma bei sa mi kak kua ba na.

Jeremi 51:37

Babilon mba d’i mbut ni d’igi ahina d’a mola na, mba d’i mbut ni domina hi hânina, mba d’i mbut ni vama atchapma ki vama sanda, sa mba mi kak kur ruo mi.

Jeremi 51:43

Azì mat ma nglona mi mbut wa djona, ti mbut wa ambas sa so d’a gangras sa hur fulîd’a, nambas sa sa nga mi kak kua d’oze sa nga mi kal kua d’uo d’a!