Isai 11:10 - Bible azumeina

¹⁰ Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 11:10 Iomraidhean Croise

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

1 Sunda Hamuleinid’a 2:12

Bowas mi vut Obed, Obed mi vut Jesse.

Sawal la giled’a 116:7

An min hulong ata yi man ma tuk tad’a, kayam Ma didina, mi lan djivid’a.

Sawal la giled’a 145:11

Azi mba de woi yam te mang nga subura, azi mba de woi yam sib’ik manga mi.

Sawal la giled’a 149:5

Ar suma d’engzengâ a suburumu, ar azi le furîd’a gak yam azang mazina.

Sawal la giled’a 91:1

Sama mi nga kaka ad’u angus Alo ma sä akulo ma kal teglesîna, mi nga ni kaka ad’u angus Alo ma ad’engêm kal petna.

Sawal la giled’a 91:4

Alona mi mining nga yima kaka ad’u gigingâmu; ang mba ngei tang kua. Gagazi mamba ni mbareid’a, ni kongrongâ mi.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Isai 11:12

Mba mi pe drapo d’a taka mandjaf suma ala mam mba mi tok Israel suma a b’rau woina gevemu, mba mi tok andjafâ hi Juda ma b’rau woi yam andagad’a abot ma fid’inina ata yima tuna mi.

Isai 14:3

Agi Israel-lâ, Ma didina mba mi hagi lovota á kak ki halasa bugol ndak magid’a ki tcha magi d’a tatad’a, bugol sun nda magom mba ad’eng nga a tinigizi kagid’a mi.

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Isai 28:12

Mi dazi ala: Gol yima tuk tad’a ba wana: Agi aragi sama mi seîna mi tuk tamu. Gol yima halasâ ba wana: Wani azi min humum mbi.

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Isai 49:22

Salad’a Ma didina mi dala: Gola! An nga ni hlabon akulo mandjaf suma, an mba mi pe drapod’a akulo mi suma. Azi mba yoï grok suma andjofâ akulo ahlabaziya, azi mba yoï grok suma aropma akulo kelezi mi.

Isai 59:19

Fata Ma didina mi mba d’igi alum ma ngolâ mi djang abo simet ma ngolâ na d’a, a mba lum mandaramu, a mba suburum tinï ad’ud’a abo ma yorogona dei gak ndeza woi abo ma fladegena.

Isai 60:3

Andjaf suma a mba mba kur b’o maka, amuleina a mba mba kur wile mak ka nga d’i wile kaka mi.

Isai 60:5

Ndak mba d’i we, hina wani, tak mba d’i lak djivid’a, huruk mba mi oî ki furîd’a, tak mba d’i lak djivid’a mi. Kayam ndjondjoî d’a kur alum ma ngolîd’a mba d’i mba avo hatagu, ndjondjoîd’a handjaf sumid’a mba d’i mba avo hatak mi.

Isai 62:10

Agi suma Jerusalem-ma, agi buzugugi woyo, agi buzugugi woi atogo kur azì ma ngolâ, agi malagi lovota mi suma a nga djïna, agi tozogi zul la kur lovot ta titid’a woyo, agi yogi ahuniyôna woyo, agi pagi drapod’a akulo mandjaf suma mi.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Wana ni mbaktumba hi Aze-d’a 2:9

Ni kayam ndata ba, subura hi gong nga danandid’a mba d’i kal la avoka. Ni kur yima wana ba, an mba ni hagi b’leng nga halasa. Wana ni zla d’a an Ma didin ma ad’engên kal petna ni data.

Zakari 6:13

Mba mi min gong man nda kud’ora akulo, mba mi tchuk ahle suma subura atamu, mba mi kak yam zlam mam mba amula á tamula. Ma ngat buzuna tu mba mi tchol gevemu, azi djak darigï d’a gagazid’a mba d’i kak adigaziya.

Ndumba 10:33

A tchol yam ahinad’a hi Ma didinid’a a i á tit burâ hindi. Zandu’â hi Ma didinina nga mi i avorozi á hal yima azi tuk tazi kuana.

Matiye 12:21

Andjaf suma dingâ pet a mba tin huruzi kam mi d’a.

Matiye 8:11

Wani an nga ni dagiya, suma ablaud’a a mba tcholï abo ma yorogona kabo ma fladegena, a mba kak avun tabulâ ki Abraham azi ki Isak ki Jakob sä kur leu d’a akulod’a.

Wana ni Zla d’a Djivi d’a Luc mi b’irita 2:32

Ni d’a mba d’i b’o woi yam andjaf suma dingîd’a, ni subura hi mang suma Israel-lîd’a mi.

Jean 12:32

Fata a gaban akulod’a, an mba ni tanï suma pet gevenu.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

Sunda hi suma a sunuzinid’a 28:28

Paul mi dazi kua ala: Agi wagiya, Alona mi sun wa zla mam mba suta mandjaf suma dingâ, azi mba humut mi. [

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.

Vama ndum mbeina 5:5

Ma dingâ tu aduk suma nglona mi dan ala: Ang tchi d’i, ang gola! Azlo ma ad’u andjafâ hi Juda-nina, ni ma ad’u andjafâ hamulâ David-na mi, mi kus ayîna. Kayam ndata, mi ndak á hô dubang ma kid’iziyana woi á mal mbaktum ndata woi mi.