Isai 10:13 - Bible azumeina

¹³ Kayam mi dala: Ni kad’eng man nda abonda ba, an le kahle ndazina! An lazi ni ki ne manda, kayam an ni ma wahlena heîna. An b’lak ir hagad’a handjaf sumid’a woyo, an hurum ahle mazi suma ndjondjoîna mi. An zut amuleina kä woi yam zlumiyô mazi suma amula d’igi sama ad’engâ na mi.

Isai 10:13 Iomraidhean Croise

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

2 Amuleina 16:8

Ata yi máma mi yo kawei ma hapma ki lora suma a nga kur gong nga kud’ora hi Ma didinid’ina ki suma a nga kur gong nga ngom ndjondjoî d’a kur azì ma amulid’ina, mi sunuzi he d’a hawad’a mamul ma Asiri-na.

2 Amuleina 17:24

Amul ma Asiri-na mi yoï suma Babilon-na, suma Kuta-na, suma Ava-na, suma Hamat-na ki suma Sefarvayim-ma, mi tchuguzi kur ambas sa Samari-d’a balum Israel-lâ. Azi hlazì ma ngol ma Samari-na, a kak kur azì mat ma nglona pet.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 18:11

Amul ma Asiri-na mi yo Israel-lâ magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 18:15

Ezekiyas mi yo kawei ma hap ma nga kur gong nga kud’ora hi Ma didinid’ina ki ma nga kur gong nga ngom ndjondjoî d’a kur azì ma amulîd’a pet mi.

2 Amuleina 18:32

Agi kagagi hina djang, gak an mba ni yogi ni igi kur andaga d’a d’igi magid’a na d’a, kur andaga d’a geme ma lavungôna kat heîd’a ki guguzlu d’a le süma ki olif ma yor mbulâ ki mbul ayuma a nga kat mi d’a. Ar agi bogi ka hî d’i, agi mba kagagi ki arid’a sä hî. Ar agi humugi zlad’a hi Ezekiyas-sa d’i, kayam nga mi dagi ala Ma didina mba mi sud’ugiya, wani mi vid’igi ni woyo.

1 Sunda Hamuleinid’a 5:26

Alona hi Israel-lîna mi zut amulei suma Asiri-na, Pul ki Tiglat-Pileser, a yo suma hi Ruben-na, suma hi Gad-na kabo andjafâ hi Manase-na hurumba, a izi Hala, Habor, Hara kavun alum ma Gozan-na, a ar sä kaka kua gak ini.

Zla d’a d’ogolâ 28:11

Sama ndjondjoîna mi gol tamî sama ned’a, wani ma kid’ak ma wad’ud’a nga mi fegem ad’umu.

Isai 10:8

A dala: Mami suma nglona a ni d’igi amulei suma nglona na d’uo zu?

Isai 5:21

Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!

Jeremi 46:8

Ni suma Ezipte-na ba, a nga hop akulo d’igi mbiyo alum ma Nil ma nga mi sulul lei d’igi alum ma djangâ na na. A nga dala: Ami mba hobomi akulo, ami mba hlubumi andagad’a kä, ami mba b’lagami azì ma nglona woi ki suma kuruma mi.

Jeremi 48:14

Agi suma Mowap-ma, ni nana ba, agi mba dagi ala: Ami ni suma gangrangâ, ami ni azigar suma dur ayîna ge?

Ezekiyel 25:3

Ang dazi ala: Agi humugi zlad’a hi Salad’a Ma didinid’a. Salad’a Ma didina mi dala: Agi dagi ala: Tchuhu ngrang! yam yi man ma an tinim iram vama ata yima mi mbut ndjendjed’ina, yam andaga d’a Israel-la ata yima a b’lagat teina, yam suma Juda-na ata yima a izi magombina.

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala:

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Ezekiyel 35:13

Ndak tchol akulo, ndak dan zla d’a tchod’a kur zla mak ka ded’a, ndak zul zla mak ka ded’a kan kä hina wik. An hum zla ndata pet.

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Amos 5:27

Kayam ndata, an Ma didin ma simiyên ala Alo ma ad’engên kal petna na nga ni dagiya. An mba ni yogi ni igi magomba sä woi dei bugol Damas.

Amos 6:13

Agi nga lagi furîd’a yam ahle suma hawa ya’â, agi nga dagi ala: Ni kad’eng mamid’a ba, ami fami kad’enga yam ndrata kua wan nduo zu?

Habakuk 1:11

Ad’engêzi nga d’i i avogovogo, nga d’i kal d’igi simetna na; ad’engêzi nalo mazina.

Habakuk 1:16

Kayam ndata, a nga ngat buzuna mabei mazina, a nga ngal dubang ma his djivid’ina mabei mazina á lum ad’umu. Kayam ni mam ba, nga mi vigizi kuluf ma djivi ma mbulâ; te mazina nga mi zul mi.

Habakuk 2:6

Sum ndazina a mba mbud’umî vama lasa ki vama ndala mi d’uo zu? Azi mba dala: Ni zla d’a hohoud’a yam sama tok ahlena hi ndromina, ni zla d’a hohoud’a yam sama nga mi tok godjined’a kama; mba mi le hina ni gak mindja ge?

Gat ta a hat á mbàd’id’a 8:17

Agi gologi tagi djiviya! Ar agi dagi kurugi ala nad’eng magid’a ki sib’ik magid’a ba, ti fahle suma ndjondjoî ndazina d’i.

Suma ka sariyad’a 7:2

Ma didina mi de mi Zedeyon ala: Suma a nga ki sed’engâ a kal ablaud’a heî tala an hazi suma Madiyan-na aboziya d’a. Le an hazizi aboziya ni, a mba aran an bei subura ta, a suburî tazi ala ni azi tazid’a ba, a sut taziya.