Isai 13:18 - Bible azumeina

¹⁸ Azi mba tchi gro azungeîna woi ki yeû mazid’a, a mba we hohowa grozi suma kuruzina d’i, hohowa gogor nga mi lazi d’i.

Isai 13:18 Iomraidhean Croise

2 Amuleina 8:12

Hazayel mi dum ala: Salana, ang tchi ni kayam me ge? Elise mi hulong dum ala: An tchi ni kayam an we tcho d’a ang mba lat mi Israel-lîd’a. Ang mba ngalazi aziyazi ma ad’eng ma ngunguna woyo, ang mba tchi azungeî mazina woi avun ayîna, ang mba miret gugurei suma gurei mazina kä kasengû, ang mba b’as hur arop mazi suma wirâ woi mi!

2 Sunda Hamuleinid’a 36:17

Kayam ndata, Ma didina mi sunï amul ma Babilon-na ataziya. Mi tchi azungeî mazina ki mbigeu d’a fiyaka kur gong mazi d’a kud’ora. Alona mi ar nga gor azong ngoze gor wei d’oze mamar roze ma yam abus si, mi hazi woi abo amul ma Babilon-na pet.

Sawal la giled’a 127:3

Gagazi, grona ni he d’a hawad’a hi Ma didinid’a, gro suma azi nga vud’uzina ni wurak mazid’a mi.

Isai 13:16

A mba tchazi grozi suma tchapona kä woi iraziya, a mba hurum ahle mazina, a mba tchuguzi kur bud’omeina, a mba bur kamiyôzina kad’enga mi.

Isai 47:9

Atogo hina zak kur bur ma tuna, gro’â a mba dap peyo, ndak mba d’i ar modonod’a mi. Ndak ki mbut maka ki kuma mak ma zul heîna hina pet pî, ahle suma mbà ndazina a mba surop kak kä kad’engêzi pet.

Isai 5:28

Sï yeû mazid’a nga d’i wile, azi pet a tin nga yeû mazid’a ata aguwat á yeta, abo akulumei mazina mad’enga d’igi ahina sasana na, abo pus mazi ma dur ayîna mi parî d’igi mbirlimba na.

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

Jeremi 5:16

Azì yeû mazid’a vunat nga ngod’a woi d’igi zul la tos matna na, azi pet ni grang suma dur ayîna.

Jeremi 50:30

Ma didina mi dala: Ni kayam ndata ba, azungeî matna a mba puk kä ir palumba, mat suma durâ pet a mba seng silil kur bur máma.

Jeremi 50:42

A nga piget yeû mazid’a kasubiyo mazina. Azi ni suma murud’um suma bei we hohowa suma suma delezi nga d’i ngir kä d’igi alum ma ngolâ vunam mi tchi wü na na. A nga akulo yam akulumei mazina, a ndjar á dur ayîna d’igi sama tuna na á duruk ndak Babilon.

Jeremi 51:22

Ni ki ndak ba, an kus ki mandjufâ katchad’a, ni ki ndak ba, an kus ki mamarâ ki gogorâ, ni ki ndak ba, an kus kazongâ ki weid’a woi mi.

Jeremi 6:23

A nga ki yeûd’a kasapa aboziya, Azi ni suma murud’umba suma bei we hohowa suma delezi nga d’i ngir kä d’igi alum ma ngolâ vunam mi tchi wü na na. A nga yam akulumei mazina akulo, a ndjar á dur ayîna d’igi sama tuna na á duruk ndak Siyon.

Ezekiyel 9:10

An mi, an mba ni we sa hohowom mbi, an mba ni djib’er yam sa d’uo mi, wani an mba ni hulongôzi tcho mazid’a kaziya.

Daniel 7:5

Ambur ma mbàna mi hle tam d’igi ursâ na. Mi nga tchola akulo kasem ma bugolâ, asok ma papeina hindi mi nga avunam aduk siyamu. A hum vuna ala: Ang tchol akulo, ang mut hliuna ngola.

Wana ni mbaktumba hi Oze-d’a 13:16

Suma Samari-na zlad’a mba d’i vaziya, kayam a kak djangûna kAlo mazina. A mba tchazi avun ayîna, a mba ndjirebezi grozi suma gureina woyo, amiyôzi suma wirâ, a mba zazi huruzi woi mi.

Nahum 2:1

Gola! Sama mi tchi wal zla d’a djivi d’a b’leng nga halasina, asem nga mi tchï akulo yam ahuniyôna. Agi suma Juda-na, agi luwugi vun til magina, agi ndagagi vun vama agi hlagi vunagi kama, kayam ma asa’atna mba mi kal adigagi d’uo d’a, a hlum wa woi ki iram fafat.

Nahum 3:10

Hina pet pî, a im wa magomba, grom suma gureina, a tchazi woi grak lovot ta lara ge pet, a le togina yam mam suma simiyêzi mi nde yinina, a tchuk erdjena kel mam suma nglona pet mi.