Isai 12:1 - Bible azumeina

¹ Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 12:1 Iomraidhean Croise

Nehemi 8:10

Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.

Wana ni mbaktumba hi Job-pa 11:16

Ang mba mar rei yam ndak manga d’igi sana mi mar rei yam mbiyo ma djang ngeina na.

Wana ni mbaktumba hi Job-pa 13:16

Ahle ndazina a mba hina pet ná sud’unu, kayam sama tchona mi nga kad’enga á tchol avorom mbi.

Sawal la giled’a 30:5

Agi mam suma d’engzengâ, agi suburugi Ma didina ki sawala, agi gilem simiyêm ma bei tchod’ina.

Sawal la giled’a 71:21

Ang mba han ngol la kala, ang mba b’lengên hurun kua mi.

Sawal la giled’a 85:4

Kur hur mang ma zala pî, ang hurung b’lengâ; kur ayî mang ma bibiliuna pî, ang hurung vat tei mi.

Sawal la giled’a 86:17

Ang le vama tak ma djivina kanu; ar man suma djangûna a we, a mbut zulona, kayam ang Ma didina ni ma ndjununa, angî ma b’lengên huruna mi.

Sawal la giled’a 9:1

Ni sawal la David mi hlat kahle suma bud’a mi hat mi ma ngolâ hi suma hle sawalina.

Isai 10:25

Kayam yina mi ar go hur man ma zal ma kagina mba mi vat teyo. Bugola, ayî mana mba mi hulong kazi dabazi woyo.

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

Isai 14:3

Agi Israel-lâ, Ma didina mba mi hagi lovota á kak ki halasa bugol ndak magid’a ki tcha magi d’a tatad’a, bugol sun nda magom mba ad’eng nga a tinigizi kagid’a mi.

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Isai 54:7

An arak kei ndjö, wani yam we hohou man nda ngola an mba ni vak atanu.

Isai 54:8

Ma didin ma mi wurak ka’â mi dala: Kur hur ma zala, an ngei tan ndei irak ndjö. Wani yam o man nda bei dabid’a an mba ni wak hohowogu.

Isai 54:9

An mba ni le ki sed’e’î d’igi an le kur atchogoid’a hi Noe-d’a na. Ata yi máma an gun tan ala: Mbiyo ma mi kus kur atchogoid’a hi Noe-d’ina mba mi kus yam andagad’a d’uo d’a. An nga ni gun tan ini hina mi. An mba ni zal hurun kak kuo d’a, an dok ni ngobok kuo mi.

Isai 60:10

Ma didina mi dala: Andjaf suma dingâ grozina a mba hulong á minik gulumun ma’â akulo, amulei mazina a mba lak sunda, kayam kur hur man ma zala an togu, wani yam djivi manda an nga ni wak hohowogu.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 64:5

Ami pet mbud’umi ni d’igi vama ndjendjed’a na, sun mami d’a d’ingêra pet ti mbut ni d’igi baru ma zozota na, ami pet nga yagami woi d’igi hum aguna mi yak kei na, tcho mamid’a nga d’i felemi woi d’igi simetna nga mi fel ahlena woi na mi.

Isai 65:18

Wani agi lagi ni furîd’a, agi lagi ni hur ma hapma burâ ki burâ yam ahle suma an nga ni lazina. An nga ni le Jerusalem ni yam hur ma hapma, sum matna ná le furîd’a mi.

Isai 66:13

An mba ni b’lengêgi hurugi d’igi sana asum mbi b’lengêm hurum na, an mba ni b’lengêgi hurugi kur Jerusalem mi.

Jeremi 30:19

Suma abuna a mba hum sawal la mersid’a ki del la furîd’a adigagiya. Agi andjafâ hi Jakob-ma, agi mba feyêgi d’i, kayam an mba ni zulugi ablaud’a; sa mba mi gologi is suo d’a, kayam an mba ni hagi ngola.

Jeremi 31:13

Ata yi máma yuguneina a mba buzuk ndjongâ ki furîd’a, gro azungeîna ki momorogeina a mba le na mi. Ma didina mi dala: Yor ta mazid’a, an mba ni mbud’ut aîd’a, an mba ni b’lengêzi huruziya, an mba ni vragazi hur ma hapma balum hur mazi ma wurana.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Zakari 1:16

Kayam ndata, an Ma didin ma ad’engên kal petna nga ni dagiya: An mba ni hulongî Jerusalem á tak djivi manda woyo, a mba hulong min gong man nda kud’ora akulo, a mba min azì ma ngolâ akulo mi.

Zakari 14:20

Kur bur máma a mba b’ir ata aglenga hakulumeinina ala Bei tchod’a ni d’a hi Ma didinid’a. Duguyo suma kur gong nga kud’ora hi Ma didinid’a a mba mbut ni d’igi angulei suma a nga avok yima ngal ahle suma ngat buzunina na.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.

Zakari 8:11

Ki tchetchemba, an Ma didin ma ad’engên kal petna nga ni dagiya: An mba ni le ki suma a ar wana d’igi an le ki suma adjeuna na d’uo d’a.

Zakari 8:19

An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.

Romê-na 11:15

Le keng nga a kengêzi woid’a zlap suma kur duniyad’a kAlona ni, fata Alona mi hulongôzïd’a ni nana ge? Ni d’igi suma a tchol akulo karid’a aduk suma matnina na.