Isai 11:12 - Bible azumeina

¹² Mba mi pe drapo d’a taka mandjaf suma ala mam mba mi tok Israel suma a b’rau woina gevemu, mba mi tok andjafâ hi Juda ma b’rau woi yam andagad’a abot ma fid’inina ata yima tuna mi.

Isai 11:12 Iomraidhean Croise

Sawal la giled’a 107:3

mi togozi woi kur ambasa hi suma dingîd’a abo ma yorogona, abo ma fladegena, abo ma norâ kabo ma sutnina, a de na mi!

Sawal la giled’a 147:2

Ma didina nga mi hulong min Jerusalem akulo, nga mi tok Israel suma a i mbeïd’ina avo,

Sawal la giled’a 60:4

Ang yir andagad’a, ang wagat teyo, wani ki tchetchemba, ang tozot irat ta waka, kayam nga d’i giged’a.

Sawal la giled’a 68:22

Gagazi, Alona mba mi wak yam mam suma djangûna woyo, mba mi wak asok yam sama nga mi i avogovok kur tcho mambina woyo.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 18:3

Agi suma pet suma nga kaka kur duniyad’ina, agi suma nga kak kä yam andagad’ina, agi gologi drapo d’a taka ata yima a pat akulo yam ahuniyônina, agi humugi adifa ata yima a butna.

Isai 24:16

Ami nga humumi sawala avun dabid’a handagad’id’a ala: Hei ngola mi Ma d’ingêrâ! Wani an nga ni dala: An ba wa woyo, an ba wa woyo! Ni zla d’a hohoud’a kanu! Suma mbut ira a nga mbut ir suma, suma mbut ira a nga mbut ir suma ngola!

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Isai 43:6

An mba ni de mi suma abo ma norâ ala: Agi handjiya! An mba ni de mi suma abo ma sutna ala: Agi d’elezi kä d’i! Agi mbeyegï ki gron suma andjof suma sä deina ki gron suma arop suma sä avun dabid’a handagad’ina mi.

Isai 49:22

Salad’a Ma didina mi dala: Gola! An nga ni hlabon akulo mandjaf suma, an mba mi pe drapod’a akulo mi suma. Azi mba yoï grok suma andjofâ akulo ahlabaziya, azi mba yoï grok suma aropma akulo kelezi mi.

Isai 49:5

Ki tchetchemba, Ma didina nga mi de va. Mi mininï kur asun tala an kak azong mama á hulongî kandjafâ hi Jakob-ma, á togï Israel-lâ gevemu d’a. An ni vama subura ir Ma didina, Alo mana nad’eng manda mi.

Isai 54:7

An arak kei ndjö, wani yam we hohou man nda ngola an mba ni vak atanu.

Isai 56:8

Salad’a Ma didin ma mi tok Israel suma a b’rau woina, mi dala: An mba ni togï suma dingâ kua yam suma an togozi dana.

Isai 59:19

Fata Ma didina mi mba d’igi alum ma ngolâ mi djang abo simet ma ngolâ na d’a, a mba lum mandaramu, a mba suburum tinï ad’ud’a abo ma yorogona dei gak ndeza woi abo ma fladegena.

Isai 60:4

Ndak mbut irak gol gevek ata yina pet. Azi pet a toga, a nga djï gevegu. Grok suma andjofâ a nga djï ata yima deina, a yoï nga grok suma aropma akulo ahlabazi mi.

Isai 62:10

Agi suma Jerusalem-ma, agi buzugugi woyo, agi buzugugi woi atogo kur azì ma ngolâ, agi malagi lovota mi suma a nga djïna, agi tozogi zul la kur lovot ta titid’a woyo, agi yogi ahuniyôna woyo, agi pagi drapod’a akulo mandjaf suma mi.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 23:3

An mba ni togï tumiyô mana ad’uzi d’a ara kur ambas sa lara ge d’a an digizi woi kuad’a, an mba ni togozi kur kangâ mazina; a mba vut ablaud’a, a mba zul ndjondjoî mi.

Jeremi 30:17

Ma didina mi dala: A nga yagi ala Suma a arazi woina, a nga de kagi ala Siyon nda sa nga mi djobot zlat tuo d’a. Kayam ndata, an mba ni mbud’ugi lafiya, an mba ni tchiligi mbiligi mi.

Jeremi 50:4

Ma didina mi dala: Kur bur máma, ata yi máma, Israel-lâ ki suma Juda-na a mba mba asem taziya, a mba tit ki tchina iraziya, a mba halan an Ma didina Alo mazina.

Jeremi 51:12

Agi pagi drapo d’a taka akulo, agi durugi gulumun ma Babilon-na, agi hagi ad’enga mi ma ndjola, agi tinigi suma ndjola, agi tinigi suma a bur suma kä na. Kayam Ma didina mi nga hurum da’, nga mi ndak vun zla d’a mi dat yam suma a nga kaka Babilon-nid’a.

Ezekiyel 28:25

Salad’a Ma didina mi dala: Fata an mba ni togï Israel-lâ aduk suma an ndjoyôzi woi kuanid’a, an mba ni tak tan ndei mandjaf suma ala an nAlo ma bei tchod’a ba na. Israel-lâ a mba kak yam andaga mazi d’a an hat mazong mana Jakob-pa.

Wana ni mbaktumba hi Oze-d’a 2:2

Suma Juda-na ki Israel-lâ a mba zlap tu, a mba pat amulâ tu, a mba te yam ambasa. Bur máma ni bur ma ngolâ hi Jisreyel-lâ.

Sofoni 3:10

Suma a kud’urona ki man suma a ndjoyôzi woina, a mba tcholï abo alum ma Etiyopi-na woi hî, a mba mban he d’a hawad’a.

Zakari 10:6

An mba ni had’enga mi suma Juda-na, an mba ni sut suma hi Josef-fâ, an mba ni hulongôzï ata yaziya, kayam an wazi hohowoziya. Azi mba mbut ni d’igi suma an arazi woi d’uo na na, kayam an ni Ma didina Alo mazina, an mba ni hum tchen mazid’a mi.

Zakari 8:7

An Ma didin ma ad’engên kal petna nga ni dagiya: an mba ni sut man suma a izi magomba abo ma yorogona kabo ma fladegenina.

Jean 7:35

Kayam ndata, Juif-fâ a de tazi ala: Sa máma, mi i ni lara ba, ei ndak á feizi d’uo ge? Mi i ni gen Juif suma a b’rau woi aduk suma Gre’â á hat suma Gre’â zu?

Gat ta a hat á mbàd’id’a 32:26

An djib’er kurun ala an mba ni dabazi woi pet, an mba ni mbud’uzi suma sa mba mi djib’er kazi yam andagad’a d’uo na.

Jacques 1:1

Ni an Jacques, azongâ hAlonina, ma hi Salad’a Jesus Christ-sâ mi. An nga ni gagi agi andjaf suma hAlona suma dogo yam mbà suma a b’rau woi kur duniyad’a petna depa.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

Vama ndum mbeina 7:1

Bugol ahle ndazina, an we malaikana fid’i a nga tchola ata andaga d’a kengêt ma fid’ina. Azi ve nga simet ma fid’i ma yam andagad’ina aboziya, kayam mi sir yam andagad’a d’oze yam alum ma ngolâ d’oze yam agu ma ding tu d’uo mi.