Isai 1:29 - Bible azumeina

²⁹ Gagazi, agi mba mbud’ugi zulona kagu ma terben agi tinigi hurugi kama, agi mba mbud’ugi zulona kasine ma agi manam ma agi nga tuwalagizina mi.

Isai 1:29 Iomraidhean Croise

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Isai 31:7

Kur bur máma nge nge pî adigagi mba mi tchuk filei mam ma kawei ma hapma d’oze filei mam ma lor ma agi lagizi kabogi ma tchi matnina woyo.

Isai 42:17

Suma a tin huruzi yam fileina ki suma a nga de mi kawei ma yora ala: Agi nalo mamina na, a mba didak bugolo, a mba mang ngei abo zulona mi.

Isai 45:16

Gola! Suma a min fileinina a mbut zulona, a tchuk susub’ok, a nga i ki yazi tchoka kä.

Isai 57:5

Agi ni suma hologi tagi ad’u atchinda ad’u agu ma lara ge ma angusîna d’uo zu? Agi ni suma a nga ngad’agi grogina kä kur hora angra ahuniyônina mi d’uo zu?

Isai 65:3

Ni suma a nga zalan hurun burâ ki burâ bei ara ba na, ni suma a nga ngat ahle mazi suma ngat buzuna hur asinenina, a nga ngal dubang ma his djivid’ina yam yima ngal dubang ma his djivid’a ma a minim ki derengelîna.

Isai 66:17

Ma didina mi dala: Suma a tin tazi irat vat a mbut tazi yed’et á i kur asinena á tuwal fileina á tit bugol ma ngol ma nga tchola adigazi á mut kozongâ kahle suma ndjendjed’a ki klomina pet a mba bo woyo.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 3:6

Kur atchogoid’a hi Josiyas-sa Ma didina mi dan ala: Ang we vama Israel suma a tcha tatana a luma zu? A i yam ahina d’a lara ge d’a fuyogeid’a, ad’u agu ma angus ma lara a mbut tazi gaulangâ.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Ezekiyel 36:31

Ata yi máma agi mba djib’eregi yam tit magid’a ki sun magi d’a ata yat tuo d’a, agi mba gologi tagi ni vama ndjendjed’a yam tchila magid’a ki sun magi d’a ndjendje d’a agi lat adjeud’a.

Ezekiyel 6:13

Azi mba wala an ni Ma didina ni fata mad’azi mba mi tchuk kä aduk filei mazi ma tetengâ gen yi mazi ma ngal ahle suma ngat buzu ma tetengâ, yam yi mazi ma nding ma lara, yam ahuniyô suma fuyogei suma lara, ad’u agu ma lara ma angusâ, ad’u agu sen ma d’uf ma lara ma guguluîna, ata yima azi ngal dubang ma his djivid’ina mi filei mazina kuana pet.

Wana ni mbaktumba hi Oze-d’a 14:3

Amul ma ngol ma Asiri-na mba mi sud’umi d’i, ami mba fulumi yam akulumeina d’i, ami mba dami mi sun nda ami lat kabomid’a ala: Nda’î alo mamina d’uo d’a. Kayam ni ang ba, we hohowa ma hokuyod’a.

Wana ni mbaktumba hi Oze-d’a 14:8

Suma Efraim-ma a mba dala: Vama ndolomi ki fileina ni me ge? An mba ni hulongôzi humba yam tchen mazid’a, an mba ni tin iran kaziya, an mba ni mbut ni d’igi agu sipre ma d’uf ma gugulîna na kaziya. Ni yam an ba, agi fagi ki te magina.

Wana ni mbaktumba hi Oze-d’a 4:13

A ngat ahle suma ngat buzuna akulo yam ahinad’a yat ta ked’iwurenga, a ngal dubang ma his djivid’ina akulo yam yima ndingâ, ad’u agu sena, ad’u agu pepliyena, ad’u agu tereben suma anguzuna b’uguma mi. Ni kayam ndata ba, grogi suma aropma a nga le gaulangâ, grogina amiyôzina a nga le mizeuna mi.

Wana ni mbaktumba hi Oze-d’a 4:19

Simetna mba mi yozi mi i ki sed’eziya. A mba mbut zulona kahle mazi suma ngat buzu suma azi nga ngad’azina mi.

Romê-na 6:21

Adjeu agi fagi ni me ata yima agi nga lagi sunda, agi nga lagi zulona kat ki tchetchembid’a ge? Kayam dabid’a hi sun ndatid’a ni matna.