Wana ni mbaktumba hi Oze-d’a 9:15 - Bible azumeina

¹⁵ Asa’at mazid’a ti nde woi navo Gilgal. Ni kua ba, an noyôzi woyo. An mba ni digizi woi avo hatan yam tcho mazi d’a azi lata, an mba ni le kazi baba d’uo d’a, kayam mazi suma nglo suma avorozina pet a ni suma bei hum vuna ba na.

Wana ni mbaktumba hi Oze-d’a 9:15 Iomraidhean Croise

Sawal la giled’a 78:60

Mi djok kei avo Silo ata yi mam ma kak ma aduk sumina.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Jeremi 11:15

Ma didina mi dala: Suma an hurun vazi heîna a le nga sun nda irata d’i, a mba kur gong manda á le ni me ge? A djib’er ala vama azi hlan vunazi kama d’oze ahle suma a ngad’andji buzunina, a mba kengêzi woi abo ndaka, a mba buzuk kei kuru zu?

Jeremi 12:8

Sumala ni mana na, a mbut azlona kan aduk agud’a, a nga toï breîd’a atanu. Ni kayam ndata ba, an noyôzi woyo.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 3:8

Ata yima an ni dik Israel suma a tcha tatana woi yam mizeu mazina, an hazi mbaktum mba dika, an wala b’oziyozi suma Juda suma bei d’engzengâ a le nga mandarâ yam zla ndata d’i, wani a i a le gaulangâ mi.

Jeremi 5:5

Wani an mba ni i gen suma nglona, ni de zlad’a ki sed’eziya, kayam azi ni suma a we minda hi Ma didinid’a ki gata hAlo mazinid’a. Wani azi tazi pet ni hina mi, a kus djuk ma kelezina woyo, a but vun mazi ma djin ma a djinim kAlonina woi mi.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Ezekiyel 23:18

Ti ndäd’u gaulang matna woi abua, ti ar tat gandilad’a. Ni kayam ndata ba, an wal tan ndei ki sed’et d’igi an wal tan ndei ki wiyeta na mi.

Wana ni mbaktumba hi Oze-d’a 1:6

Gomer ti hulong ve wirâ, ti vut gor atchad’a. Ma didina mi de mi Oze ala: Ang yat ala Lo-Ruhama (nala, Bei we hohoud’a), kayam an mba ni we hohowa Israel-lâ á vat hurun ndei kazi gagak kuo d’a.

Wana ni mbaktumba hi Oze-d’a 1:9

Ma didina mi de mi Oze ala: Ang yum ala Lo-Ammi (nala, Ni sum mana d’i!), kayam agi nga ni sum mana d’i, an nga ni magina d’uo mi.

Wana ni mbaktumba hi Oze-d’a 12:11

An de zla manda mi suma djok vuna, an ar ahlena a nde tazi woi irazi teteng, an de zlad’a woi ki d’ogolâ mi suma djok vuna mi.

Wana ni mbaktumba hi Oze-d’a 12:2

Suma Efraim-ma a te ni simetna, a nga tit bugol simet ma abo ma yorogonina. Burâ ki burâ a de ni zla d’a kad’a, a nga hurum ahlena, a djin vunazi ki suma Asiri-na, a nga i ki mbulâ avo Ezipte mi.

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Wana ni mbaktumba hi Oze-d’a 4:9

Wani vama mba mi mba yam sumina, mba mi mba yam suma ngat buzuna ni hina mi. An mba ni ngobozi yam tit mazid’a, an mba ni wuragazi yam tcho d’a azi lata mi.

Wana ni mbaktumba hi Oze-d’a 7:2

A nga de kuruzi ala an nga ni djib’er yam asa’at mazid’a d’i. Wani ki tchetchemba, tcho mazid’a ti nguyuzi wa, ti ni woi pid’ak avoron mi.

Wana ni mbaktumba hi Oze-d’a 9:17

Alo mana mba mi arazi woyo, kayam azi humum nga vunam mbi. Azi mba b’rau woi aduk andjaf suma yayak.

Wana ni mbaktumba hi Oze-d’a 9:3

Suma Efraim-ma a mba kak kur ambasa hi Ma didinid’a d’i. Azi mba hulong kur ambas sa Ezipte-d’a, a mba i Asiri á te te ma ndjendjed’a.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Amos 4:4

Agi igi Betel, lagi tchod’a! Agi igi Gilgal, lagi tcho d’a kala! Agi hagi ahle magi suma ngat buzuna ki yorogo d’a lara ge pet! Burâ hindi agi mbagi ki dim magina, agi mbagi ki dim magina!

Amos 5:27

Kayam ndata, an Ma didin ma simiyên ala Alo ma ad’engên kal petna na nga ni dagiya. An mba ni yogi ni igi magomba sä woi dei bugol Damas.

Amos 5:5

Agi halandi Betel li, agi igi Gilgal luo mi. Agi igi Berseba d’uo mi, kayam a mba yo suma Gilgal-lâ magomba ki zla tazi pet, Betel mba d’i mbut ni vama hawana mi.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 6:5

Agi sum mana, agi djib’eregi yam zla d’a Balak amul ma Mowap-ma mi ngat kurumba, Baläm Beyor goroma mi hulongôm humba na na ge? Tinï ad’ud’a Sitim dei gak mba Gilgal agi wagi sun nda djivi d’a an Ma didina ni lat ki sed’egid’a.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.

Zakari 11:8

An dik suma pol suma hindina woi kur til ma tuna, an ve nga tan kazi d’i. Azi tazi a golon an ni vama ndjendjed’a mi.

Sunda hi suma a sunuzinid’a 4:27

Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.

Sunda hi suma a sunuzinid’a 5:21

Ata yima suma a sunuzina a hum zla ndatina, a kal kur gong nga kud’ora hAlonid’a ki yorogo tcholola, a nga hat suma. Ma ngol ma ngat buzuna ki suma a nga ki sed’ema a mba, a yï suma b’ak zlad’a ki nglo suma toka hi Israel-lîna pet. A sun suma á halï suma a sunuzina kur gong nga dangeina.

Josue 10:43

Bugol tua ba, Josue ki Israel-lâ a hulong avo Gilgal.

1 Samuel 7:16

Bizad’a ki bizad’a mam nga mi ngui tita Betel, Gilgal ki Mispa á ka sariyad’a kur azì ma nglo ma hindi máma.