Isai 10:29 - Bible azumeina

²⁹ A sulugot kä aduk ahinad’a, a dala: Ar ei buri Geba, suma Rama-na a zlaga, suma kur Gibeya d’a hi Saul-la a ringâ.

Isai 10:29 Iomraidhean Croise

1 Amuleina 15:23

Sunda hi Asa d’a ara pet kad’eng mam mba dur ayîna kahle suma mi lazina pet kazì ma mam minima, a b’irizi nga kä kur Mbaktum mba de zlad’a yam Sunda hAmulei suma Juda-nid’a. Ata yima mi djeng mamarina, tugud’eid’a ti lum asem mi.

Jeremi 31:15

Ma didina mi dala: A hum dela avo Rama. Ni hor ma tchina, ni tchi ma hat hurâ mi. Rachel nga d’i tchi yam grotna, ti noî b’leng hur ma suma a b’lengêt tchina yam grotna, kayam a bo da’.

Wana ni mbaktumba hi Oze-d’a 10:9

Ma didina mi dala: Agi Israel-lâ, agi lagi tchod’a avo Gibeya adjeu dei, gak ini agi nga igi avogovok kur tchod’a. Na ni ayîna mi nde nga yam suma tchona avo Gibeya d’uo zu?

Wana ni mbaktumba hi Oze-d’a 5:8

Agi bugi adifa avo Gibeya, agi bugi adif fa ngola avo Rama, agi eregi ad’ugi akulo avo Bet-Aven. Agi suma Benjamin-na, agi gologi blogogiya!

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

Josue 21:17

Andjafâ hi Benjamin-na a hazì ma Gabawon-na ki yima huyogoma, kazì ma Geba-na ki yima huyogoma,

1 Samuel 10:26

Saul mi i avo hatam Gibeya. Suma d’engzeng suma Alona mi zud’uzina, a tinim avo.

1 Samuel 11:4

Suma sunda a i avo Gibeya, avo hi Saul, azi väd’u zla ndata mi suma; suma kur azina pet a wet tchina.

1 Samuel 13:16

Saul ki goroma Jonatan ki azigar suma ar ki sed’ezina, a ar kaka Geba d’a Benjamin-nda, wani Filistê-na a nga laka Mikmas.

1 Samuel 13:2

Saul mi man suma aduk Israel-lâ 3000. Suma 2000 a kak ki sed’em Mikmas, a kak yam ahina d’a Betel-la mi; suma 1000 a kak ki Jonatan avo Gibeya d’a Benjamin-nda. Saul mi tchuk Israel suma a arâ a i avo hataziya.

1 Samuel 13:23

Azigarâ hi Filistê-nina adesâ tu mi nde mi i kak ndjola avun lovot ta kal yam ahina d’a go ki Mikmas-sa.

1 Samuel 14:2

Saul mi nga kaka ir haga d’a Gibeya-d’a ad’u agu ma a yum ala grenat ma nga Migron-na. Azigar suma ki sed’ema a ni go ki kikis karagaya.

1 Samuel 14:4

Avun lovot ta kal yam ahina d’a Jonatan mi i ata ades azigarâ hi Filistê-nid’a, ahuniyô suma dingâ mbà nga kua; d’a hid’a a yat ala Bozes, d’a mbàd’a a yat ala Sene.

1 Samuel 14:5

D’a avoka nabo ma norâ ir Mikmas, d’a mbad’a nabo ma sutna ir Geba.

1 Samuel 15:34

Samuel mi hulong Rama, wani Saul mi hulong Gibeya avo hatamu.

1 Samuel 7:17

Bugol mi hulong Rama avo hatamu, nga mi ka sariyad’a yam Israel suma kur azì mamina mi. Mi min yima ngal ahle suma ngat buzuna mi Ma didina ni kua.