Isai 1:28 - Bible azumeina

²⁸ Wani mba mi b’lak suma tchila yam gata ki suma le tchod’a woi abo tazi tu, suma a aram mbeina a mba ba woi mi.

Isai 1:28 Iomraidhean Croise

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

2 Sunda Hamuleinid’a 21:10

Suma Edom-ma a kak djangûna ki suma te yam suma Juda-na kur atchogoi ndata gak ini. Suma Libini-na a tchol huneîd’a ki sed’em kur atchogoi ndata mi, kayam mi ar Ma didina Alona habuyom ngolona woyo.

2 Sunda Hamuleinid’a 28:23

Mi hahle suma ngat buzuna malona hi suma Damas ma nga mi durum ayînina, mi dala: Nalona hamulei suma Siri-na ba, nga mi ndjunuziya, an i ni hum he d’a hawad’a ngat buzuna, kayam mi ndjununu. Hina wani, mi mba ki b’laka kam ki Israel-lâ pet mi.

2 Sunda Hamuleinid’a 28:6

Kur bur ma tuna Peka Remaliya goroma amul ma Israel-lâ, mi tchi azigar suma gangrangâ aduk suma Juda-na 120.000, kayam azi ar Ma didina Alona habuyozi ngolona woyo.

Wana ni mbaktumba hi Job-pa 31:3

Hohoud’a ni yam suma asa’atna, kid’eî ira ni yam suma a nga le sun nda tchod’ina mi d’uo zu?

Wana ni mbaktumba hi Job-pa 34:26

nga mi tozi d’igi a to suma asa’atna na ir suma pet.

Wana ni mbaktumba hi Job-pa 34:27

Kayam azi wal lei ki sed’emu, azi tit nga yam gat mam tu d’i.

Sawal la giled’a 1:6

Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Sawal la giled’a 104:35

Ar suma le tchod’a a vit tei yam andagad’a, ar suma asa’atna a dap pei ki irazi fafat. An min gile Ma didina! Agi gilegi Ma didina mi!

Sawal la giled’a 125:5

Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!

Sawal la giled’a 37:38

Wani suma a tchila yam gatina pet, a mba ba woyo; suma asa’atna a mba i avogovok ki.

Sawal la giled’a 5:6

Suma a subur tazina a ndak á tchol avorong ngi, suma a le sun nda tchod’ina pet, ang nga noyôzi woyo.

Sawal la giled’a 73:27

Gola! Suma a wal lei dei ki sed’engâ a mba ba woyo, suma a arang ngei suma a nga tit d’ingêr avorong nguo na, ang mba b’lagazi woyo.

Sawal la giled’a 9:5

Kayam ang nga ndjunun yam d’ingêr manda, yam zla manda mi, ang nga kaka yam zlam manga á kan sariya d’a d’ingêra.

Sawal la giled’a 92:9

Wani Ma didina, ang nga kaka akulo gak didin.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Isai 24:20

Andagad’a mba d’i hle titigir d’igi sama mi hle titigir abo sümina na, mba d’i mbut ni d’igi domina na, tcho mata mba d’i tchat aneka, ti puk kä, mba d’i tchol akulo d’uo d’a.

Isai 30:13

tcho ndata mba d’i ari kagi d’igi gong nga ti wak zizirik ti hal á dris kä woid’a hina, d’igi gulumun ma fiya’â mi wak mi zirik kä atogo zak na mi.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Isai 50:11

Gola! Agi pet suma vagi akud’ina, agi suma ganagi akud’a abogina, agi igi aduk aku d’a bibiliu d’a agi vata. Ahle ndazina a tcholï nabo an ba, a mba kagi wana, agi mba bogi ni kur ndaka na.

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Isai 64:6

Sama mi yang simiyêng ma mi tchol akulo á reî ki sed’engâ nga d’i. Ang ngei tang ngei iramiya, ang arami ami pugumi kä kur tcho mamid’a yam tchila mamid’a.

Isai 65:11

Wani agi suma aran an Ma didina woina, agi suma maragi yam ahina man nda a tinit irat vat suma a nga lagi tena mi filei ma a yum ala Gad-na na, agi suma nga oyôgi kopma ki süm guguzlud’a mi filei ma a yum ala Meni-na na,

Isai 66:17

Ma didina mi dala: Suma a tin tazi irat vat a mbut tazi yed’et á i kur asinena á tuwal fileina á tit bugol ma ngol ma nga tchola adigazi á mut kozongâ kahle suma ndjendjed’a ki klomina pet a mba bo woyo.

Isai 66:24

Ata yima suma a mba buzuk abuna, a mba we mad’a suma a kak djangûna ki sed’ena tchuka kä. Ndjuvul ma atazina nga mi bo d’i, aku mazid’a nga d’i mit tei d’uo mi, a mba mbut ni vama ndjendjed’a ir suma pet mi.

Jeremi 17:13

Ma didina, angî ma Israel-lâ a tin huruzi kangâ, suma a arang ngeina, zulona mba mi laziya; suma a wal lei ki sed’engâ a mba dap pei d’igi simi ma a b’irim kä aduk andaga d’a gugud’upa na, kayam a arang ang Ma didina mbiyo ma lau ma arid’a woyo.

Jeremi 44:12

An mba ni yo suma Juda suma a ar suma a nga huruzi á i yam ambas sa Ezipte-d’a á kak sä kuana, an mba ni dabazi woyo. A mba puk kä kur ambas sa Ezipte-d’a, a mba tchazi avun ayîna, baktarad’a mba d’i tchaziya, a mba dap peyo, tin ad’ud’a ata gugureina gak mba yam suma nglona. A mba tchazi avun ayîna, baktarad’a mba d’i tchazi mi. A mba mbut ni vama ge vuna, vama atchapma, vama a golom isâ ki vama ngula mi.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

2 Pierre 3:7

Wani akulod’a kandaga d’a tchetchemba a nga ngomozi ki zlad’a hAlonid’a tu ndata á b’lagazi woi kakud’a kur bur ma a mba ka sariyad’a yam suma tchona á b’lagazi woina.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

1 Samuel 12:25

Wani le agi nga lagi tchod’a ni, agi mba b’lagagi woi kamul magina.