Isai 13:13 - Bible azumeina

¹³ Kayam ndata, an mba ni giget akulod’a, andagad’a ad’ut ta ged’a mba d’i giget abo ayîna hi an Ma didin ma ad’engên kal petnina, abo bur man ma ayî ma bibiliuna mi.

Isai 13:13 Iomraidhean Croise

Wana ni mbaktumba hi Job-pa 9:6

Andagad’a nga d’i yir abomu, ad’ut ta ged’a nga d’i giget mi.

Sawal la giled’a 18:7

Kur yor ta manda, an yi Ma didina, an tchi yam Alo mana. Ata yam ma kaka mi humun delen kur gong mamba, tchi mana mi ndeza humamu.

Sawal la giled’a 88:16

Ki gogoron dei, an ni sama hohoud’a, an ni kur djop vuna mi; mandarang vanu, an we nga vama ni luma d’i.

Isai 2:19

Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

Isai 21:1

Wana ni zla d’a a dat yam hur ful ma avun alum ma ngolîd’a: D’igi mbirlimba ti kal abo ma sutna na, ma djangûna mi tcholï yam ambas sa ti mbut suma mandarîd’a, nga mi djï hur fulâ.

Isai 23:11

Ma didina mi hlabom akulo yam alum ma ngolâ, mi giget leud’a teng teng, mi he vuna á b’lak azì ma ad’eng ma ngungu ma Kanan-na woyo.

Isai 24:1

Gola! Ma didina mba mi b’lak andagad’a woyo, mba d’i mbut djona, mba mi tchat tata, mba mi ndjoî suma a nga kaka katna woi vivreng.

Isai 24:18

Sama mi ring ngei abo mandar ma ngol mamina, mba mi nde kä kur zula; sama mi djak kei akulo kur zul ndatina mba mi ve kabeid’a. Kayam ir mbiyo ma akulona mba mi mal leyo, andagad’a ad’ut ta ged’a mba ti giget mi.

Isai 24:19

Andagad’a ti waga, ti to woyo, andagad’a ti zlaga.

Isai 34:4

Ahle suma akulona pet a mba lau woyo, a mba d’ut akulod’a d’igi sana mi d’ut mbaktumba na; ahle suma kurutna pet a mba yak kei d’igi hum guguzlud’a d’oze hum tuluma mi yak keina na mi.

Isai 47:1

Ma didina mi de kua ala: Ndak gor wei d’a Babilon-nda, ndak tchuk asek kä, ndak i kak kä aduk andaga d’a gugud’upa. Ndak gor wei d’a Kalde-d’a, ndak i kak kä andaga bei zlamba. Sa dok mi yak ala d’a djif fa wile pipid’ika d’uo d’a.

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Jeremi 51:1

Ma didina mi dala: Gola! An nga ni tchol ki simet ma b’lak yina yam azì ma Babilon-na, yam suma a nga kaka kuruma mi.

Hor ma tchina 1:12

Agi suma pet suma nga kalagi ka hina, Agi mbeyegiya, agi gologiya! Agi wagi andjaf ndak ka an nga ki sed’et ta Ma didina mi tumun ki sed’et kur bur ma hurum zal kana, ta hle tat d’igi ndat hina d’a nga d’i.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Matiye 24:29

Jesus mi dazi kua ala: Bugol ndaka hi bur mámid’a, atogo hina zak afata mba d’i mbut nduvunda, tilâ mba mi b’o d’i, tchitchiud’a mba d’i tchugï kä, ahle suma ad’eng suma akulona a mba yira.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.