Isai 1:20 - Bible azumeina

²⁰ Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Isai 1:20 Iomraidhean Croise

Wana ni mbaktumba hi Job-pa 36:12

Wani le azi hum nga d’uo ni, a mba tchazi woi avun ayî ma durâ, a mba bo woi yam bei we mazid’a mi.

Buzuk ka Abud’a 9:2

Le ang arazi á id’a d’uo, ang le d’elezi kua d’eyu ni,

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Isai 3:25

Ndak Jerusalem, sum ma’â, a mba tchazi ki mbigeu d’a fiyaka, grang ma’â, a mba tchazi avun ayîna.

Isai 34:16

Agi halagi kur mbaktumba hi Ma didinid’a, agi ndumud’u. Ma agi mba fum kua d’uo na nga d’i; azi pet a mba fazi ni kakap, ma kaleina nga d’i. Kayam ni Ma didina ba, mi he vuna, ni Muzuk mama ba, mba mi togoziya.

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 58:14

ata yi máma ang mbud’un ni an Ma didina va mang ma furîd’a, an mba ni tining akulo yam ambasa yam yima ndingâ, an mba ni hang tena ki djona habung ngolo Jakob-ma. Wana ni zla d’a ndavunan an Ma didinid’a.

Isai 65:12

an nga ni hagi woi avun ayîna. Agi pet mba grivigi kä á ngad’agiya, kayam an yagiya, wani agi hulongôn nga humba d’i, an dagi zlad’a, wani agi humugi nga d’uo mi. Wani agi lagi ni sun nda tchod’a avoronu, agi managi ni vama tan lan nga djivi kam mbuo na mi.

Isai 8:6

Sum ndazina a noî mbiyo ma Silowe ma nga mi djang lalama, a nga le furîd’a yam Resin azi ki Remaliya goroma.

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 21:8

Ma didina mi de mi Jeremi kua ala: Ang i de mi sum ndazina ala: Ma didina mi dala: Gola! An nga ni tinigi lovota mbà avorogiya, nala, arid’a ki matna.

Jeremi 26:4

Ang dazi ala: Ma didina mi dala: Le agi humun nga á tid’igi yam gat man nda an nga ni tinigizi avorogi wanda d’uo,

Jeremi 4:17

Ma didina mi de kua ala: Gola! A ngui wa Jerusalem d’uhl d’igi suma a ngom asinenina na, kayam ndat ti humun nga vunan ndi.

Jeremi 46:14

Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!

Sunda hi suma hi Levi-nid’a 26:25

An mba ni mba kayî ma durâ kur ambas magid’a á hlatchugulun yam vun ma djin ma an djinim ki sed’egina. Fata agi mba togogi kur azì magi ma nglonid’a, an mba ni sunï tugud’ei djabuma adigagiya, an mba ni hagi abo magi suma djangûna.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Mise 4:4

Azi nge nge pî mba mi kak kä ad’u guguzlu mamba, kä ad’u tulum mama mi, sama mba mi mbud’uzi mandarîna nga d’i. Wana ni zla d’a Ma didin ma ad’engêm kal petna mi data.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

1 Samuel 12:15

Wani le agi nga humum vunam mbuo, agi nga tchilagi yam gat mamba mi ni, Ma didina mba mi ngobogi d’igi mi ngop abuyogi ngolo adjeu na mi.

1 Samuel 12:25

Wani le agi nga lagi tchod’a ni, agi mba b’lagagi woi kamul magina.

1 Samuel 15:29

Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.