Isai 10:5 - Bible azumeina

⁵ Ma didina mi dala: Ni zla d’a hohoud’a yam suma Asiri sumala ni totogo man nda hurun le mi zala ba, an to ki suma d’a. Azi ni tatagam man ma an to ki sumina mi.

Isai 10:5 Iomraidhean Croise

Ad’u Tinda 10:11

Mi nde woi kur ambas ndata, mi i Asiri, mi min azì ma Ninif-fâ, ma Rehobot-Ir-râ, ma Kala-na

2 Amuleina 18:25

Na ni ang djib’er ala salana mi mbeï á dur andaga d’a wanda á b’lagat tei ni bei minda hi Ma didinid’a zu? Nga na d’i! Ni Ma didina ba, mi hum vuna!

2 Amuleina 19:25

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni ndagazi vunazi wana. Ni an ba ni hang lovota á to azì ma nglo ma ad’eng ma ngunguna kä woyo.

Sawal la giled’a 125:3

Ma te leu ma asa’atna mba mi te leud’a teteu yam suma d’ingêrâ d’i kayambala suma d’ingêrâ a mbut suma le tchod’a d’uo d’a.

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Isai 10:15

Na ni andjetna mi subur tam yam sama nga mi le sunda ki sed’ema zu? D’oze sïna mi le yam mba ad’enga ki sama mi ngat aguna ki sed’ema zu? Le ni na ni, ni d’igi totogod’a ti giget sama nga mi hlat akulona na, ni d’igi tatagama nga mi hle sama ala naguna d’uo na akulo na mi!

Isai 10:25

Kayam yina mi ar go hur man ma zal ma kagina mba mi vat teyo. Bugola, ayî mana mba mi hulong kazi dabazi woyo.

Isai 13:5

Azi tcholï ni yam ambas sa deid’a, a tcholï navun dabid’a handagad’id’a. Ma didina ki mam suma dur ayîna yam hur mam ma zalina a mba b’lak ambas ndata woi pet.

Isai 14:24

Ma didin ma ad’engêm kal petna mi gun tam ala: Gagazi, vama an djib’erem kuruna mba mi le hina, vama an nga hurun kama mba mi le hina mi.

Isai 14:25

An mba ni b’lak suma Asiri-na woi yam ambas manda, an mba ni mired’ezi kä kasen yam ahuniyô mana, an mba ni hle djuk mazina woi kel sum mana, an mba ni hlanek mazid’a kä woi yam sum mana mi.

Isai 23:13

Gol ambas sa suma Kitim-ma a mba a kak kua d’a ki tchetchemba suma a nga kurut tuo d’a. Suma Asiri-na a arat mazurei suma abageina, a min yima fiyak ma ndjola teteng nguyud’u, a to azì ma fiyak ma ndjola hi suma Tir-râ woyo, a b’lagam mbei kakazeî.

Isai 26:20

Sum mana, agi igiya, agi tchugugi klavi hatagiya, agi dugugi vun gonga blogogiya, agi ngeyegi tagi ndjö gak ayî mama mi kal lei tua.

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 30:27

Gola! Ma didina mi tcholï ata yima deina, nga mi djïya, nga mi vat tei kayîna tutunuk, vunam mi nga tchurota woi kayîna, zla d’a nga d’i ndavunamba ni d’igi aku d’a ti ngal yinid’a na.

Isai 30:30

Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Isai 30:9

Kayam sum ndazina a ni suma bei hum vuna, a ni gro suma ka zlad’a, a ni gro suma a nga hum gata hi an Ma didinid’a d’uo na mi.

Isai 34:2

Kayam Ma didina hurum mi zal yam andjaf suma pet, hur mam ma zal ma gugulu’â mi nga yam azigar mazina mi. Mi nga hurum á dabazi woyo, mba mi tchimizi woi ngingidjip mi.

Isai 66:14

Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Isai 7:20

Kur bur máma Ma didina mba mi ndeï ki velâ sä abo alum ma Efrat-na woi hî. Ni ngad’a yam amul ma Asiri-na. Mam mba mi welegi yagi woyo, mba mi welegi tumus sa atagid’a ki d’a dudumagid’a woi pet mi.

Isai 8:4

Avok ka gor máma bei mi we á yabum ala Iba d’oze yasum ala Yogo d’a, a mba hurum ndjondjoî d’a Damas-sa kahle suma a yozi avun ayîna avo Samari-na, a mba i ki sed’ezi avok amul ma Asiri-na.

Isai 8:7

Kayam ndata, an Ma didina nga ni kak djangûna ki sed’eziya, mba ni mba kad’enga hi mbiyo alum ma Efrat-na kaziya, nala, amul ma Asiri-na ki subur mamba pet. Alum máma mba mi oî woi ir b’irlim mama, mba mi wet tei avun gongôd’i mamba papadjang,

Ezekiyel 22:31

Kayam ndata, an mba ni zal hurun kaziya, an mba ni dabazi woi kayî man ma aku ma bibiliuna, an mba ni hulongôzi sun mazid’a kaziya. Ni an Salad’a Ma didina ba, ni de na.

Ezekiyel 7:10

Gola! Burâ mi mba wa! Gola! Nga mi djïya! B’laka ti mba wa, ndaka ti wet wa abot teyo, subur tad’a ti nde wa tat tei abua.

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Nahum 1:1

Wana ni zla d’a a djogot tei yam azì ma ngol ma Ninif-fîd’a, ni zla d’a kur mbaktum mba Alona mi ndat tei mi Nahum ma Elkos-sid’a.

Habakuk 1:12

Habakuk mi de kua ala: Ei dedei angî Ma didina Alo man ma bei tchod’a, ang nga mit ti. Ma didina, angî ahina manda, ang tin suma djangû ndazina, ang hazi ad’enga á gad’amiya.

Sofoni 2:13

Ma didina mba mi hlabom akulo á ngop suma abo ma norâ, mba mi dap suma Asiri-na woyo, mba mi mbut azì ma ngol ma Ninif-fâ djona, mba mi mbud’um hur ful ma so ma gangrasâ.

Ndumba 24:24

Wani batod’a mba d’i tcholï kur til la Kitim-mba, suma kurutna a mba hulong suma Asiri-na yazi kä, a mba hulong yam andjafâ hi Heber-râ kä mi, wani suma kur bato ndatina a mba b’lak kei mi.