Isai 10:26 - Bible azumeina

²⁶ Ma didin ma ad’engêm kal petna mba mi tozi kazlingâta d’igi mi kus yam suma Madiyan-na akulo yam ahina d’a Orep-pa na, mba mi hle totogo mamba akulo yam alum ma ngolâ d’igi mi hlat akulo yam Ezipte-na adjeu na mi.

Isai 10:26 Iomraidhean Croise

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Sawal la giled’a 35:23

Ma didina, ang tchol akulo! Alo mana, ang zlit akulo á ngomon yam d’ingêr manda, ang kan sariya manda d’ingêr mi.

Sawal la giled’a 83:11

Ang b’lagazi woi avun mbiyo ma lau ma Harot-na; azi mbut vama tub’ad’a handagad’ina.

Buzuk ka Abud’a 14:16

Wani ang hle totogo manga, ang hlabong akulo yam alum ma ngolâ, ang walam mbei aduk mbà. Israel-lâ a mba kal kur alum ma ngolâ kasezi sod’a tchitching.

Isai 10:24

Kayam ndata, Salad’a Ma didin ma ad’engêm kal petna mi dala: Agi man suma nga kaka kur Siyon-na, ar agi lagi mandara suma Asiri suma a nga togi ki totogod’a suma a nga hle tatagama kagi akulo d’igi Ezipte-na a ladjeu na na d’i.

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

Isai 30:30

Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Isai 30:31

Ata yi máma suma Asiri-na a mba le mandarâ abo dela hi Ma didinid’a. Ma didina mba mi tozi ki tatagam mama.

Isai 30:32

Ma didina mba mi tozi ki totogo d’a lara ge d’a mi ngazizi kazid’a. Ata yi máma suma a mba hum tchina hi daliyâd’ina kadingâ, mba mi dur ki sed’ezi kabom ma zid’a woi zina mi.

Isai 9:3

Kayam djuk ma kelezina, ki totogo d’a a tozi pepelezi ki d’a, ki tatatagam ma a nga djobozi ki vunazina, ang kuzuzi woi d’igi ang b’lak suma Madiyan-na woi adjeu na.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Vama ndum mbeina 11:18

Andjaf suma a nga ki hur ma zala. Wani yina mba wa á tak ayî mangâ woyo, á ka sariyad’a yam suma matna, á wurak magumei mang suma djok vuna ki mang suma pet suma a nga lang mandarangâ, suma nglona ki gugureina, á b’lak suma a b’lak andagad’ina woi mi.

Vama ndum mbeina 19:15

Mbigeu d’a fiyak ka tena heîd’a, ti nde woi avunamu, ni d’a mba mi ka kandjaf sumid’a. Mba mi polozi ki totogo d’a kawei ma wurana, mba mi miret guguzlud’a, d’ala nayîna hAlo ma ad’engêm kal petna na.

Suma ka sariyad’a 7:25

A yo amulei suma Madiyan-na mbà, nala, Orep ki Zep. A tchi Orep yam ahinad’a hi Orep-pa, a tchi Zep ata yima miret guguzlud’a hi Zep-ma mi. A dik suma Madiyan-na, a mbeï ki yam Orep azi ki Zep mi Zedeyon sä abo alum ma Jurdê-na woi hî.