Isai 10:32 - Bible azumeina

³² Ini, ini a tchol kä Nop, abozi mi nga zid’a kazi akulo á ngop ahina d’a Siyon-nda, nala, yima nding ma Jerusalem-ma.

Isai 10:32 Iomraidhean Croise

2 Sunda Hamuleinid’a 32:1

Bugol sun nda irat ta Ezekiyas mi lata, Sanakerip amul ma Asiri-na, mi kal kur leu d’a Juda-d’a, mi ngui azì ma nglo ma ad’eng ma ngunguna, kur djib’er mamba ala mi hlumu.

2 Sunda Hamuleinid’a 32:2

Kid’a Ezekiyas mi we d’ala Sanakerip mi mba wa á dur ayîna ki suma Jerusalem-ma d’a,

Nehemi 11:32

Anatot, Nop ki Hananiya,

Isai 1:8

Jerusalem ti arî vat tu d’igi zlub’u d’a aduk asine ma guguzlud’id’a na d’oze d’igi paga d’a a pat aduk asine ma kurdunid’a na d’oze d’igi azì ma ngol ma a nguyum akulo á durîna na.

Isai 10:24

Kayam ndata, Salad’a Ma didin ma ad’engêm kal petna mi dala: Agi man suma nga kaka kur Siyon-na, ar agi lagi mandara suma Asiri suma a nga togi ki totogod’a suma a nga hle tatagama kagi akulo d’igi Ezipte-na a ladjeu na na d’i.

Isai 10:31

Suma Matmena-na a ndjoî woyo, suma Gebim-ma a nga hal yima ngeid’a.

Isai 11:15

Ma didina mba mi so vun alum ma ngol ma Ezipte-na woyo, mba mi tin abom yam alum ma Efrat-na, mba mi fom kad’engêmu, mba mi wad’am á walam ad’u kid’iziya. Hina, suma a mba tit hurum kä katuguru mazina aseziya.

Isai 13:2

Ma didina mi dala: Agi hlagi drapo d’a taka akulo yam ahina d’a va nga kat tuo d’a, agi eregi ad’ugi akulo kad’u, agi lagi abogi ala ar a kal avun agre’â hi suma nglonina!

Isai 16:1

Agi suma Sela suma go ki hur fulîna, agi sunugï gro tumiyôna hi ma te yambina mamul ma Juda ma nga kaka yam ahina d’a Siyon-ndina.

Isai 19:16

Kur bur máma Ezipte-na a mba mbut ni d’igi aropma na, a mba zlaga, a mba le mandarâ ata yima a mba gol Ma didin ma ad’engêm kal petna mi hlabom kam akulo á ngobozina.

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 37:22

Ki tchetchemba, ang hum zla d’a mi dat kamba ala: Ang Sanakerip, azì ma ngol ma Siyon-na mi golong is, mi san ad’ungû, Jerusalem mba djifâ ti hle yat tei ad’ungû.

Isai 8:8

mba mi kal yam ambas sa Juda-d’a, mba mi sulul lei avunamu, mba mi hle yina gak mbang keleng ta. Ang Emanuel, ndja d’a mi ndja abom mbei tetenga, mba mi oî yam ambas manga.

Jeremi 6:23

A nga ki yeûd’a kasapa aboziya, Azi ni suma murud’umba suma bei we hohowa suma delezi nga d’i ngir kä d’igi alum ma ngolâ vunam mi tchi wü na na. A nga yam akulumei mazina akulo, a ndjar á dur ayîna d’igi sama tuna na á duruk ndak Siyon.

Mise 1:9

Ka d’a a ka azì ma ngol ma Samari-na mbilîd’a, mbil mama mi mbut ni mbil ma bei tchila gak mi i yam ambas sa Juda-d’a, gak mi i avun agrek ma Jerusalem-ma ata yima sum mana a nga kaka kuana.

Zakari 2:9

An mba ni hlabon akulo á ngop andjaf máma. Azi mba mbut vama hurumba handjaf suma a nga lazi sundina. Kur bur máma agi mba wagi ala ni Ma didin ma ad’engêm kal petna ba, mi sununïya.

1 Samuel 21:1

Wani David mi i Nop gen ma ngat buzuna Ahimelek. Ahimelek mi ngavam ki mandarâ, mi dum ala: Ni kayam me ba, ang mba vang hina tu bei sa ad’ung nge?

1 Samuel 21:2

David mi hulong de mi ma ngol ma ngat buzuna ala: Amulâ mi han vuna mi dan ala: Ar sa mi we sun nda an sunung kat wanda ki vun ma he ma an hangzina d’i. Wani sum mana a we yima ami ngavami tami kuana.

1 Samuel 22:19

Saul mi tchi suma avo Nop-ma woi ki mbigeu d’a fiyaka, andjofâ karopma, gugureina ki suma kokoyôna, amuzleina, korona ki tumiyôna mi, ni kur azì ma ngol ma suma ngat buzuna hi Ma didinina a nga kuana.

1 Samuel 22:9

Dowek ma Edom-ma ma nga aduk azungeîna hi Saul-lâ, mi hulong dum ala: An we Jesse goroma mi mba avo Nop gen Ahimelek Ahitup goroma.