Isai 10:34 - Bible azumeina

³⁴ Mba mi ka agu d’a ndindika kä woi kandjetna, Ambas sa Liban-nda ti puk kä ad’u Ma ad’engâ.

Isai 10:34 Iomraidhean Croise

Sawal la giled’a 103:20

Agi malaikana hi Ma didina suma ad’eng suma kal papa suma nga lagi sunda yam zla mamba suma nga gagi yagi kä ad’u zla mam mba ded’ina, agi gilemu!

Isai 10:18

Mba mi b’lak subura hagu mazid’a kasine mazi ma mi wul ahlena heîna woyo. Azi mba mbut ni d’igi sama mi it abo tugud’eid’ina na.

Isai 2:13

Mam mba mi kak djangûna kagu sedre ma Liban ma fuyogei ma akulo dedeina, kagu sen ma Basan-na,

Isai 31:8

Suma Asiri-na a mba puk kä abo mbigeu d’a nga ni mbigeud’a hi sa d’uo d’a. Mbigeu ndata mba d’i kaziya, a mba ring abod’u. Azungeî mazi suma dur ayîna a mba le sun nda magomba mi.

Isai 33:9

Ambasa ti nga kur yor tad’a ki hur ma wurana, Liban ti mbut zulona, ti tchuk susub’ok, Saron ti mbut ni d’igi hur fulâ na. Basan ki Karmel agu mazid’a humat yak keyo.

Isai 37:24

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Jeremi 22:7

An nga ni mba ki suma b’lak yina kagiya. Ni suma a min tazi kahle mazi suma sïnina. A mba kagi agu sedre magi ma djivina kä woyo, a mba tchugum aduk akud’a.

Jeremi 48:2

Subura hi Mowap-pa nga d’uo d’a. A nga de zlad’a avo Hesbon yam b’lak mata ala: Ei i blazeizi woi aduk andjaf suma. Ang azì ma Matmen-na, ang mba ka’î ki vunang ma du’â, kayam ayîna nga mi djï blogongû.

Ezekiyel 31:3

Gola! Suma Asiri-na ni d’igi agu sedre ma Liban ma abom mi djif heî ma d’ufa gugulî ma wul fiyaka gak yam mbi do d’ugulina na.

Daniel 4:23

Ang amulâ, ang we malaika ma ndjola mi tcholï akulo mi tchugï asem kä mi dala: Agi kagi agu máma kä woyo, agi kizagam mbeyo, wani agi aram abuwam ki sideyem kä andaga, agi djinim ki kindjing ma kawei ma wurana ki ma kawei ma hleuna kä abagei aduk asuna. Ar mbad’ï d’a akulod’a ti gumu, ar mi tasuna d’igi ahle suma abageina na gak bizad’a kid’iziya.

Nahum 1:12

Ni kayam ndata ba, Ma didina mi de mi suma Juda-na ala: Le magi suma djangûna a nga kad’enga a ablaud’a pî, an mba ni kazi woyo, an mba ni dabazi woi mi. An lagiya wa ndaka, an dok ni lagi kua d’uo d’a.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

2 Pierre 2:11

Wani malaika suma a kal suma hat suma ka zla ndazina kad’enga ki gangârangina pî, a tchuguzi nga zla d’a tcho d’a ngula kazi avok Salad’a d’i.

Vama ndum mbeina 10:1

An gol malaika ma ad’engâ mi tcholï akulo mi tchugï asem kä. D’ugula ti kulubumu, vir ma b’al alona mi nga kam mi. Iram mba gola ni d’igi afata na, asemî d’igi kawei ma murguli ma a gum aduk akud’ina na.

Vama ndum mbeina 18:21

Ata yi máma, malaika ma ad’engâ mi hle ahina d’a ngola d’igi d’a lutna na, mi gat kur alum ma ngolâ, mi dala: A mba ge azì ma ngol ma Babilon-na kä hina dedege mi, a mba wum bugol luo d’a.